كوپ جەردە شارشاعان كۇيدە اۆتوموبيل جۇرگىزۋ سەبەبىنەن كوپ ادامنىڭ جارالانۋىنا، قازا بولۋىنا اپارىپ سوققان قاتىناس شىرعالاڭى ىركەس – تىركەس تۋىلدى 

جۋىردا حۋبەي، چۇڭچيڭ، شانشي قاتارلى جەرلەردە شوفەردىڭ شارشاعان كۇيدە اۆتوموبيل جۇرگىزۋىنە بايلانىستى كوپ ادامنىڭ جارالانۋىنا، قازا بولۋىنا اپارىپ سوققان قاتىناس شىرعالاڭدارى ىركەس – تىركەس تۋىلدى.

2025 – جىلى 7 – ايدىڭ 1 – كۇنى، سانشي ولكەسى داتۇڭ قالاسى شينرۇڭ رايونىنداعى مەملەكەتتىك 208 – تاس جولدا جارتىلاي تىركەمەلى اۆتوموبيل جاسىل شىراقتىڭ جانۋىن كۇتىپ تۇرعان ينجەنەريالىق قۇتقارۋ – حاۋىپتىڭ الدىن الۋ اۆتوموبيلىنە ارتىنان بارىپ سوعىلىسقان شىرعالاڭ تۋىلىپ، 13 ادام جارالانعان. تەكسەرۋگە قاراعاندا، جارتىلاي تىركەمەلى اۆتوموبيلدىڭ جۇرگىزۋشىسىنىڭ ءتۇس مەزگىلىندە قاتتى شارشاۋى، ۇيقىسىنىڭ كەلۋى، ەسىنىڭ انىق بولماۋى شىرعالاڭنىڭ تۋىلۋىنىڭ تىكەلەي سەبەبى ەكەن.

2025 – جىلى 6 – ايدىڭ 22 – كۇنى، شاڭحاي – چۇڭچيڭ جوعارى قارقىندى تاس جولىنىڭ چۇڭچيڭدەگى جول بولىگىندە شاعىن اۆتوموبيل ءىرى تيپتى شارباقتى جۇك اۆتوموبيلىنە ارتىنان كەلىپ سوعىلىپ، 3 ادام قازا بولىپ، 2 ادام جارالانعان. تەكسەرۋگە قاراعاندا، شوفەردىڭ شارشاعان كۇيدە اۆتوموبيل جۇرگىزۋى شىرعالاڭنىڭ تۋىلۋىنىڭ باستى سەبەبى ەكەن.

2025 – جىلى 5 – ايدىڭ 22 – كۇنى، شاڭحاي – چىڭدۋ جوعارى قارقىندى تاس جولىنىڭ حۋبەيدەگى حۋاڭگاڭ بولىگىندە ءىرى تيپتى جارتىلاي تىركەمەلى اۆتوموبيلگە شاعىن اۆتوموبيىل ارتىنان كەلىپ سوعىلىپ، كەمىندە 3 ادام قازا بولىپ، 2 ادام جارالانعان. تەكسەرۋگە قاراعاندا، شوفەردىڭ شارشاعان كۇيدە اۆتوموبيل جۇرگىزۋى شىرعالاڭنىڭ تۋىلۋىنداعى باستى سەبەپ ەكەن.

2025 – جىلى 6 – ايدىڭ 12 – كۇنى، شانشي ولكەسىنىڭ شي – ان قالاسىنداعى ولكەلىك 107 – تاس جولدا شاعىن اۆتوبۋز جول شەتىندەگى شام باعاناسىنا سوعىلعان شىرعالاڭ تۋىلىپ، 3 ادام قازا بولىپ، ءبىر ادام جارالانعان. تەكسەرۋگە قاراعاندا، شوفەردىڭ شارشاعان كۇيدە اۆتوموبيل جۇرگىزۋى شىرعالاڭنىڭ تۋىلۋىنىڭ باستى سەبەبى ەكەن.

قوعام حاۋىپسىزدىگى مينيسترلىگى قاتىناستى باسقارۋ مەڭگەرمەسىنىڭ ەسكەرتۋى: شارشاعان كەزدە كوزى بۇلدىراۋ، ەس – اقىلى شىعۋ، ارەكەتى باياۋلاۋ، مەزەتتىك ەستە ۇستاۋ قۋاتىنان ايرىلۋ قاتارلى جاعدايلار وتە وڭاي تۋىلادى، اۋىر بولعان كەزدە ادام كوز ءىلىپ ۇيىقتاپ كەتۋى، اۆتوموبيلدى مەڭگەرە الماي قالۋى مۇمكىن. شوفەرلەر جولعا شىعاردان بۇرىن ۇيقىسىن قاندىرۋى، تۇسكى ۋاقىت، ءتۇن ورتاسى جانە تاڭ ءسارى قاتارلى ادام وڭاي شارشايتىن مەزگىلدەردە ساپارعا شىقپاعانى ءجون. اۆتوموبيل جۇرگىزۋ بارىسىندا، 4 ساعات جول جۇرگەن سوڭ حاۋىپسىز جەر تاۋىپ اۆتوموبيلدى توقتاتىپ، كەمىندە 20 مينۋت دەمالعان وڭ، اۆتوموبيل جۇرگىزگەن كەزدە ەگەر قاتتى شارشاعانداي سەزىنسەڭىز، دەر كەزىندە تەرەزەنى اشىپ اۋا الماستىرىپ، اۆتوموبيلدى توقتاتىپ دەمالعانىڭىز دۇرىس. جاز مەزگىلىندە ساپارعا شىعاردان بۇرىن ادامدى سەرگىتىپ، ۇيقىنى اشاتىن، ىستىقتان ساقتانىپ، تەمپەراتۋرانى تومەندەتەتىن بۇيىمداردى الدىن الا دايىنداعان ءجون، شارشاعان كەزدە اۆتوموبيل جۇرگىزبەگەن ءجون. (باس ستانسيا ورتالىق تەلەۆيزيا ءتىلشىسى لي جۇن)

كەلۋ قاينارى: حالىق تورابى