شي جينپيڭ تەلەگرامما جولداپ، ليۋكسەمبۋرگ كىنازى گيلاۋمنىڭ تاققا وتىرعاندىعىن قۇتتىقتادى

شينحۋا اگەنتتىگىنىڭ 10 ـ ايدىڭ 3 ـ كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 10 ـ ايدىڭ 3 ـ كۇنى ليۋكسەمبۋرگتىڭ جاڭادان تاعايىندالعان كىنازى گيلاۋمگە قۇتتىقتاۋ تەلەگرامماسىن جولداپ، ونىڭ تاققا وتىرعاندىعىن قۇتتىقتادى.

شي جينپيڭ بىلاي دەپ اتاپ كورسەتتى: جۇڭگو مەن ليۋكسەمبۋرگ ديپلوماتيالىق قارىم ـ قاتىناس ورناتقان 50 نەشە جىلدان بەرى باستان ـ اياق ءوزارا قۇرمەت ەتىپ، تەڭ تۇرعىدا مامىلە جاساپ، ۇلكەن ـ كىشىلىگى تۇرلىشە، ءتۇزىمى تۇرلىشە، دامۋ ساتىسى تۇرلىشە ەلدەردىڭ ءبىر ـ ءبىرىن تابىسقا جەتكىزۋىنىڭ، ءوزارا پايدا جەتكىزىپ تەڭ يگىلىككە كەنەلۋىنىڭ تيپتىك ۇلگىسىنە اينالدى. قازىر جۇڭگو مەن ليۋكسەمبۋرگتىڭ بولات ـ تەمىر، فينانس، زات اينالىمى سياقتى جاقتارداعى سەلبەستىگىنىڭ تابىسى قوماقتى، جىڭجوۋ - ليۋكسەمبۋرگ ”اۋە جىبەك جولى“ جۇڭگو - ەۆروپا كاسىپ سالاسى تىزبەگىنىڭ ورنىقتى، ىركىلىسسىز بولۋىنا دەم بەردى. مەن جۇڭگو - ليۋكسەمبۋرگ قارىم ـ قاتىناسىنىڭ دامۋىنا ايرىقشا ءمان بەرەمىن، كىناز گيلاۋممەن بىرگە قۇلشىنىپ، جۇڭگو - ليۋكسەمبۋرگ قارىم ـ قاتىناسىنىڭ ۇزدىكسىز تىڭ ساتىعا كوتەرىلۋىن ىلگەرىلەتىپ، ەكى ەل حالقىن اناعۇرلىم ويداعىداي باقىتقا كەنەلتۋدى قالايمىن.

سول كۇنى شي جينپيڭ تاعى تەلەگرامما جولداپ، تاقتان شەگىنگەن ليۋكسەمبۋرگتىڭ بۇرىنعى كىنازى حەنريگە سالەمدەستى جانە ىزگى تىلەك ءبىلدىردى.