«ۇكىمەت قىزمەتىنەن بايانداما» نۇسقاسىن تالقىلادى جانە جىل باسىنداعى قىزمەتكە جۇمىلدىردى

شينحۋا اگەنتتىگى، 2 - ايدىڭ 5 – كۇنى، بەيجيڭ. مەملەكەتتىك كەڭەستىڭ زۇڭليى لي چياڭ 2 - ايدىڭ 5 – كۇنى مەملەكەتتىك كەڭەستىڭ جەتىنشى جالپى ءماجىلىسىن باسقارىپ اشىپ، 14 - كەزەكتى مەملەكەتتىك حالىق قۇرىلتايى 3 - ءماجىلىسىنىڭ قاراۋىنا ۇسىنىلاتىن ۇكىمەت قىزمەتىنەن باياندامانى تالقىلادى ءارى جىل باسىنداعى قىزمەتتى ويداعىداي ىستەۋگە جۇمىلدىردى.

لي چياڭ بىلاي دەپ اتاپ كورسەتتى: مەملەكەتتىك حالىق قۇرىلتايىنا بايانداما جاساۋ قىزمەتى − بۇكىل ەل حالقىنىڭ ۇكىمەت قىزمەتىنە بولعان سىناعىن قابىلداۋ، مەملەكەتتىك كەڭەستىڭ زاڭدا بەلگىلەنگەن مىندەتى. جوعارى ساپالى ۇكىمەت قىزمەتىنەن باياندامانى ازىرلەۋ ورتاق تانىمدى ۇيىستىرۋدا، سەنىمدى سەرپىلتۋدە، دامۋدى ىلگەرىلەتۋدە ماڭىزدى رول اتقارادى. باس شۋجي شي جينپيڭنىڭ ماڭىزدى نۇسقاۋىنىڭ رۋحىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، بۇقارانىڭ تىلەگى مەن قوعام ءجىتى قاداعالاپ وتىرعان ىستەرگە بەلسەنە جاۋاپ قاتىپ، جوعارى ساپالى دامۋدى ىلگەرىلەتۋدىڭ قاجەتىن تولىق ايگىلەپ، بايانداماعا اناعۇرلىم ويداعىداي وزگەرىس ەنگىزۋ كەرەك.

لي چياڭ بىلاي دەپ اتاپ كورسەتتى: جاڭا ءبىر جىلدا جاڭا جاعداي مەن مىندەت الدىندا، پارتيا ورتالىق كوميتەتىنىڭ كەلەلى باعىت - ساياساتتارى، ستراتەگيالىق ورنالاستىرۋلارى توتەنشە ايقىن بولىپ وتىر، تياناقتاندىرۋدى جۇيەلى، جاسامپازدىقپەن مىقتى يگەرۋ كەرەك. ءارى جالپى تۇلعالىق جاقتان يگەرۋگە باسا ءمان بەرىپ، ەل ءىشى مەن شەتەلدىڭ، قازىرگى مەن ۇزاق بولاشاقتىڭ، ماكرولىق پەن ميكرولىقتىڭ، دامۋ مەن حاۋىپسىزدىكتىڭ قاتىناسىن ءبىر تۇتاس جوسپارلاپ، كوپ ءتۇرلى نىسانا استىنداعى ءار جاقتاعى قىزمەتتەردىڭ جوعارى ءونىمدى سايكەسۋىن شىنايى كۇشەيتۋ، ءارى قورشاۋدى بۇزىپ، كومەسكى كۇشى جەتكىلىكتى، كەڭىستىگى كەڭ دامۋ سالاسىن ءداپ باسىپ تاۋىپ، جەتەكشىلىك سيپاتى كۇشتى، تۇرتكىلىك سيپاتى كۇشتى قىزمەت تۇتقاسىن ويداعىداي جوسپارلاپ، جالپى جاعدايعا جەتەكشىلىك ەتە الاتىن اناعۇرلىم كوپ كورنەكتى كورىنەۋ تۇيىندەردى قالىپتاستىرۋ كەرەك. قىزمەت امالياتى بارىسىندا ىزدەنىس جاساپ قالىپتاستىرعان تاجىريبەلەر مەن ادىستەردى مۇقيات قورىتىندىلاپ جانە بايىتىپ، دامۋ نىساناسىن كوزدەپ، كەرى پەريودتى رەتتەۋ تەبىنىن ۋاقىتقا، جاعدايعا قاراي ارتتىرۋ؛ نازاردى كورنەكتى ماسەلەلەرگە شوعىرلاندىرىپ، بايلىقتى بىرىكتىرۋگە شوعىرلى كۇش سالىپ، بىرگە كۇش سالۋ؛ داعدىلى قاعيدانى بۇزۋعا باتىل بولىپ، ورىنداۋعا بولاتىن ساياساتتار مەن شارالاردى العا قويۋ؛ نازار اۋدارىپ وتىرعان ماسەلەلەرگە دەر كەزىندە جاۋاپ قايتارىپ، ساياسات پەن بازاردىڭ ىقپالداستىعىن كۇشەيتۋ كەرەك.

لي چياڭ بىلاي دەپ باسا دارىپتەدى: اناعۇرلىم كۇشتى جاۋاپكەرشىلىك، اناعۇرلىم بەلسەندى ىسكەرلىك ارقىلى جوعارى ساپالى دامۋدى ىلگەرىلەتۋدە تىڭ تابىستارعا قول جەتكىزۋ كەرەك. سەنىمدى بەكەمدەپ، قيىندىقتى ءبىلىپ، بىرگە العا باسىپ، سىرتقى جاعدايدىڭ وزگەرىسىنە وبيەكتيۆ ديالەكتيكالىق تۇرعىدان قاراپ، ىشكى ەكونوميكالىق ماسەلەلەردى ءبىر تۇتاس شەشۋ مەن سىرتقى سىن - سايىسقا توتەپ بەرۋدى ءبىر تۇتاس جوسپارلاپ، قىسىمدى قوزعاۋشى كۇشكە اينالدىرۋعا شەبەر بولىپ، پارمەندى شارالار قولدانىپ، ەل ىشىندەگى ۇلكەن اينالىمدى كۇشەيتۋ، عىلىم - تەحنيكادا جاڭالىق اشۋدى ىلگەرىلەتۋ، كاسىپ سالاسىنىڭ دارەجەسىن جوعارىلاتۋدى جەبەۋ سياقتى ءتۇيىندى سالالاردا تىڭ قامال الۋدى جۇزەگە اسىرۋ ءارى ۇزاق بولاشاقتى كوزدە ۇستاي وتىرىپ، ەلىمىز دامۋىنىڭ جاڭا ابزالدىعىن قالىپتاستىرۋ كەرەك. قايراتتانا ءىس تىندىرىپ، شەبەرلىكپەن ىستەپ، ناتيجە شىعارىپ، ۋاقىت كۇتىپ تۇرمايدى دەيتىن رۋحپەن تياناقتاندىرۋدى مىقتى يگەرىپ، رەفورما جاساپ، جاڭالىق اشۋ ادىسىمەن قيىن ماسەلەلەردى شەشۋگە، وزگەرىسكە عىلمي توتەپ بەرۋگە شەبەر بولىپ، قىزمەتتىڭ وتكىزگىشتىك قۋاتىن كۇش سالا كۇشەيتىپ، نىسانانى ايقىن، مەجەلى بەلگىلەپ، ساياساتتى ايقىن، مەڭگەرىمدى شىعارىپ، سايكەستى شارالاردى دەر كەزىندە ىلەستىرىپ، ءتىپتى دە كوپ زەيىن - زەردەنى تياناقتاندىرۋدى يگەرۋگە، ناقتى ىستەر ىستەۋگە جۇمساۋ ءارى اتقارۋ بارىسىندا ساياسات - شارالاردى ۇزدىكسىز ساپالىلاندىرۋ، كەمەلدەندىرۋ كەرەك. زەيىن - زەردەنى، كۇش - قۋاتتى شوعىرلاندىرىپ، ىنتىماقتاسا كۇرەس جۇرگىزىپ، بازار تانىمىن، زاڭمەن باسقارۋ تانىمىن، قىزمەت وتەۋ تانىمىن اناعۇرلىم كۇشەيتىپ، اناعۇرلىم جوعارى ولشەممەن، اناعۇرلىم زور تەبىنمەن بىرەگەي شارۋاشىلىق - ساۋدا ورتاسىن قالىپتاستىرىپ، ءتۇرلى كاسىپورىنداردىڭ جاڭالىق اشا دامۋىنا اناعۇرلىم جاقسى شارت - جاعداي ازىرلەپ، ءتۇرلى دارىندىلاردىڭ ءىس تىندىرۋىنا، شارۋاشىلىق قۇرۋىنا اناعۇرلىم كوپ وراي ازىرلەپ، تۇتاس قوعامنىڭ اقىل - پاراساتى مەن كۇش - قۋاتىن ۇيىستىرۋ كەرەك.

مەملەكەتتىك كەڭەستىڭ جالپى ءماجىلىسى قۇرامىنداعىلار ماجىلىسكە قاتىناستى، قاتىستى تاراۋلاردىڭ، ورىنداردىڭ جاۋاپتىلارى ماجىلىسكە سىرتتاي قاتىناستى.

كەلۋ قاينارى: حالىق تورابى