شي جينپيڭ قىرعىزستاننىڭ زۇڭتۇڭى جاپاروۆپەن كەڭەس وتكىزدى

2 - ايدىڭ 5 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا مەملەكەتتىك ساپارمەن كەلگەن قىرعىزستاننىڭ زۇڭتۇڭى جاپاروۆپەن كەڭەس وتكىزدى. سۋرەتتە: شي جينپيڭ مەن حانىمى پىڭ لييۋان جاپاروۆ جانە حانىمى جاپاروۆامەن بىرگە سۋرەتكە تۇسۋدە.

سۋرەتتى شينحۋا اگەنتتىگىنىڭ ءتىلشىسى ديڭ لين تۇسىرگەن

2 - ايدىڭ 5 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا مەملەكەتتىك ساپارمەن كەلگەن قىرعىزستاننىڭ زۇڭتۇڭى جاپاروۆپەن كەڭەس وتكىزدى. سۋرەتتە: كەڭەستەن بۇرىن شي جينپيڭ حالىق سارايىنىڭ سولتۇستىك زالىندا جاپاروۆتى قارسى الۋ سالتىن وتكىزۋدە.

سۋرەتتى شينحۋا اگەنتتىگىنىڭ ءتىلشىسى لي شياڭ تۇسىرگەن

«حالىق گازەتى»، 2 – ايدىڭ 5 – كۇنى، بەيجيڭ. 2 - ايدىڭ 5 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا مەملەكەتتىك ساپارمەن كەلگەن قىرعىزستاننىڭ زۇڭتۇڭى جاپاروۆپەن كەڭەس وتكىزدى.

شي جينپيڭ بىلاي دەپ اتاپ كورسەتتى: جۇڭگو مەن قىرعىزستاننىڭ تاۋ - سۋى تۇتاسىپ جاتىر، حالىق تىلەگى ەتەنە، جاقسى كورشى، جاقسى دوس، جاقسى سەرىكتەر. تاياۋ جىلداردان بەرى جۇڭگو - قىرعىزستان قارىم - قاتىناسى قارىشتاپ دامىپ، جاڭا داۋىردەگى جالپى بەتتىك ستراتەگيالىق سەرىكتەستىك سىندى جاڭا دەڭگەيگە جەتتى. ەكى جاقتىڭ ساياسي سەنىمدىلىگى ۇزدىكسىز بەكەمدەلىپ، ءار سالاداعى سەلبەستىگىندە شات حابارلار ارت - ارتىنان تارالىپ، جۇڭگو - قىرعىزستان تاعدىرلاس ورتاق تۇلعاسىن قۇرۋدىڭ قوعامدىق جانە حالىق رايى نەگىزى بارعان سايىن بەكەمدەلدى. جۇڭگو جاق قىرعىزستان جاقتىىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولىمەن ءجۇرۋىن قولدايدى، قىرعىزستان جاقپەن دامۋ ستراتەگياسىن ۇشتاستىرۋدى تەرەڭدەتىپ، ەل باسقارۋ تاجىريبەلەرىن اۋىستىرۋدى كەڭەيتىپ، جالپى بەتتىك ءوزارا ءتيىمدى سەلبەستىكتى ىلگەرىلەتىپ، ەكى ەلدىڭ ورتاق مۇددەسىن قول ۇستاسا قورعاپ، جۇڭگو - قىرعىزستان تاعدىرلاس ورتاق تۇلعاسى قۇرىلىسىنىڭ اناعۇرلىم ويداعىداي تياناقتانۋىن، ناقتىلانۋىن ىلگەرىلەتۋدى قالايدى.

شي جينپيڭ بىلاي دەپ باسا دارىپتەدى: ەكى جاق وي جەلىسىن ۇزدىكسىز كەڭەيتىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدى نەگىزگى جەلى ەتىپ، ءوزارا ءتيىمدى سەلبەستىكتىڭ ۇزدىكسىز تەرەڭدەۋىن ىلگەرىلەتۋى كەرەك. جۇڭگو جاق ەكونوميكا - ساۋدا، قارجى قوسۋ سەلبەستىگىن ۇزدىكسىز كەڭەيتىپ، قىرعىزستاننىڭ ءتىپتى دە كوپ ساپالى تاۋارلارىن يمپورت ەتۋدى قالايدى، ءتىپتى دە كوپ جۇڭگو قارجىلاندىرعان كاسىپورىنداردىڭ قىرعىزستانعا بارىپ قارجى قوسىپ، كاسىپتى گۇلدەندىرۋىن قولدايدى، قىرعىزستاننىڭ جۇڭگو قارجى قوسۋشىلارىنىڭ زاڭدى ۇقىق - مۇددەسىن شىنايى قامتاماسىزداندىرۋىن ءۇمىت ەتەدى. ۇلاستىرۋ - تۇتاستىرۋ دەڭگەيىن جالپى بەتتىك جوعارىلاتىپ، جۇڭگو - قىرعىزستان - وزبەكستان تەمىر جولىن جوعارى ولشەممەن، جوعارى ساپامەن ويداعىداي قۇرىپ، شەكارا وتكەلدەرىن وسىزامانداندىرۋدى، جاڭالاۋدى قاتار ىلگەرىلەتىپ، ءتىپتى دە كوپ جولاۋشى، جۇك تاسىمال كەزەكشى ۇشاق لەنيالارىن اشىپ، ەكى ەل ادامدارىنىڭ بارىس - كەلىسى مەن زات اينالىمىنا ءتىپتى دە كوپ قولايلىلىق جاراتىپ، شەكارا اتتاعان ەلەكتروندىق ساۋدا، ءىرى ساندى مالىمەت، جاساندى زەيىن سياقتى جاڭاشا وندىرگىش كۇشتەر سەلبەستىگىن كەڭەيتىپ، جاڭا ارتۋ تۇيىندەرىن قالىپتاستىرۋ كەرەك. ەكى جاق جۇڭگو مادەنيەت ورتالىعى، لۋبان شەبەرحاناسى، كۇڭزى شۋەيۋانى سياقتى قۇرىلىمداردى ويداعىداي ىسكە قوسىپ، جەرگىلىكتى ورىنداردىڭ اۋىس - كۇيىسىن كۇشەيتىپ، جۇڭگو - قىرعىزستان دوستىعىنا ات سالىساتىن اناعۇرلىم كوپ كۇشتەردى جەتىلدىرۋى كەرەك. جۇڭگو جاق قىرعىزستان جاقپەن تىعىز سەلبەسىپ، جۇڭگو - ورتا ازيا مەحانيزمى سەلبەستىگىنىڭ دەڭگەيىن جوعارىلاتىپ، شاڭحاي سەلبەستىك ۇيىمىن ناقتىلاندىرىپ، كۇشەيتىپ، بىرلەسكەن مەملەكەتتەر ۇيىمىن وزەك ەتكەن حالىقارالىق جۇيەنى قورعاپ، دۇنيە جۇزىلىك دامۋ باستاماسىن، دۇنيە جۇزىلىك حاۋىپسىزدىك باستاماسىن، دۇنيە جۇزىلىك وركەنيەت باستاماسىن امالياتتا ايگىلەپ، ادامزاتتىڭ تاعدىرلاس ورتاق تۇلعاسىن قول ۇستاسا قۇرۋدى قالايدى.

جاپاروۆ مىنالاردى ءبىلدىردى: جاڭا جىل باستالىسىمەن جۇڭگوعا ساپارلاي كەلگەنىمە توتەنشە قۋانىشتىمىن، ءتوراعا شي جينپيڭ مەن جۇڭگو حالقىنا ەڭ تاماشا تىلەكپەن كوكتەم مەرەكەسى قۇتتى بولسىن ايتامىن، جۇڭگونىڭ 9 - كەزەكتى ازيا قىسقى سپورت جارىسىن ءساتتى وتكىزۋىن تىلەيمىن. ءتوراعا شي جينپيڭنىڭ باسشىلىعىندا جۇڭگو ەكى 100 جىلدىق كۇرەس نىساناسىن جۇزەگە اسىرۋ ساپارىندا شۇعىلالى تابىستارعا قول جەتكىزىپ، ءار ەلمەن دامۋ جەتىستىكتەرىنەن بىرگە يگىلىكتەنىپ، وسىزاماندانۋعا قادام تاستاۋمەن بىرگە، جۇڭحۋانىڭ تاڭداۋلى ءداستۇرلى مادەنيەتىن ساۋلەلەندىرىپ، دۇنيە جۇزىنە ۇلگى ورناتتى، قىرعىزستان جاق جۇڭگونىڭ تابىستى تاجىريبەلەرىن ۇيرەنۋدى قالايدى. قىرعىزستان مەن جۇڭگونىڭ دوستىق بارىس - كەلىسى ارىدان باستاۋ الادى. ەكى ەل قارىم - قاتىناسى تاياۋ جىلداردان بەرى تىڭ ورەگە كوتەرىلدى، جۇڭگو − قىرعىزستاننىڭ سەنىمدى دوسى جانە سەرىگى، تاراۋلار، جەر - جەر تىعىز سەلبەستىك ورىستەتتى ءارى سۇبەلى تابىستارعا قول جەتكىزدى. قىرعىزستان جاق تايۋانعا، شينجياڭعا، شياڭگاڭعا ساياتىن ماسەلەلەردە جۇڭگو جاقتى ۇزدىكسىز باتىل قولدايدى. قىرعىزستان جاق جۇڭگو جاقپەن قىرعىزستان - جۇڭگو تاعدىرلاس ورتاق تۇلعاسى قۇرىلىسىن ىلگەرىلەتۋدە اناعۇرلىم كوپ جەتىستىكتەرگە قول جەتكىزىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرىپ، جۇڭگو - قىرعىزستان - وزبەكستان تەمىر جولى سىندى ”قۇرىش جىبەك جولىن“ ويداعىداي سالىپ، كاسىپ سالاسى، قارجى قوسۋ، ساۋدا، قاتىناس، ەلەكتروندىق ساۋدا، وقۋ - اعارتۋ سياقتى سالالارداعى سەلبەستىكتى ىلگەرىلەتۋدى قالايدى. حالىقارالىق، وڭىرلىك كۇردەلى وزگەرىس جاعدايىندا قىرعىزستان جاق جۇڭگو جاقپەن تىعىز سەلبەسىپ، شاڭحاي سەلبەستىك ۇيىمى مەن جۇڭگو - ورتا ازيا مەحانيزمىنىڭ اناعۇرلىم زور دامۋعا قول جەتكىزۋىن ىلگەرىلەتىپ، 3 ۇلكەن دۇنيە جۇزىلىك باستامانى بەلسەنە تياناقتاندىرىپ، ءوڭىردىڭ جانە دۇنيە ءجۇزىنىڭ بەيبىتشىلىگى مەن ورنىقتىلىعىن بىرگە قورعاۋدى قالايدى.

كەڭەستەن كەيىن ەكى ەلدىڭ مەملەكەت باسشىلارى «جۇڭحۋا حالىق رەسپۋبليكاسى مەن قىرعىزستان رەسپۋبليكاسىنىڭ جاڭا داۋىردەگى جالپى بەتتىك ستراتەگيالىق سەرىكتەستىك قارىم - قاتىناستى تەرەڭدەتۋ جونىندەگى بىرلەسكەن مالىمدەمەسىنە» بىرگە قول قويدى، ”ءبىر بەلدەۋ، ءبىر جولدى“ بىرگە قۇرۋ سەلبەستىك جوباسىنا، سونداي - اق ديپلوماتيا، ەكونوميكا - ساۋدا، اۋىل شارۋاشىلىعى سياقتى سالالارداعى كوپتەگەن سەلبەستىك قۇجاتتارىنا قول قويۋعا كۋا بولدى.

كەڭەستەن بۇرىن شي جينپيڭ مەن حانىمى پىڭ لييۋان حالىق سارايىنىڭ سولتۇستىك زالىندا جاپاروۆ پەن حانىمى جاپاروۆانى قارسى الۋ سالتىن وتكىزدى.

تيان - انمىن الاڭىندا 21 رەت ساليۋت اتىلىپ، قۇرمەت قاراۋىلى ساپ تۇزەپ قۇرمەت ءبىلدىردى. ەكى ەلدىڭ مەملەكەت باسشىلارى پارات مىنبەسىنە شىقتى، اسكەري وركەستر جۇڭگو مەن قىرعىزستاننىڭ مەملەكەت اندەرىن ورىندادى. جاپاروۆ شي جينپيڭنىڭ سەرىك بولۋىندا جۇڭگو حالىق ازاتتىق ارمياسىنىڭ قۇرمەت قاراۋىلىن كوزدەن كەشىردى ءارى سالتانات قاتارىن كوردى.

سول كۇنى تۇستە شي جينپيڭ مەن پىڭ لييۋان حالىق سارايىنىڭ التىن ءتۇستى زالىندا جاپاروۆ پەن حانىمىنا ارناپ قارسى الۋ قوناعاسىن وتكىزدى.

ۋاڭ ي جوعارىداعى قيمىلدارعا قاتىناستى.

كەلۋ قاينارى: حالىق تورابى