مەملەكەتتىك دەنساۋلىق ساقتاۋ – سالاماتتىق كوميتەتى: ينتەرنەتتەگى دەنساۋلىق ساقتاۋعا قاتىستى عىلىمدى جالپىلاستىرۋ جاعىنداعى بىلىققان جاعدايدى جونگە سالۋ تەبىنىن ارتتىرادى

مەملەكەتتىك دەنساۋلىق ساقتاۋ – سالاماتتىق كوميتەتى 7 – ايدىڭ 4 – كۇنى بەيجيڭدە اقپار جاريالاۋ ءماجىلىسىن اشتى، مالىمدەمەشى حۋ چياڭچياڭ مەملەكەتتىك دەنساۋلىق ساقتاۋ – سالاماتتىق كوميتەتىنىڭ قاتىستى تاراۋلارمەن بىرگە ينتەرنەتتەگى دەنساۋلىق ساقتاۋعا قاتىستى ءبىلىمدى جالپىلاستىرۋ جاعىنداعى بىلىققان جاعدايدى جونگە سالۋ تەبىنىن ارتتىراتىنىن ءبىلدىردى.

ەمدەۋگە قاتىستى عىلىمدى جالپىلاستىرۋ سيپاتىنداعى مازمۇندار قازىر جۇڭگوداعى ءارقايسى ءىرى ينتەرنەت تەكشەلەرىندە مول كورىلىمگە يە مازمۇندارعا اينالدى. حۋ چياڭچياڭ بىلاي دەدى: قازىر ەمدەۋ سالاسىنا قاتىستى عىلىمدى جالپىلاستىرۋ سيپاتىنداعى مازمۇندار قىسقا كەسكىن تەكشەلەرىندەگى قولامتالى تاقىرىپتارعا اينالدى، تىكە تاراتىلىم مەن قىسقا كەسكىن ارقىلى دەنساۋلىق ساقتاۋ جاعىنداعى عىلىمدى جالپىلاستىرۋ سيپاتىنداعى بىلىمدەردى تاراتاتىن شيپاگەرلەردىڭ قاتارى بارعان سايىن مولايدى.

حۋ چياڭچياڭ مىنانى اتاپ كورسەتتى: الايدا، كەيبىر ”ينتەرنەتتەگى تانىمال شيپاگەرلەر“ ەمدەۋ سالاسىنداعى عىلىمدى جالپىلاستىرۋ سيپاتىنداعى مازمۇنداردى پايدا تابۋدىڭ قۇرالىنا اينالدىرىپ، كاسىپتىك بەدەلىنەن الباتى پايدالانىپ، سول ارقىلى كورەرمەندى وزىنە سەندىرىپ، عىلىمدى جالپىلاستىرۋ دەگەن جەلەۋمەن بەلگىلەمەگە قايشى تۇردە ناۋقاستارعا كەڭەس بەرگەن جانە دياگنوز قويعان، ينتەرنەت ارقىلى سۇراپ تەكسەرۋ ورىستەتىپ، ينتەرنەتتەن تىس الارمان جيناپ، تىكە تاراتىلىم ارقىلى زات ساتقان، ءتىپتى جوعارى باعامەن ءدارى – دارمەك ساتقان؛ كەيبىرەۋى ءدارىنىڭ ەمدىك ونىمدىلىگىن اسىرەلەپ ۇگىتتەپ، ناۋقاس ادامدى جالعاننان جاساۋ، جالعان اڭگىمە قۇراستىرۋ قاتارلى تاسىلدەر ارقىلى جۇرتشىلىقتى الجاستىرىپ، وسى ارقىلى پايداعا كەنەلگەن.

حۋ چياڭچياڭ مىنانى ەسكەرتتى: بۇل ارەكەتتەر ينتەرنەت ارقىلى دياگنوز قويۋ – ەمدەۋ ىستەرىن باسقارۋ جانە جارنامانى باسقارۋ جاعىنداعى قاتىستى زاڭ – تۇزىمدەرگە اۋىر دارەجەدە قايشى كەلگەن، جۇرتشىلىقتىڭ سەنە كەتپەۋىن، الدانىپ قالۋدان ساقتانۋىن ءۇمىت ەتەمىز. قاتىستى بەلگىلەمەلەرگە ساي، ناۋقاستار ينتەرنەتتەن تىس ناقتى ەمدەۋ قۇرىلىمدارىندا العاش رەت دياگنوز قويعىزعان سوڭ ءارى دياگنوزى تۇراقتاندىرىلعان سوڭ عانا ينتەرنەتتەگى تولىمدىلىعى بار ەمحانالاردا قايتالاي دياگنوز قويعىزۋىنا بولادى. ”ادام ءومىرى ويىنشىق ەمەس، ەمدەۋ ساپاسى حاۋىپسىزدىك جاعىندا قويىلاتىن ەڭ تومەنگى شەك“.

حۋ چياڭچياڭنىڭ تانىستىرۋىنشا، كەلەسى قادامدا مەملەكەتتىك دەنساۋلىق ساقتاۋ – سالاماتتىق كوميتەتى قاتىستى تاراۋلارمەن بىرگە ينتەرنەتتەگى دەنساۋلىق ساقتاۋ سالاسىنداعى عىلىمدى جالپىلاستىرۋ سيپاتىنداعى مازمۇندارعا قاتىستى بىلىققان جاعدايدى جونگە سالۋ تەبىنىن ارتتىرىپ، جۇرتشىلىقتىڭ دەنساۋلىق جاعىنداعى ۇقىق – مۇددەسىن قورعايدى.

كەلۋ قاينارى: حالىق تورابى