جۇڭحۋا ۇلتى ورتاق تۇلعاسىنىڭ قالىپتاسۋى جانە دامۋى — حالىقتىڭ قالاۋى، ۇلكەن اۋقىم، تاريحي سوزسىزدىك

شينحۋا اگەنتتىگىنىڭ 9 ـ ايدىڭ 30 ـ كۇنى بەيجيڭنەن بەرگەن حابارى. 10 ـ ايدىڭ 1 ـ كۇنى باسپادان شىعاتىن «ىزدەنۋ» جۋرنالىنىڭ 19 ـ سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «جۇڭحۋا ۇلتى ورتاق تۇلعاسىنىڭ قالىپتاسۋى جانە دامۋى - حالىقتىڭ قالاۋى، ۇلكەن اۋقىم، تاريحي سوزسىزدىك» اتتى ماڭىزدى ماقالاسى جاريالانادى. بۇل باس شۋجي شي جينپيڭنىڭ 2024 ـ جىلى 9 ـ ايدىڭ 27 ـ كۇنى مەملەكەتتىك ۇلتتار ىنتىماعى، العاباسارلىعى جونىندەگى ماداقتاۋ ـ سيلاۋ جينالىسىندا سويلەگەن ءسوزىنىڭ ءبىر بولىگى.

ماقالادا مىنالار باسا دارىپتەلدى: جۇڭحۋا ۇلتى - 5000 جىلدان استام وركەنيەت تاريحى بار ۇلى ۇلت. ەلىمىزدەگى ءار ۇلت وتانىمىزدىڭ ۇلان ـ بايتاق جەرىن بىرگە اشىپ، ءبىر تۇتاس، كوپ ۇلتتى مەملەكەتتىڭ نەگىزىن بىرگە قالاپ، شۇعىلالى جۇڭگو تاريحىن بىرگە جازىپ، شۇعىلالى جۇڭحۋا مادەنيەتىن بىرگە جاراتىپ، ۇلى ۇلت رۋحىن بىرگە جەتىلدىردى.

ماقالادا مىنالار اتاپ كورسەتىلدى: جۇڭحۋا ۇلتى ورتاق تۇلعاسىنىڭ قالىپتاسۋى جانە دامۋى — حالىقتىڭ قالاۋى، ۇلكەن اۋقىم، تاريحي سوزسىزدىك. ءار ۇلتتىڭ تامىرىنىڭ توعىسۋى — جۇڭحۋا ۇلتى ورتاق تۇلعاسىنىڭ قالىپتاسۋى مەن دامۋىنىڭ تاريحي نەگىزى. جۇڭحۋا ۇلتى ءار ۇلتتىڭ ۇزاق ۋاقىت ارالاسۋىنىڭ، ىشتەسۋىنىڭ، توعىسۋىنىڭ ناتيجەسى، ءار ۇلت ۇزدىكسىز ىنتىماقتاسقاندا، توعىسقاندا، جۇڭحۋا ۇلتى ۇلى شاڭىراعىندا سانالىلىقپەن توعىسقاندا عانا ءتىپتى دە كوركەم بولاشاققا يە بولادى. ءار ۇلتتىڭ سەنىمىنىڭ بىردەي بولۋى - جۇڭحۋا ۇلتىنىڭ ءبىر تۇتاس، كوپ ۇلتتى مەملەكەت قۇرۋىنىڭ ىشكى قوزعاۋشى كۇشى. ءبىزدىڭ ءبىر تۇتاس، كوپ ۇلتتى مەملەكەتىمىزدىڭ نەگىزىن ءار ۇلت حالقى بىرگە قالاعان، سونىمەن بىرگە ونى، ءسوز جوق، ءار ۇلت بىرگە قورعاۋى، بەكەمدەۋى جانە دامىتۋى كەرەك. ءار ۇلت مادەنيەتىنىڭ ءوزارا توعىسۋى - جۇڭحۋا ۇلتىنىڭ كوپ نەگىزدى ءبىر تۇلعالى وركەنيەت جاعدايىن قالىپتاستىرۋىنىڭ مادەنيەت گەنى. شۇعىلالى جۇڭحۋا مادەنيەتىن ءار ۇلت بىرگە جاراتقان، سوتسياليستىك مادەنيەتتىڭ تىڭ دا شۇعىلالى تابىستارىن جاراتۋدا، ءسوز جوق، جۇڭحۋا مادەنيەتىن شىنايى مويىنداۋدى ۇزدىكسىز كۇشەيتىپ، ءار ۇلت مادەنيەتىنىڭ ءوزارا ۇلگى الىپ توعىسۋىن ۇزدىكسىز نىعايتۋ كەرەك. ءار ۇلتتىڭ ەكونوميكادا ءبىر ـ بىرىنە ارقا سۇيەۋى — جۇڭحۋا ۇلتىنىڭ ءبىر تۇتاس ەكونوميكالىق تۇلعا قۇرۋىنىڭ قۋاتتى كۇشى. ءارقايسى ءوڭىر، ءار ۇلت مەملەكەتتىڭ دامۋ كەلەلى جاعدايىمەن ۇزدىكسىز توعىسقاندا، ەكونوميكالىق اۋىس ـ كۇيىستى، سەلبەستىكتى كۇشەيتكەندە عانا مەملەكەت ەكونوميكاسىنىڭ گۇلدەنۋىن اناعۇرلىم ويداعىداي ىلگەرىلەتۋگە، وزىندىك ەكونوميكالىق دامۋدى اناعۇرلىم ويداعىداي جۇزەگە اسىرۋعا بولادى. ءار ۇلتتىڭ ءبىر ـ بىرىنە ەتەنە سۇيىسپەنشىلىگى - جۇڭحۋا ۇلتىنىڭ ءبىر ءۇيلى جانداي ەتەنە بولۋىنىڭ بەرىك دانەكەرى. ءار ۇلت حالقى تەرەزەسى تەڭ، ىنتىماقتى، قارايلاسىمدى، جاراسىمدى سوتسياليستىك ۇلت قاتىناسىن بارىنشا قاستەرلەپ، ۇزدىكسىز بەكەمدەپ جانە دامىتىپ، جۇڭحۋا ۇلتى ورتاق تۇلعا قۇرىلىسىنىڭ جۇرت تىلەگى نەگىزىن ۇزدىكسىز بەكەمدەۋى كەرەك.

ماقالادا مىنالار باسا دارىپتەلدى: 5000 جىلدان استام ۋاقىتتاعى جۇڭحۋا وركەنيەتى تۋىنداتقان ۇلى وتان، ۇلى ۇلت - ماڭگى بارلىق جۇڭحۋا پەرزەنتتەرىنىڭ ەڭ تەرەڭ، ەڭ باياندى سۇيىسپەنشىلىك تياناعى. وسىناۋ بايتاق، كورىكتى، ىرىستى مەكەندە ءار ۇلت حالقىنىڭ بارلىعىنىڭ ءبىر ورتاق مەكەنى بار، ول - جۇڭگو؛ بارلىعىنىڭ ءبىر ورتاق سالاۋاتى بار، ول -جۇڭحۋا ۇلتى؛ بارلىعىنىڭ ءبىر ورتاق اتى بار، ول - جۇڭگولىق؛ بارلىعىنىڭ ءبىر ورتاق ارمانى بار، ول - جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ.