تايلاند بيرمانى ينتەرنەتپەن، ەلەكترمەن، مۇنايمەن قامداۋدى توقتاتاتىنىن جاريالادى 

تايلاندتىڭ ورىنباسار زۇڭليى ءارى قورعانىس مينيسترى پۋتان 2 – ايدىڭ 4 - كۇنى كەشتە جەرگىلىكتى ۋاقىت بويىنشا 2 – ايدىڭ 5 – كۇنى تاڭەرتەڭ ساعات 9 دان باستاپ تايلاند - بيرما شەكاراسىنداعى بيرماعا قاراستى رايوندى ينتەرنەتپەن، ەلەكترمەن جانە مۇنايمەن قامداۋدى توقتاتاتىنىن جاريالاعان. پۋتان سول كۇنى تۇستەن كەيىن تايلاند مەملەكەت حاۋىپسىزدىگى كوميتەتىندەگىلەرمەن بىرگە ءماجىلىس اشقاننان كەيىن وسى ۇيعارىمدى جاريالاعان.

1996 - جىلى تايلاند اكىمشىلىك كەڭسەسىنىڭ قارارىنا ساي، تايلاند جەرگىلىكتى ەلەكتر مەكەمەسىنىڭ كورشى ەلدىڭ اۋىل - قىستاقتارىنا ەلەكتر ەنەرگياسىن ساتۋىنا جول بەرىلگەن. تايلاند جەرگىلىكتى ەلەكتر مەكەمەسى تايلاندتاعى ەلەكتر سالاسىنداعى ەڭ ۇلكەن سەرىكتەستىك، 1960 - جىلى قۇرىلعان، تايلاندتىڭ ىشكى ىستەر مينيسترلىگىنە قاراستى مەملەكەت مەنشىگىندەگى كاسىپورىن. قازىر تايلاند ەلەكتر مەكەمەسى بيرمانىڭ مياۋۋادي رايونىن قامتىعان 5 رايونىن ەلەكتر قۋاتىمەن قامدايدى.

كەلۋ قاينارى: حالىق تورابى