قارامايلىدا كوپتەگەن ورىندار قىزمەتكەر قابىلدايدى دەگەن ءسوز راس پا؟ قاتىستى ورىن جاۋاپ قايتاردى 

جۋىردا، ينتەرنەت تەكشەلەرىندە قارامايلى قالاسىندا ”كىتاپحانا باسقارۋشىسى، قۇرباندار قابىرىن باسقارۋ ورنىنىڭ كەڭسە قىزمەتكەرى، ۇيلەنۋگە تىركەۋ كەڭسەسىنىڭ كەڭسە قىزمەتكەرى، ىندەتتەن ساقتانۋ ورتالىعى كەڭسەسىنىڭ قىزمەتكەرى“ قاتارلى قىزمەت ورىندارىنا ادام قابىلدايدى دەگەن مازمۇنداعى ينفورماتسيا جاريالانعان.

قارامايلى قالالىق پارتكوم ينتەرنەت حاۋىپسىزدىگى جانە ينفورماتسيالاندىرۋ كەڭسەسى مەن قاتىستى باسقارۋشى تاراۋلاردىڭ تەكسەرىپ راستاۋىنشا: اتالعان ورىنداردىڭ ەشقايسىسى دا قىزمەتكەر قابىلداۋ جونىندە حابارلاندىرۋ جاريالاماعان، سونداي – اق ەشقانداي قۇرىلىمعا، جەكەگە نەمەسە جەكەلىك مەديالارعا قىزمەتكەر قابىلداۋ جونىندەگى ينفورماتسيانى جاريالاۋعا ۇقىق بەرمەگەن، بۇل مازمۇندار وسەك – اياڭعا جاتادى.

ىقىلاستى ەسكەرتۋ: بارشا جۇمىس ىزدەۋشىلەردىڭ رەسمي تەكشەلەردە جاريالانعان ۇقتىرۋلارعا نازار اۋدارۋىن، بەيتانىس قۇرىلىمدارعا نەمەسە جەكەلەرگە تىزىمدەلۋ اقىسى، كۋرس اقىسى، كەپىلدىك اقىسى قاتارلى ءتۇرلى اقىلاردى تاپسىرماۋىن، ءوزىنىڭ ساقتىق تانىمىن شىنايى جوعارىلاتىپ، قىزمەتكەر قابىلداۋدى جەلەۋ ەتكەن الدامكوستىكتىڭ تۇزاعىنا ءتۇسىپ قالۋدان قاتاڭ ساقتانۋىن ءۇمىت ەتەمىز.

كەلۋ قاينارى: حالىق تورابى