ءجۇرىس - تۇرىسى قولايسىز قارتتارعا ەمدەۋ قامسىزداندىرۋى ەسەبىنەن قالاي ءدارى الىپ بەرۋگە بولادى؟ 

وتباسىندا ءجۇرىس - تۇرىسى قولايسىز قارتتار بار بولسا، پەرزەنتتەرىنىڭ قايتكەندە ولاردىڭ اتىنان ەمدەۋ قامسىزداندىرۋى ەسەبىنەن ءدارى ساتىپ الىپ بەرۋىنە بولادى؟ ەمدەۋ قامسىزداندىرۋى كارتۋچكاسىنداعى اقشانى وتباسىنداعى قارتتاردىڭ پايدالانۋىنا بەرۋگە بولا ما؟ مەملەكەتتىك ەمدەۋدى قامتاماسىزداندىرۋ مەڭگەرمەسى جۋىردا وسى جايلى تۇسىنىك بەردى.

تۇسىندىرۋگە قاراعاندا، قارتتاردىڭ ءجۇرىس – تۇرىسى قولايسىز بولۋ قاتارلى ەرەكشە جاعدايلاردا، پەرزەنتتەرىنىڭ ولاردىڭ اتىنان ەمدەۋ قامسىزداندىرۋى ەسەبىنەن ءدارى ساتىپ الىپ بەرۋىنە بولادى. ەگەر ەلەكتروندىق ەمدەۋ قامسىزداندىرۋى كودىنان پايدالانسا، ”تۋىستىق تىركەلگىگە“ قارتتاردىڭ ەمدەۋ قامسىزداندىرۋى كودىن تىركەپ، ەمدەلۋگە ءنومىر العان كەزدە قارتتاردىڭ ەمدەۋ قامسىزداندىرۋى كودىن كورسەتۋ ارقىلى جۇمىس بىتىرۋگە بولادى. ەگەر ناقتى كارتۋچكادان پايدالاناتىن بولسا، قارتتاردىڭ قوعامدىق قامتاماسىزداندىرۋ كارتۋچكاسىن الىپ بارىپ، قارتتاردىڭ اتىندا ءنومىر الۋى ءارى ءوزىنىڭ ازاماتتىق كۋالىگى، قوعامدىق قامتاماسىزداندىرۋ كارتۋچكاسى قاتارلى سالاۋاتىن ىسپاتتايتىن ماتەريالدارىن الا بارۋى كەرەك.

قازىر جۇمىسشى – قىزمەتكەرلەردىڭ ەمدەۋ قامسىزداندىرۋى جەكەلىك تىركەلگىسىندەگى قالدىق سومانى وتباسىنداعىلاردىڭ ءوزارا جاردەمدەسۋى فورماسىندا وتباسىنداعىلاردىڭ پايدالانۋىنا بەرۋگە بولادى. الايدا، كوڭىل بولۋگە تاتيتىن ءىس، كارتۋچكاداعى اقشامەن ءوزارا جاردەمدەسۋگە بولادى، كودتى (كارتۋچكانى) ورتاق پايدالانۋعا بولمايدى. مەيلى، قانداي جاعدايدا بولسا دا، ەمدەۋ قامسىزداندىرۋى ەسەبىنەن ءدارى ساتىپ العاندا، ءسوزسىز، ناۋقاستىڭ ءوزىنىڭ ەمدەۋ قامسىزداندىرۋى كودىن نەمەسە قوعامدىق قامتاماسىزداندىرۋ كارتۋچكاسىن پايدالانۋ، بەلگىلەمە بويىنشا وزىنە تيەسىلى ەمدەۋ قامسىزداندىرۋى مامىلەسىنەن يگىلىكتەنۋى كەرەك.

مەملەكەتتىك ەمدەۋدى قامتاماسىزداندىرۋ مەڭگەرمەسى مىنانى ەسكەرتەدى: ءوزىنىڭ ەمدەۋ قامسىزداندىرۋى كودى ارقىلى ءنومىر الماي ەمدەلۋ نەمەسە ءدارى – دارمەك ساتىپ الۋ ”بىرەۋدىڭ اتىندا ەمدەلۋگە“ جاتادى، قاتىستى زاڭ – تۇزىمدەرگە ساي، جەڭىل بولعاندا ەمدەلۋ قاراجاتىن ينتەرنەت ارقىلى ەسەپتەن كوتەرۋ يقۋاتى ۋاقىتشا توقتاتىلادى، اۋىر بولعاندا زاڭعا قايشى قىلمىس قالىپتاستىرادى. (ءتىلشى شۇي پىڭحاڭ، گۋ تيانچىڭ)

كەلۋ قاينارى: حالىق تورابى