ۋجين شينجياڭعا كومەكتەسۋ الەۋمەتتىك قيمىلىن باستادى 

جۋىردا ”جياڭسۋدىڭ ىقىلاسى مەنى ىلەنىڭ ىنتاسى جۇرەكتى تەبىرەنتتى“ اتىنداعى الەۋمەتتىك قيمىل — جياڭسۋ ولكەسىنىڭ ەمدەۋ سالاسى بويىنشا شينجياڭعا (ىلەگە) كومەكتەسۋى الەۋمەتتىك يگىلىك سيپاتىنداعى كومەك نىسانى نەگىزگى ساتى قيمىلى نىلقى اۋدانىنداعى ءارقايسى اۋىل – قالاشىقتارداعى مەكتەپتەردە باستالدى، قيمىلدى ۇيىمداستىرۋداعى ماقسات — باستاۋىش مەكتەپ وقۋشىلارى اراسىنداعى تۋما جۇرەك اۋرۋى مەن جىلاۋىق اۋرۋى بار وقۋشىلاردى ەرتە بايقاۋ، ەرتە دياگنوز قويۋ، ەرتە ەمدەۋ، بالالاردىڭ اقاۋسىز ەسەيىپ – ەرجەتۋىنە شارت – جاعداي ازىرلەۋ.

وسى رەتكى الەۋمەتتىك يگىلىك قيمىلى بارىسىنداعى تەكسەرۋ 10 – ايدىڭ سوڭىنا دەيىن جالعاسادى، ۋجيننىڭ شينجياڭعا كومەكتەسەتىن ەمدەۋ گرۋپپاسى نىلقى اۋدانىنداعى ءارقايسى اۋىل – قالاشىقتارداعى باستاۋىش مەكتەپتەرگە بارىپ، 14 مىڭنان استام بالادا تۋما جۇرەك اۋرۋى مەن جىلاۋىق اۋرۋى بار- جوقتىعىن تەكسەرەدى ءارى تەكسەرۋ ناتيجەسىن دەرەۋ اتا – انالارعا جولداپ، اۋدان كولەمىندەگى باستاۋىش مەكتەپ وقۋشىلارىن تۇگەلدەي تەكسەرەدى. سوڭىنان جياڭسۋ ولكەسىنىڭ ىلەگە كومەكتەسۋى جاعىنداعى بايلىق قاينارى باسىمدىلىعىنان پايدالانىپ، ءاربىر ناۋقاس بالاعا ارناۋلى ەمدەۋ جوباسىن دايىندايدى.

جياڭسۋ ولكەسىنىڭ ىلەگە كومەكتەسەتىن چاڭجوۋ (ۋجين) قىزمەت گرۋپپاسى ەمدەۋ گرۋپپاسىنىڭ باستىعى شىن داندان: ”ەرەكشە اۋرۋى بار كەيبىر ءىشىنارا بالالار مەن وتباسىندا قيىنشىلىعى بار بالالارعا ءبىزدىڭ مالىمەتىمىزگە ساي ماماندار گرۋپپاسى بىرلەسىپ دياگنوز قويىپ، الداعى ەمدەۋ جوباسىن دايىندايدى“ دەدى.

كەلۋ قاينارى: حالىق تورابى