بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.10.10 15:26 كەلۋ قاينارى : حالىق تورابى
«ەلىمىز بويىنشا 2026 – جىلى ماگيسترانتۋراعا وقۋشى قابىلداۋ قىزمەتىن باسقارۋ جونىندەگى بەلگىلەمەگە» ساي، ەلىمىز بويىنشا ماگيسترانتۋراعا وقۋشى قابىلداۋ ەمتيحانىنا تىزىمدەۋ قىزمەتى ينتەرنەت ارقىلى تىزىمدەۋ مەن ينتەرنەت ارقىلى تۇراقتاندىرۋ سىندى ەكى باسقىشتى قامتيدى.
مۇندا، ينتەرنەت ارقىلى تىزىمدەۋ ۋاقىتى 2025 – جىلى 10 – ايدىڭ 16 – كۇنىنەن 10 – ايدىڭ 27 – كۇنىنە دەيىن (ينتەرنەت ارقىلى الدىن الا تىزىمدەلۋ ۋاقىتى 2025 – جىلى 10 – ايدىڭ 10 – كۇنىنەن 10 – ايدىڭ 13 – كۇنىنە دەيىن، قاتىستى قىزمەتتەر جونىندەگى ورنالاستىرۋدى ءارقايسى ولكەلەردەگى وقۋ – اعارتۋ جانە وقۋشى قابىلداۋ ەمتيحانى تاراۋلارى تۇراقتاندىرادى ءارى جاريالايدى)، ءار كۇنى ساعات 9:00 – 22:00 ارالىعىندا.
ءار جىلى رەسمي تىزىمدەلۋدەن بۇرىن، اسپيرانتۋراعا وقۋشى قابىلداۋ تورابىندا الدىن الا تىزىمدەلۋ ارناسى اشىلادى، الدىن الا تىزىمدەلۋ ارناسىن اشۋداعى ماقسات — ءبىر جاعىنان، ەمتيحان بەرۋشىلەردىڭ تىزىمدەلۋ ءتارتىبىن ءبىلىپ الۋىنا كومەكتەسۋ، ەندى ءبىر جاعىنان، شوعىرلى تىزىمدەلۋ بارىسىندا ينتەرنەتتەن پايدالانۋشىلاردىڭ وتە كوپ بولۋىنان تۋىندايتىن قىسىمدى باسەڭدەتۋ. ەكى كەزەڭدە تولتىرعان ينفورماتسيالاردىڭ بارلىعى كۇشكە يە. الدىن الا تىزىمدەلۋ كەزەڭىندە تىزىمدەلۋ ينفورماتسياسىن تولتىرىپ بولعان، تىزىمدەلۋ نومىرىنە يە بولعان ءارى تىزىمدەلۋ قاراجاتىن ءساتتى تاپسىرعان ەمتيحان بەرۋشىلەردىڭ رەسمي تىزىمدەلۋ كەزەڭىندە قايتادان تىزىمدەلۋىنىڭ قاجەتى جوق.
ينتەرنەت ارقىلى تىزىمدەلۋ مەزگىلىندە، ەمتيحان بەرۋشىلەردىڭ ينتەرنەت ارقىلى تىزىمدەلۋگە قاتىستى ينفورماتسيالارىن وزگەرتۋىنە نەمەسە قايتادان تولتىرۋىنا بولادى، الايدا، ءاربىر ەمتيحان بەرۋشىنىڭ تەك ءبىر عانا كۇشكە يە تىزىمدەلۋ ينفورماتسياسىن ساقتاپ قالۋىنا بولادى. ينتەرنەت ارقىلى تىزىمدەلۋ ينفورماتسياسىن ۋاقىتى وتكەن سوڭ وزگەرتۋگە نەمەسە قايتادان تولتىرۋعا بولمايدى.
ەمتيحان بەرۋشىلەر ەمتيحان بەرۋدەن ون كۇندەي بۇرىن، ينتەرنەت ارقىلى تىزىمدەلۋ بارىسىندا پايدالانعان ينتەرنەتتىك اتى مەن قۇپيا ءنومىرى ارقىلى ”اسپيرانتۋراعا وقۋشى قابىلداۋ“ تورابىنان «ەمتيحان كۋالىگىن» ءتۇسىرىپ، ونى باسىپ شىعارىپ الۋى قاجەت. ەمتيحان بەرۋشىنىڭ وسى «ەمتيحان كۋالىگى» مەن كۇشكە يە ازاماتتىق كۋالىگى ارقىلى العاشقى ەمتيحانعا جانە ەكىنشى رەتكى ەمتيحانعا قاتىناسۋىنا بولادى.
كەلۋ قاينارى: حالىق تورابى
