نازاردى مەملەكەتتىڭ كەلەلى ستراتەگيالىق قاجەتىنە شوعىرلاندىرىپ، دارىندىلاردى باۋلۋ ساپاسىن جوعارىلاتىپ، ەكونوميكالىق، قوعامدىق دامۋعا اناعۇرلىم ويداعىداي قىزمەت وتەۋ كەرەك

جاۋاپ حات

تيانجين داشۋەسىندەگى بارلىق وقىتۋشى - وقۋشىلار:

سالەمەتسىزدەر! حاتتارىڭىزدى تاپسىرىپ الدىم. تيانجين داشۋەسى قۇرىلعاندىعىنىڭ 130 جىلدىعى ساتىندە بارلىق وقىتۋشى - وقۋشىلاردى، جۇمىسشى - قىزمەتكەرلەردى، قالىڭ مەكتەپتەستەردى قۇتتىقتايمىن.

جاڭا باستامادا سىزدەردىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، نازاردى مەملەكەتتىڭ كەلەلى ستراتەگيالىق قاجەتىنە شوعىرلاندىرىپ، وقىتۋ، عىلمي زەرتتەۋ رەفورماسىن تەرەڭدەتىپ، نەگىزدىك زەرتتەۋدى جانە عىلىم - تەحنولوگيادا قامال الۋدى كۇشەيتىپ، دارىندىلاردى باۋلۋ ساپاسىن جوعارىلاتىپ، ەكونوميكالىق، قوعامدىق دامۋعا اناعۇرلىم ويداعىداي قىزمەت وتەپ، وقۋ- اعارتۋدا قۋاتتى ەل، عىلىم - تەحنولوگيادا قۋاتتى ەل قۇرۋعا، جۇڭگو ۇلگىسىندەگى وسىزامانداندىرۋدى ىلگەرىلەتۋگە جاڭا ۇلەس قوسۋلارىڭىزدى ءۇمىت ەتەمىن.

شي جينپيڭ

2025 - جىلى 9 - ايدىڭ 30 - كۇنى

(شينحۋا اگەنتتىگىنىڭ 10 - ايدىڭ 2 - كۇنى بەيجيڭنەن بەرگەن حابارى)

شينحۋا اگەنتتىگىنىڭ 10 ـ ايدىڭ 2 ـ كۇنى كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تيانجين داشۋەسىندەگى بارلىق وقىتۋشى ـ وقۋشىلارعا جاۋاپ حات جازىپ، تيانجين داشۋەسى قۇرىلعاندىعىنىڭ 130 جىلدىعى ساتىندە بارلىق وقىتۋشى ـ وقۋشىلاردى، جۇمىسشى ـ قىزمەتكەرلەردى، قالىڭ مەكتەپتەستەردى قۇتتىقتادى.

شي جينپيڭ بىلاي دەپ باسا دارىپتەدى: جاڭا باستامادا سىزدەردىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، نازاردى مەملەكەتتىڭ كەلەلى ستراتەگيالىق قاجەتىنە شوعىرلاندىرىپ، وقىتۋ، عىلمي زەرتتەۋ رەفورماسىن تەرەڭدەتىپ، نەگىزدىك زەرتتەۋدى جانە عىلىم ـ تەحنولوگيادا قامال الۋدى كۇشەيتىپ، دارىندىلاردى باۋلۋ ساپاسىن جوعارىلاتىپ، ەكونوميكالىق، قوعامدىق دامۋعا اناعۇرلىم ويداعىداي قىزمەت وتەپ، وقۋ ـ اعارتۋدا قۋاتتى ەل، عىلىم ـ تەحنولوگيادا قۋاتتى ەل قۇرۋعا، جۇڭگو ۇلگىسىندەگى وسىزامانداندىرۋدى ىلگەرىلەتۋگە جاڭا ۇلەس قوسۋلارىڭىزدى ءۇمىت ەتەمىن.

تيانجين داشۋەسىنىڭ توركىنى بەيياڭ داشۋەسى، 1895 ـ جىلى قۇرىلعان، ەلىمىزدەگى تۇڭعىش وسى زامانعى داشۋە، 1951 ـ جىلى تيانجين داشۋەسى دەپ اتالعان. تاياۋدا تيانجين داشۋەسىندەگى بارلىق وقىتۋشى ـ وقۋشىلار باس شۋجي شي جينپيڭگە حات جازىپ، مەكتەپتىڭ 130 جىلدان بەرگى مەكتەپ باسقارۋ بارىسى مەن تاياۋ جىلداردان بەرگى دامۋ ناتيجەلەرىنەن مالىمەت بەرىپ، دارىندىلاردى دەربەس باۋلۋ جانە عىلىم ـ تەحنولوگيادا ءوز كۇشىنە سۇيەنىپ ءوزىن الۋەتتەندىرۋ جولىمەن باتىل ويداعىداي ءجۇرىپ، وقۋ ـ اعارتۋدا قۋاتتى ەل قۇرۋعا اناعۇرلىم كوپ كۇش قوسۋ بەكىمدەرىن ءبىلدىردى.