بۇكىل ۇلتتىڭ جاپون شاپقىنشىلارىنا قارسى سوعىسى باستالعاندىعىنىڭ 88 جىلدىعىن ەسكە ءتۇسىرۋ سالتى جانە «ۇلت ازاتتىعى جانە دۇنيە ءجۇزىنىڭ بەيبىتشىلىگى ءۇشىن» نەگىزگى تاقىرىبىنداعى كورمەنىڭ اشىلۋ سالتى بەيجيڭدە وتكىزىلدى

«حالىق گازەتى»، 7 - ايدىڭ 7 - كۇنى، بەيجيڭ (ءتىلشى جاڭ شو). بۇكىل ۇلتتىڭ جاپون شاپقىنشىلارىنا قارسى سوعىسى باستالعانىنىڭ 88 جىلدىعىن ەسكە ءتۇسىرۋ سالتى جانە «ۇلت ازاتتىعى جانە دۇنيە ءجۇزىنىڭ بەيبىتشىلىگى ءۇشىن» نەگىزگى تاقىرىبىنداعى كورمەنىڭ اشىلۋ سالتى 7 - ايدىڭ 7 - كۇنى تۇستەن بۇرىن جۇڭگو حالقىنىڭ جاپون شاپقىنشىلارىنا قارسى سوعىسى ەسكەرتكىش سارايىندا وتكىزىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ساي چي ءسوز سويلەدى ءارى كورمەنىڭ اشىلعاندىعىن جاريالادى.

بەيجيڭ لۋگوۋچياۋ كوپىرىنىڭ جاعاسىندا جۇڭگو حالقىنىڭ جاپون شاپقىنشىلارىنا قارسى سوعىس ەسكەرتكىش سارايى ايبىندى دا اسقاق بوي سوزىپ تۇر. تۇستەن بۇرىن ساعات 9 دا سالت باستالدى. جۇڭگو حالىق ازاتتىق ارمياسىنىڭ اسكەري وركەسترى «ەرىكتىلەر مارشىن» ورىندادى، بۇكىل الاڭداعىلار جۇڭحۋا حالىق رەسپۋبليكاسىنىڭ مەملەكەت ءانىن اسقاقتاتا شىرقادى. وسىدان كەيىن بۇكىل زالداعىلار ءۇنسىز تۇرىپ، جۇڭگو حالقىنىڭ جاپون شاپقىنشىلارىنا قارسى سوعىسىندا ەرلىكپەن قازا بولعان قۇرباندارعا ءۇنسىز ازا ءبىلدىردى.

ساي چي سوزىندە بىلاي دەپ اتاپ كورسەتتى: 88 جىلدىڭ الدىنداعى وسى كۇنى جاپونيا ميليتاريزمى جۇڭگو مەن شەتەلدى ءدۇر سىلكىندىرگەن لۋگوۋچياۋ وقيعاسىن قاساقانا تۋدىرىپ، جۇڭگوعا جاپپاي شاپقىنشىلىق سوعىس قوزعادى. جۇڭگو ارمياسى مەن حالقى ەرلىكپەن قارسىلىق كورسەتىپ، بۇكىل ۇلتتىڭ جاپون شاپقىنشىلارىنا قارسى سوعىسى باستالدى ءارى دۇنيە جۇزىلىك فاشيزمگە قارسى سوعىستىڭ شىعىستاعى نەگىزگى سوعىس مايدانىن اشتى. جۇڭگو كوممۋنيستىك پارتياسى جاپون شاپقىنشىلارىنا قارسى سوعىستىڭ ەڭ الدىڭعى شەبىندە ەرلىكپەن شايقاس جاساپ، جۇڭگونىڭ جاپون شاپقىنشىلارىنا قارسى سوعىسىنىڭ العا باسۋ بەتالىسىنا جەتەكشىلىك ەتىپ، بۇكىل ۇلتتىڭ جاپون شاپقىنشىلارىنا قارسى سوعىسىنىڭ تىرەگىنە اينالدى، بارلىق جۇڭحۋا ۇلاندارى الدىڭعىلاردىڭ ءىزىن سوڭعىلارى باسىپ، ءبىر جاعادان باس، ءبىر جەڭنەن قول شىعارىپ، مەملەكەتتىڭ ءومىر ءسۇرۋى ءۇشىن، ۇلتتىڭ گۇلدەنۋى ءۇشىن، ادامزاتتىڭ ادىلدىگى ءۇشىن شايقاس جاساپ، جۇڭگو حالقىنىڭ جاپون شاپقىنشىلارىنا قارسى سوعىسىنىڭ ۇلى جەڭىسىنە قول جەتكىزىپ، دۇنيە جۇزىلىك فاشيزمگە قارسى سوعىستىڭ جەڭىسكە جەتۋى ءۇشىن كەلەلى ۇلەس قوستى. جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە ءجۇزىنىڭ فاشيزمگە قارسى سوعىسى جەڭىسكە جەتكەندىگىنىڭ 80 جىلدىعى قارساڭىندا، «ۇلت ازاتتىعى جانە دۇنيە ءجۇزىنىڭ بەيبىتشىلىگى ءۇشىن» نەگىزگى تاقىرىبىنداعى كورمە اشىلىپ، جۇڭگو حالقىنىڭ جاپون شاپقىنشىلارىنا قارسى 14 جىلدىق جاپالى سوعىسىنىڭ شۇعىلالى بارىسى تولىق ايگىلەنىپ، وتانشىلدىق تاربيە مەن توڭكەرىستىك ءداستۇر تاربيەسىن ورىستەتۋگە ماڭىزدى تۇعىر ازىرلەندى.

ساي چي بىلاي دەدى: جاڭا جورىقتا باس شۋجي شي جينپيڭنىڭ جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە ءجۇزىنىڭ فاشيزمگە قارسى سوعىسى جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، جاپون شاپقىنشىلارىنا قارسى سوعىستىڭ ۇلى رۋحىن بارىنشا ساۋلەلەندىرۋ كەرەك. جۇڭگو كوممۋنيستىك پارتياسىنىڭ باسشىلىعىنا بۇلجىماي تاباندى بولىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ەكىنى قورعاۋدى“ باتىل ورىنداۋ؛ جۇڭگو ۇلگىسىندەگى وسىزامانداندىرۋدى تاباندىلىقپەن ىلگەرىلەتىپ، كۇرەس رۋحىن ساۋلەلەندىرىپ، قايسارلىقپەن ءورىس اشا العا ىلگەرىلەۋ؛ جۇڭحۋا ۇلاندارىنىڭ ۇلى ىنتىماعىن تاباندىلىقپەن كۇشەيتىپ، ۇلتتىڭ گۇلدەنۋىنىڭ كوركەم بولاشاعىن قول ۇستاسا جاراتۋ؛ ادامزاتتىڭ بەيبىتشىلىك، ادىلەتتىلىك ىستەرىن تاباندىلىقپەن قورعاپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ كەرەك. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، سەنىمدى بەكەمدەپ، ەرلىكپەن العا باسىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋ جولىندا قۇلشىنا كۇرەس جۇرگىزىپ، ادامزاتتىڭ بەيبىتشىلىگى مەن دامۋى سىندى وسكەلەڭ ىسكە تىڭ دا اناعۇرلىم زور ۇلەس قوسۋ كەرەك.

ساي چي قاتارلى باسشى جولداستار ءار سالاداعى بۇقارانىڭ ۋاكىلدەرىمەن بىرگە جاپون شاپقىنشىلارىنا قارسى سوعىس قاھارماندارىنا ارناپ گۇل قويدى ءارى نەگىزگى تاقىرىپتىق كورمەنى ەكسكۋرسيالادى.

ۋاڭ ي، لي شۋلەي، جاڭ يوۋشيا، ۋاڭ شياۋحۇڭ، جاڭ چيڭۋەي، ۋ جىڭلۇڭ، ۋاڭ يۇڭ جانە ليۋ جىنلي قاتىناستى. يىن لي ءماجىلىستى باسقاردى.

بەيجيڭدە جاپون شاپقىنشىلارىنا قارسى سوعىسقا قاتىناسقان ساقا جاۋىنگەرلەر مەن ساقا جولداستار، سونداي - اق جاپون شاپقىنشىلارىنا قارسى سوعىس قولباسىلارىنىڭ تۋىس - تۋعاندارىنىڭ ۋاكىلدەرى، جاپون شاپقىنشىلارىنا قارسى سوعىس قۇرباندارىنىڭ تۋىس - تۋعاندارىنىڭ ۋاكىلدەرى، ورتالىقتاعى پارتيا، ۇكىمەت، ارميا ورىندارىنىڭ قاتىستى تاراۋلارىنداعى جانە بەيجيڭ قالاسىنداعى جاۋاپتى جولداستار، دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارى جانە پارتيادا، توپتا جوق قايراتكەرلەردىڭ ۋاكىلدەرى، استاناداعى ءار سالا بۇقاراسىنىڭ ۋاكىلدەرى قاتارلىلاردان 600 دەي ادام قاتىناستى.

«ۇلت ازاتتىعى جانە دۇنيە ءجۇزىنىڭ بەيبىتشىلىگى ءۇشىن» نەگىزگى تاقىرىبىنداعى كورمە 8 بولىمگە بولىنگەن، جالپى كولەمى 12200 شارشى مەتر بولىپ، 1525 پارشا سۋرەت ، 3237 مادەنيەت مۇراسى كورمەگە قويىلدى.

كەلۋ قاينارى: حالىق تورابى