9 تاراۋ پىكىر شىعارىپ، وتباسى زورلىق - زومبىلىعى فاكتىن تۇراقتاندىرۋدىڭ نەگىزگى دالەل - ىسپاتىن ايقىندادى

تاياۋدا قوعام حاۋىپسىزدىگى مينيسترلىگى، ورتالىق ساياسي - زاڭ كوميتەتى، ەڭ جوعارى حالىق سوت مەكەمەسى، وقۋ - اعارتۋ مينيسترلىگى، حالىق ىستەرى مينيسترلىگى، ٴادىليا مينيسترلىگى، مەملەكەتتىك دەنساۋلىق ساقتاۋ جانە سالاماتتىق كوميتەتى، مەملەكەتتىك ايەلدەر بىرلەستىگى، مەملەكەتتىك كەڭەستىڭ ايەلدەر - بالالار قىزمەت كوميتەتى كەڭسەسى بىرلەسىپ «وتباسى زورلىق – زومبىلىعىنا ەسكەرتۋ بەرۋ ءتۇزىمىن دايەكتى اتقارۋ جونىندەگى پىكىردى» باسىپ تاراتتى.

پىكىردە بىلاي دەپ بەلگىلەنگەن: قوعام حاۋىپسىزدىك ورگانىنىڭ وتباسى زورلىق - زومبىلىعى فاكتىن تۇراقتاندىرۋداعى نەگىزگى دالەل - ىسپات شارتتارى مىنالاردى قامتيدى: زيانداۋشى وتباسى زورلىق - زومبىلىعىنا بوتەن پىكىردە بولماسا، زاقىمداۋشىنىڭ ايتقانى، زاقىمدالۋشىنىڭ ايتقانى نەمەسە ايعاقتىڭ كۋالىك ءسوزى قاجەت؛ زاقىمداۋشى وتباسى زورلىق - زومبىلىعىن تەرىسكە شىعارسا، زاقىمعا ۇشىراۋشىنىڭ بايانداۋى نەمەسە ايعاقتىڭ كۋالىك ءسوزى، سونداي - اق باسقا ءبىر ءتۇرلى قوسىمشا دالەل بولۋى قاجەت.

قوسىمشا دالەلدىڭ تۇرلەرى: وتباسى زورلىق - زومبىلىعىن جۇرگىزۋ بارىسىن كورۋگە، ەستۋگە بولاتىن ماتەريال، وتباسى زورلىق - زومبىلىعىنا قاتىستى تەلەفون دىبىس جازباسى، كەلتەحات، سول كەزدەگى حابارلاسۋ ينفورماتسياسى، ەلەكتروندى پوچتا جولداماسى قاتارلى ەلەكتروندى ساندى مالىمەتتەر، تۋىس - تۋعان، دوس - جاران، كورشى – قولاڭ قاتارلى كۋاگەرلەردىڭ ايعاق سوزدەرى، ىسكە تۋشار بولۋشىنىڭ ازامات جاسىنا تولماعان پەرزەنتتەرىنىڭ جاسى، اقىلى قاتارلى جاعدايعا سايكەس كەلەتىن ايعاق سوزدەرى، زاقىمداۋشىنىڭ وكىنگەن ءسوزى نەمەسە كەپىلدىك حاتى، جاراقات جاعدايىن ساراپتاۋ پىكىرى، ەمدەۋ قۇرىلىمىنىڭ ەمدەۋ ەستەلىگى، قاتىستى تاراۋلار مەن ورىندار تاپسىرىپ العان وتباسى زورلىق - زومبىلىعى جونىندەگى ارىز - شاعىم، اڭىس نەمەسە كومەك سۇراۋ ەستەلىگى قاتارلى 8 ءتۇرلى دالەل – ىسپاتتى قامتيدى.

كەلۋ قاينارى: حالىق تورابى