شينجياڭدا تۇراقتاندىرىلدى، ولشەمدى جوعارىلاتتى! 

ءتىلشىنىڭ 1 - ايدىڭ 22 - كۇنى شينجياڭ ۇيعۇر اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنەن ۇعىسۋىنشا، جۋىردا شينجياڭ «اۆتونوميالى رايوننىڭ 2025 - جىلعى جۇمىسسىزدىقتان قامسىزداندىرۋ قاراجاتىنىڭ ولشەمىن رەتتەۋ جونىندەگى ۇقتىرۋىن» (تومەندە قىسقارتىلىپ «ۇقتىرۋ» دەلىنەدى) باسىپ تاراتىپ، اۆتونوميالى رايوننىڭ جۇمىسسىزدىقتان قامسىزداندىرۋ قاراجاتىنىڭ ولشەمىن رەتتەگەن. رەتتەلگەننەن كەيىنگى جۇمىسسىزدىقتان قامسىزداندىرۋ قاراجاتىنىڭ ولشەمى 2025 - جىلى 1 – ايدىڭ 1 - كۇنىنەن باستاپ اتقارىلادى.

«ۇقتىرۋدا» مىنالار ايقىن بەلگىلەندى: جۇمىسسىزدىقتان قامسىزداندىرۋ قاراجاتىنىڭ ولشەمى ەڭ تومەنگى ەڭبەكاقى ولشەمىنىڭ %90 ى بويىنشا بەلگىلەنەدى. 2025 - جىلى 1 - ايدىڭ 1 - كۇنىنەن باستاپ، شينجياڭ ەڭ تومەنگى ەڭبەكاقى ولشەمىن جاڭادان اتقاردى، اۆتونوميالى رايون بويىنشا جۇمىسسىزدىقتان قامسىزداندىرۋ قاراجاتى ولشەمى ءبىر تۇتاس رەتتەلدى: 1 - دارەجە ايىنا 1863 يۋان ، 2 - دارەجە ايىنا 1701 يۋان (تاسقورعان تاجىك اۆتونوميالى اۋدانىندا ايىنا 1710 يۋان بويىنشا اتقارىلادى)، 3 - دارەجە ايىنا 1575 يۋان. وسى رەتكى رەتتەۋدەن كەيىن، شينجياڭدا جۇمىسسىزدىقتان قامسىزداندىرۋ قاراجاتىنىڭ ولشەمى ايلىق ورتاشا 1521 يۋاننان ايلىق ورتاشا 1713 يۋانعا جوعارىلاپ، ايىنا ورتا ەسەپپەن 192 يۋان ارتىپ، جۇمىسسىزداردىڭ نەگىزدىك تۇرمىسى ونان ارى قامتاماسىزداندىرىلادى.

كەلۋ قاينارى: حالىق تورابى