جاڭادان وزگەرىس ەنگىزىلگەن «ارميانى جابدىقتاۋدى عىلمي زەرتتەۋ ەرەجەسى» جاريالاندى

شينحۋا اگەنتتىگى، 2 - ايدىڭ 5 – كۇنى، بەيجيڭ. ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىقتا بۇيرىققا قول قويىپ، جاڭادان وزگەرىس ەنگىزىلگەن «ارميانى جابدىقتاۋدى عىلمي زەرتتەۋ ەرەجەسى» جاريالاندى، ەرەجە 2025 - جىلى 3 - ايدىڭ 1 - كۇنىنەن باستاپ اتقارىلادى.

«ەرەجە» شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، جاڭا داۋىردەگى اسكەري ىستەر ستراتەگيالىق باعىتىن ىشكەرىلەي دايەكتىلەندىرىپ، جابدىقتاۋدى عىلمي زەرتتەۋ قىزمەتىنىڭ ەرەكشەلىگى مەن زاڭدىلىعىن ىشكەرىلەي يگەرىپ، جاڭا جاعدايداعى جابدىقتاۋدى عىلمي زەرتتەۋ قىزمەتىنىڭ نەگىزگى تالابى مەن تۇزىمدىك ورنالاستىرۋىن عىلمي ارناعا ءتۇسىردى، بۇل − ارميانى جابدىقتاۋدى عىلمي زەرتتەۋ قىزمەتىندەگى نەگىزدىك زاڭ - ەرەجە.

«ەرەجە» جالپى 8 تاراۋ، 49 تارماقتان قۇرالعان، جاڭا داۋىردەگى قارۋ - جاراقتىڭ وسىزاماندانۋىن باسقارۋ جۇيەسىن جاڭالىق اشۋ نەگىزىندە قۇرۋ تالابىنا ۇيلەسىپ، جوعارى ساپالى، جوعارى ءونىمدى، وزىندىك قۇنى تومەن، باياندى دامۋ جاڭا ۇستانىمىن ايقىن ورناتىپ، دەربەس جاڭالىق اشۋ، دەربەس زەرتتەپ جاساۋ، دەربەس مەڭگەرۋ مەن اشىق اۋىس - كۇيىس ءوزارا ۇشتاسقان دامۋدىڭ جاڭا جاعدايىن قالىپتاستىرۋدى ىلگەرىلەتىپ، جابدىقتاردى عىلمي زەرتتەۋدە ءوز كۇشىنە سۇيەنۋدى جەدەل جۇزەگە اسىرادى؛ جاڭالىق اشۋ ارقىلى دەم بەرۋگە تاباندى بولىپ، جابدىق قۇرىلىسىنىڭ تيبىن جاڭالاۋ تالابىن تياناقتاندىرىپ، جوبالاۋ، جوسپارلاۋ، نىسان بەلگىلەۋدى تەكسەرىپ بەكىتۋ، نىسانداردى باسقارۋ سياقتى جۇمىس ءتارتىبى مەحانيزمىن ساپالىلاندىرىپ، كەمەلدەندىرىپ، تۇرلەر بويىنشا باسقارۋدى كورنەكتىلەندىرىپ، جابدىقتاردى الدىن الا زەرتتەۋ، جابدىقتاردى زەرتتەپ جاساۋ، جابدىقتاردى جالپىلىق زەرتتەۋ سياقتى نىسانداردى دارەجەگە، تۇرگە ءبولىپ باسقارۋدى جاسامپازدىقپەن اتقارادى؛ ساپا مەن ونىمدىلىكتى باسقارۋ - مەڭگەرۋدى كۇشەيتىپ، جابدىقتاردى عىلمي زەرتتەۋ ساپاسىن باسقارۋ - مەڭگەرۋ، وزىندىك قۇندى باسقارۋ - مەڭگەرۋ، تەكسەرىپ وتكىزىپ الۋ - باعالاۋ، جەتىستىكتەردى باسقارۋ، ءتاسىل ارقىلى تىرەك بولۋ، حاۋىپسىزدىك پەن قۇپيالىقتى ساقتاۋ سياقتىلاردى جۇيەلى ارناعا تۇسىرەدى؛ باقىلاۋ - باسقارۋدى كۇشەيتىپ، كاسىپ سالالارىن باقىلاۋ - تەكسەرۋ ءتاسىلىن، قۋزاۋ - جەتەكشىلىك ەتۋ، رەتتەۋ - تۇزەتۋ شارالارىن، ناقتى جاۋاپقا تارتۋ جاعدايلارىن اشالاپ، كەمەلدەندىرەدى. «ەرەجەنىڭ» جاريالانىپ اتقارىلۋى ارميانى جابدىقتاۋدى عىلمي زەرتتەۋ قىزمەتىنىڭ جوعارى ساپالى دامۋىن ىلگەرىلەتۋدى تۇزىمدىك كەپىلمەن قامدادى.

كەلۋ قاينارى: حالىق تورابى