سىرتقى ىستەر مينيسترلىگى: ارميانى ۇلعايتىپ، سوعىسقا دايىندالۋعا سىلتاۋ تابۋ — جاپونيا ميليتاريزمىنىڭ داعدىلى ءتاسىلى

شينحۋا اگەنتتىگىنىڭ 6 - ايدىڭ 2 – كۇنى بەيجيڭنەن بەرگەن حابارى. تاياۋدا جاپونيانىڭ باس ءۋازىرى گاۋشى زاۋمياۋ مەن ا ق ش – نىڭ قورعانىس مينيسترى حەگەستىڭ جاپونيانىڭ «قورعانىس جابدىقتارىن جوتكەۋ ءۇش پرينسيبىنە» وزگەرىس ەنگىزۋى جونىندەگى سوزىنە قاراتا، سىرتقى ىستەر مينيسترلىگىنىڭ مالىمدەمەشىسى ماۋ نيڭ 6 - ايدىڭ 2 - كۇنى كەزەكتى تىلشىلەر جينالىسىندا بىلاي دەدى: سىرتقى حاۋىپ – قاتەردى جەلەۋ ەتىپ، ارميانى كەڭەيتىپ، سوعىسقا دايىندالۋعا سىلتاۋ تابۋ — جاپونيا ميليتاريزمىنىڭ داعدىلى ءتاسىلى.

ماۋ نيڭ بىلاي دەدى: «پوتسدام جارناماسى» قاتارلى حالىقارالىق قۇجاتتاردا جاپونيا بۇكىلدەي قارۋسىزداندىرىلۋى، ءوزىن قايتادان قارۋلاندىرا الاتىن ونەركاسىپتى ساقتاپ قالماۋى كەرەك دەپ ايقىن بەلگىلەنگەن، بۇل — جاپونيانىڭ حالىقارالىق زاڭداعى بورىشى. الايدا، جاپونيا قىرعىنداعىش قارۋلاردى ەكسپورت ەتۋگە تيىم سالۋدى كۇشىنەن قالدىرىپ، اسكەري ونەركاسىبىن كۇشەيتىپ، اماندىق ساقتاۋ ساياساتىنىڭ شابۋىلدىق سيپاتقا بۇرىلىس جاساۋىن تەزدەتۋى دۇنيە جۇزىلىك ەكىنشى سوعىستان بۇرىنعى ميليتاريستەردىڭ سوعىس قوزعاۋعا دايىندالۋ بارىسىمەن ۇقساپ قالادى. تاريحتا ميليتاريزمگە بوساڭسۋ جانە كوز جۇمۋدان ايانىشتى ساباق قالعان. الدىڭعى تاجىريبە ساباق ۇمىتىلماۋى كەرەك، ميليتاريستەردىڭ ”سيقىرلى قوبديشاسى“ اشىلا قالسا، ءارقانداي ادام ءوز باسىن عانا كۇيتتەپ قالا المايدى، جولبارىستى اسىراعان جولبارىسقا جەم بولادىنىڭ كەبىن كيەدى.

كەلۋ قاينارى: حالىق تورابى