دامىپ جاتقان جۇڭگو | دۇڭزۋ كەستەسى تاۋ قويناۋىنان ”توپ جارىپ“ ۇلكەن بازارعا بەتتەدى 

ايشىقتى دۇڭزۋ كەستەلەرى. حالىق تورابىنىڭ ءتىلشىسى فۋ حۋاجوۋ فوتوسى

گۋاڭشيدىڭ سانجياڭ دۇڭزۋ اۆتونوميالى اۋدانىنداعى چيڭحۋا كەستەشىلىك دۇكەنىنە قادام تاستاساڭىز، 61 جاستاعى ۋەي چيڭحۋا مەن ونىڭ قىزى چين گۇيجىننىڭ تەرەزەنىڭ الدىندا قاتارلاسىپ وتىرىپ، ورەلى ونەر كورسەتىپ جاتقانىن كورەسىز. ولار ورنەكتى قاعازعا قاراماي سىزادى، قولىنىڭ بىلەزىگىن جەڭىل قوزعالتىپ قانا قويسا، كوبەلەك فورمالى ورنەك قىزىل رەڭدى قاعازدىڭ بەتىنەن ”ۇشا“ جونەلەدى، مىنە، بۇل، دۇڭزۋ كەستەشىلىگىنە عانا ءتان ”قاعاز ويما كەستەسى“. دۇڭزۋ كەستەسى توقىماشىلىق، بوياۋشىلىق، قاعاز قيۋ، كەستەلەۋ ونەرلەرىن ءبىر ارناعا توعىستىرعان، ال، ۋەي چيڭحۋا وسى بەيزاتتىق مادەني مۇرا ونەرىنىڭ ۋاكىلدىك مۇراگەرى.

”قىستاقتا سىرت جەرگە بارىپ جۇمىس ىستەۋدى تاڭدايتىن جاستاردىڭ قاتارى بارعان سايىن مولايۋدا، الايدا، ولار اۋىلعا ورالعان سايىن ءالى دە ۇلتتىق كيىم – كەشەك كيگەندى ۇناتادى، ءبىزدىڭ كەستەلەگەن كيىمدەرىمىزدى ساتىپ الاتىندار ۇنەمى كەزدەسەدى، سوندىقتان مەن بۇل ونەردىڭ ءالى دە دامىتۋعا بولاتىن بازارى بار دەپ بىلەمىن“، - دەدى ۋەي چيڭحۋا.

جىنتىكتەي كەستەلەنگەن ورنەك. حالىق تورابى ءتىلشىسى فۋ حۋاجوۋ فوتوسى

چين گۇيجىن كەستە دۇكەنىندە قامقا توقۋدا. حالىق تورابى ءتىلشىسى فۋ حۋاجوۋ فوتوسى

ۋەي چيڭحۋا (سولدان ەكىنشى) كەستەشىلەرگە دۇڭزۋ كەستەسىن توقۋدىڭ نازىك تۇيىندەرىن جىنتىكتەي تۇسىندىرۋدە. گۇڭ پۋكاڭ فوتوسى

ۋەي چيڭحۋا (سول جاقتا) مەن قىزى چين گۇيجىن بىرگە دۇڭزۋ كەستەسىن تىگۋدە. حالىق تورابىنىڭ ءتىلشىسى فۋ حۋاجوۋ فوتوسى

ۋي چيڭحۋا (وڭ جاقتا) مەن قىزى چين گۇيجىن دۇڭزۋ كەستەشىلىك ونەرى جونىندە پىكىر الماستىرۋدا. ياڭ شياۋلەي فوتوسى

ۋەي چيڭحۋا 2018 - جىلى قىزىنىڭ ۇسىنىسى بويىنشا چيڭحۋا كەستەشىلىك دۇكەنىن قۇرعان ءارى «كاسىپورىن + بازا + مۇراگەر + كەستەشىلەر + تاپسىرىس قابىلداۋ“ فورماسىن قولدانۋدا جاڭالىق اشىپ، جەرگىلىكتى ورىنداعى اۋىل - قىستاقتاعى ايەلدەردى وتباسىنىڭ ماڭىندا جۇمىستانۋ ارقىلى كىرىستەرىن ارتتىرۋعا جەتەلەدى. كەزەكتە، بۇل جەر گۋاڭشيدىڭ ”باگۇي ىسمەرلەرى“ بەيزاتتىق مادەني مۇراعا مۇراگەرلىك ەتۋ شەبەرحاناسىنىڭ ۋاكىلدىك بازاسىنا اينالعان، قىزى ەكەۋى جيىنى 3000 كەستەشىنى (رەت) تاربيەلەپ، وتباسى، وشاق قاسىنداعى 300 گە جۋىق ايەلدى كەلىسىم بويىنشا جۇمىستانۋعا جەتەلەگەن، مۇنىڭ ىشىندە 110 نان استام كەستەشى كەدەيلىكتەن ارىلعان.

سانجياڭ وڭتۇستىك بەكەتى الەۋمەتتىك اۋماعى دۇڭ - ان جيايۋان شاعىن اۋماعىندا تۇراتىن كەستەشى كەلىنشەك ياڭ حۋايىڭ يگىلىككە كەنەلگەندەردىڭ ءبىرى، ول: ”بۇرىن سىرت جەرگە بارىپ جۇمىس ىستەگەندە، بالالارىم ۇيدە قاراۋسىز قالۋشى ەدى؛ قازىر وتباسىندا كەستە تىگۋ ارقىلى جىلىنا 4 – 5 مىڭ يۋان ارتىق تابىس تاباتىن بولدىم، وتباسىنداعى جۇمىستارعا دا قارايلاسۋىما بولادى“، - دەدى.

كەستەشى كەلىنشەك ياڭ حۋايىڭ تاپسىرىس بويىنشا وتباسىندا دۇڭزۋ كەستەسىن تىگۋدە. حالىق تورابىنىڭ ءتىلشىسى فۋ حۋاجوۋ فوتوسى

دۇڭزۋ كەستەسىن كورسەتۋدە. حالىق تورابىنىڭ ءتىلشىسى فۋ حۋاجوۋ فوتوسى

دۇڭزۋ ۇلتىنىڭ ءداستۇرلى كيىم - كەشەكتەرىن قولمەن جاساۋ سىندى نەگىزگى جۇمىسقا تاباندى بولۋمەن بىرگە، ۋەي چيڭحۋا كەستەشىلەردى ۇلتتىق مادەنيەت پەن جاڭا زامانعى مودانى ۇشتاستىرۋ جاعىندا باتىلدىقپەن ىزدەنىس جاساۋعا جەتەلەپ، بايىرعى دۇڭزۋ كەستەسىن وسىزامانعى موداعا بەيىمدەۋ ارقىلى ”تۇرەن سالۋدى“ ىلگەرىلەتتى. ولار دۇڭزۋ كەستەسى مەن كۇمىس اشەكەي بۇيىمداردى ۇشتاستىرىپ، ون ەكى مۇشەل بەينەلەنگەن بىلەزىك، اشەكەيلى تۇيرەۋىش، سىرعا سياقتى شاعىن مادەنيەت بۇيىمدارىن جارىققا شىعارىپ، جۇرتتىڭ نازارىن اۋداردى. بيىل 5 - ايدا، دۇڭزۋ كەستەسىمەن اشەكەيلەنگەن ون ەكى مۇشەل بەينەلەنگەن بىلەزىك اۋمىن بالىقشىلار كەمەجايىندا وتكىزىلگەن ”گۋاڭشيمەن جۇزدەسۋ“ اتتى مادەنيەت – ساياحات سالاسىن تانىستىرۋ جينالىسىنا قاتىناستىرىلىپ، سول جەردە كوپتەگەن قوناقتار قاتتى ۇناتتى ءارى تانىستىردى. تەك بۇل عانا ەمەس، چيڭحۋا كەستەشىلىك دۇكەنى حۋنان داشۋەسىمەن سەلبەسىپ جاساعان دۇڭزۋ كەستەسى بەينەلەنگەن قاعاز قيما فورماسىنداعى ۇستەلدىك اشەكەي بۇيىمدارى ميلان جوبالاۋ اپتالىعىنا شىعىپ، دۇڭزۋ كەستەسى بەينەلەنگەن سالا اتتاعان مادەنيەت بۇيىمدارى جاعىندا جاڭالىق اشۋ جەتىستىكتەرىن تولىق ايگىلەدى.

بەيزاتتىق مادەني مۇرا دۇڭزۋ كەستەسى باسىلعان بىلەزىك. حالىق تورابىنىڭ ءتىلشىسى فۋ حۋاجوۋ فوتوسى

دۇڭزۋ كەستەسىمەن اشەكەيلەنگەن مادەنيەت بۇيىمدارى. حالىق تورابىنىڭ ءتىلشىسى فۋ حۋاجوۋ فوتوسى

سۋجوۋ كەستەسىنىڭ ەرەكشەلىگىمەن ۇشتاستىرىلىپ، دۇڭزۋ كەستەسىمەن اشەكەيلەنگەن بۇيىمدار. حالىق تورابىنىڭ ءتىلشىسى فۋ حۋاجوۋ فوتوسى

چين گۇيجىن دۇڭزۋ كەستەسىمەن اشەكەيلەنگەن بۇيىمداردى كورسەتۋدە. حالىق تورابىنىڭ ءتىلشىسى فۋ حۋاجوۋ فوتوسى

تاۋ قويناۋىنانداعى دۇڭزۋ قىستاعىنان وسىزامانعى مودانىڭ الدىڭعى لەگىنە وتۋگە دەيىن، بەيزاتتىق مادەني مۇرا ساناتىنداعى دۇڭزۋ كەستەسىمەن اشەكەيلەنگەن ءاربىر بۇيىم اۋىل - قىستاقتى گۇلدەندىرۋدىڭ كوركەم داستانىن كەستەلەۋدە.

كەلۋ قاينارى: حالىق تورابى