شەكارا ءوڭىردى باسقارۋدىڭ ءتۇرلى قىزمەتتەرىن ىشكەرىلەي جاقسى ىستەپ، شەكارا وڭىرلەردىڭ جوعارى ساپالى دامۋىن ىلگەرىلەتۋ كەرەك

شينحۋا اگەنتتىگى، 12 - ايدىڭ 10 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 12 - ايدىڭ 9 - كۇنى تۇستەن كەيىن ەلىمىز تاريحىنداعى شەكارا ءوڭىردى باسقارۋ جونىندە 18 - رەتكى توپتىق ۇيرەنۋىن وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا بىلاي دەپ باسا دارىپتەدى: شەكارا ءوڭىردى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋ − جۇڭگو ۇلگىسىندەگى وسىزامانداندىرۋدىڭ قاجەتتى مازمۇنى. پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن مۇقيات دايەكتىلەندىرىپ، پارتيا ورتالىق كوميتەتىنىڭ شەكارا ءوڭىردى باسقارۋ جونىندەگى شەشىمدەرى مەن ورنالاستىرۋلارىن تياناقتاندىرىپ، شەكارا ءوڭىردى باسقارۋ قىزمەتتەرىن ىشكەرىلەي جاقسى ىستەپ، شەكارا وڭىرلەردىڭ جوعارى ساپالى دامۋىن ىلگەرىلەتۋ كەرەك.

جۇڭگو قوعامدىق عىلىمدار اكادەمياسى عىلىم ءبولىمىنىڭ مۇشەسى، جۇڭگو تاريح زەرتتەۋ ورنى باستىعىنىڭ ورىنباسارى لي گوچياڭ جولداس وسى ماسەلە جونىندە تۇسىنىك جاساپ، قىزمەت ۇسىنىسىن ورتاعا قويدى. ورتالىق كوميتەتتىڭ ساياسي بيۋروسىنداعى جولداستار تۇسىندىرمەنى مۇقيات تىڭدادى ءارى تالقى جۇرگىزدى.

شي جينپيڭ ءتۇسىندىرۋدى جانە تالقىنى تىڭداعاننان كەيىن ماڭىزدى ءسوز سويلەدى. ول بىلاي دەپ اتاپ كورسەتتى: پارتيا 18 - قۇرىلتايىنان بەرى پارتيا ورتالىق كوميتەتى ەل باسقارۋ ستراتەگيالىق جالپى جاعدايىن كوزدەي وتىرىپ، ”مەملەكەتتى باسقارۋدا، ءسوز جوق، شەكارا ءوڭىردى باسقارۋ“، ”شەكارا ءوڭىردى گۇلدەندىرىپ، حالىقتى اۋقاتتاندىرۋ، شەكارانى ورنىقتىرىپ، شەكارانى بەكەمدەۋ“ سياقتى ءبىرقىدىرۋ ماڭىزدى تۇجىرىمداردى، كەلەلى شارالاردى العا قويىپ، وڭىرلەردىڭ سايكەستى دامۋ ستراتەگياسىنا، وڭىرلىك كەلەلى ستراتەگياعا تاباندى بولىپ جانە ونى كەمەلدەندىرىپ، شەكارا وڭىرلەردىڭ جوعارى ساپالى دامۋىن جەدەلدەتتى، شەكارا وڭىرلەردىڭ بۇكىل ەلمەن بىرگە كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتۋىن، جاپپاي دوڭگەلەك داۋلەتتى قوعام ورناتۋىن، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاۋىن ىلگەرىلەتىپ، شەكارا ءوڭىردى باسقارۋدا تاريحي تابىستارعا قول جەتكىزىپ، تاريحي وزگەرىستەر تۋدىردى.

شي جينپيڭ بىلاي دەپ باسا دارىپتەدى: پارتيانىڭ جاپپاي باسشىلىعىن شەكارا ءوڭىردى باسقارۋدىڭ بارلىق جاعىندا، جالپى بارىسىندا تياناقتاندىرۋعا تاباندى بولۋ كەرەك. ستراتەگيالىق جوبا مەن ءبىر تۇتاس سايكەستىرۋدى كۇشەيتىپ، شەكارا ءوڭىردى باسقارۋدى ءار جاقتاعى ىستەردىڭ دامۋىمەن ورگانيكالى توعىستىرۋ كەرەك. قاتىستى تاراۋلار ءوز جاۋاپكەرشىلىكتەرىن ارقالاپ، باتىلدىقپەن جاۋاپكەرشىلىك ارقالاپ، تىعىز سايكەسىپ، بىرىككەن كۇش قالىپتاستىرۋى كەرەك. شەكارا رايوندارداعى ءار دارەجەلى پارتيا ۇيىمدارى پارتيا ورتالىق كوميتەتىنىڭ رۋحىمەن سالىستىرىپ، سالىستىرىپ جانە ونىمەن تۋرالانىپ، ءتۇرلى جوبالاردى، زاڭ - ەرەجەلەردى، ساياساتتاردى، نىسانداردى ناقتى جوسپارلاۋ جانە اتقارۋ بارىسىندا تياناقتاندىرۋى كەرەك.

شي جينپيڭ بىلاي دەپ اتاپ كورسەتتى: جۇڭگو ۇلگىسىندەگى وسىزامانداندىرۋدى ىلگەرىلەتۋدە شەكارا وڭىرلەردىڭ بىردە - ءبىرىن قاعىس قالدىرۋعا بولمايدى. شەكارا رايونداردىڭ دامۋىن جۇڭگو ۇلگىسىندەگى وسىزامانداندىرۋ ستراتەگياسىنىڭ جالپى جاعدايىنا، وڭىرلىك سايكەستى دامۋ ستراتەگياسىنا، وڭىرلىك كەلەلى ستراتەگياعا ەنگىزىپ، جاڭا دامۋ ۇستانىمىن تولىق، دالمە - ءدال دايەكتىلەندىرىپ، شەكارا رايونداردىڭ ءوز شارت - جاعدايىنا سۇيەنىپ، جاڭا دامۋ جاعدايىمەن توعىسۋ، بۇكىل ەل بويىنشا ءبىر تۇتاس ءىرى بازارمەن توعىسۋ بارىسىندا ءوزىنىڭ جوعارى ساپالى دامۋىن جۇزەگە اسىرۋىن قولداۋ كەرەك. رەفورما جاساپ، ەسىك اشۋ ارقىلى قوزعاۋشى كۇشتى ارتتىرۋعا، ومىرشەڭدىك كۇش قوسۋعا تاباندى بولىپ، شەكارا رايونداردىڭ تەڭىز جاعالاۋى، شەكارا جاعالاۋى بولۋ سياقتى ابزالدىقتارىن ساۋلەلەندىرىپ، الۋان فورمالى ەسىك اشۋ بيىگىن قالىپتاستىرىپ، قۇرلىق پەن تەڭىز، ءىش پەن سىرت بىرلەسىپ قيمىلدايتىن، شىعىس پەن باتىس قوس باعىتتا ءوزارا كومەكتەسەتىن جاپپاي ەسىك اشۋ جاعدايىن قالىپتاستىرۋ كەرەك. قالا مەن اۋىلدىڭ توعىسپالى دامۋىنا تاباندى بولىپ، اۋدان ورتالىعىن ماڭىزدى دانەكەر ەتكەن جاڭاشا قالا - قالاشىقتاندىرۋ قۇرىلىسىن ورنىقتى ىلگەرىلەتىپ، اۋىل - قىستاقتى جاپپاي گۇلدەندىرۋدى ىلگەرىلەتىپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەپ، كەڭەيتىپ، كولەمدى قايتا كەدەيلەسۋدەن، كەدەيلەسۋدەن ءونىمدى ساقتانۋ كەرەك. دامۋ بارىسىندا حالىق تۇرمىسىن قامتاماسىز ەتۋگە جانە جاقسارتۋعا تاباندى بولىپ، شەكارا وڭىرلەردىڭ ءوندىرىس، تۇرمىس شارت - جاعدايىن ۇزدىكسىز جاقسارتىپ، نەگىزدىك قۇرىلعىلار مەن نەگىزگى الەۋمەتتىك قىزمەت وتەۋدەگى ولقىلىقتاردى جەدەل تولىقتاۋ كەرەك.

شي جينپيڭ بىلاي دەپ باسا دارىپتەدى: جۇڭحۋا ۇلتى ورتاق تۇلعا قۇرىلىسىن ىلگەرىلەتۋدى شەكارا وڭىردەگى ۇلتتىق وڭىرلەر قىزمەتىنىڭ نەگىزگى جەلىسى ەتۋگە تاباندى بولۋ كەرەك. سوتسياليستىك وزەكتى قۇن كوزقاراسىن جاپپاي امالياتتا ايگىلەپ، شەكارا وڭىردەگى ءار ۇلت بۇقاراسىن ۇلى وتاندى، جۇڭحۋا ۇلتىن، جۇڭحۋا مادەنيەتىن، جۇڭگو كوممۋنيستىك پارتياسىن، جۇڭگوشا سوتسياليزمدى شىنايى مويىنداۋدى ۇزدىكسىز كۇشەيتۋگە جەتەكتەپ، جۇڭحۋا ۇلتىنىڭ ورتاق رۋحاني مەكەنىن قۇرۋ كەرەك. ۇلتتىق وڭىرلىك اۆتونوميا تۇزىمىنە تاباندى بولىپ جانە ونى كەمەلدەندىرىپ، ءار ۇلت بۇقاراسىنىڭ زاڭدى ۇقىق - مۇددەسىن قامتاماسىزداندىرۋ كەرەك. مەملەكەتتە ءبىر تۇتاس قولدانىلاتىن ءتىل - جازۋدى جاپپاي جالپىلاستىرىپ، مەملەكەت ءبىر تۇتاس قۇراستىرىلعان وقۋلىقتاردى قولدانۋدى جاپپاي ىلگەرىلەتۋ كەرەك. ۇلتتار ىنتىماعى، العاباسارلىعىنداعى وزات ورىن قۇرۋ قىزمەتىن ۇزدىكسىز تەرەڭدەتىپ، ءوزارا كىرىككەن قوعامدىق قۇرىلىم مەن الەۋمەتتىك اۋماق ورتاسىن بەلسەنە قۇرىپ، ۇلتتاردىڭ اناردىڭ دانىندەي تىعىز ۇيىسۋىن جەبەۋ كەرەك.

شي جينپيڭ بىلاي دەپ اتاپ كورسەتتى: مەملەكەتتىڭ حاۋىپسىزدىگى مەن قوعامنىڭ ورنىقتىلىعىن قورعاۋدى شەكارا ءوڭىردى باسقارۋدىڭ تومەنگى شەك تالابى ەتۋگە تاباندى بولۋ كەرەك. بىرگە قۇراتىن، بىرگە باسقاراتىن، بىرگە يگىلىكتەنەتىن قوعامدىق باسقارۋ ءتۇزىمىن كەمەلدەندىرىپ، نەگىزگى ساتىنىڭ نەگىزىن ۇزدىكسىز بەكەمدەپ، شەكارا وڭىرلەردىڭ قوعامدىق باسقارۋ ونىمدىلىگىن جوعارىلاتۋ كەرەك. نەگىزدىك قۇرىلعىلار قۇرىلىسىن كۇشەيتىپ، عىلىم - تەحنيكا قۋاتىن كۇشەيتىپ، وتاندى قورعاۋ، شەكارانى قورعاۋ جالپى تۇلعالىق قۋاتىن جوعارىلاتۋ كەرەك.

شي جينپيڭ بىلاي دەپ باسا دارىپتەدى: شەكارا ءوڭىردى باسقارۋدى ىلگەرىلەتۋ نازاريالىق تىرەكتى كۇشەيتۋدى قاجەت ەتەدى. شەكارا ءوڭىر تاريحى مەن شەكارا ءوڭىردى باسقارۋعا قاتىستى كوپ ءپاندى زەرتتەۋدى كۇشەيتىپ، جۇڭگونىڭ دەربەس شەكارا ءوڭىر ءبىلىمى جۇيەسىن جەدەل ورناتۋ كەرەك. شەكارا ءوڭىردى باسقارۋداعى كەلەلى نازاريالىق جانە رەال ماسەلەلەردى زەرتتەۋدى تەرەڭدەتىپ، ىقپالدى، يلاندىرۋ قۋاتىنا يە اناعۇرلىم كوپ زەرتتەۋ جەتىستىكتەرىن جارىققا شىعارۋ كەرەك. شەكارا ءوڭىردى زەرتتەۋدەن ويداعىداي پايدالانىپ، جاڭا داۋىردەگى جۇڭگونىڭ شەكارا ءوڭىردى باسقارۋ حيكاياسىن ويداعىداي بايانداۋ كەرەك. ساياسي مايدانى بەرىك، نازاريالىق جاقتان ىسىلعان جانە جالپىلىق ساپاسى بەرىك شەكارا ءوڭىردى باسقارۋدى زەرتتەۋ قوسىنىن قۇرۋ كەرەك.

كەلۋ قاينارى: حالىق تورابى