التىن دۇكەنى تارازىدان جەپ، كەم شىقتى؟ شينجياڭ اقسۋ ايماعى حابارلاندىرۋ جاريالادى

جۇڭگو اقپارات تورابىنىڭ 6 – ايدىڭ 2 – كۇنى بەيجيڭنەن بەرگەن حابارى. ”اقسۋ بازاردى باقىلاپ – باسقارۋ“ ۋيچات الەۋمەتتىك تەكشەسىنىڭ حابارىنا قاراعاندا، شينجياڭ اقسۋ ايماقتىق بازاردى باقىلاپ – باسقارۋ مەكەمەسى جاريالاعان جاعداي جونىندەگى حابارلاندىرۋدا بىلاي دەلىنگەن: تاياۋدا توراپ تەكشەسىندەگى وسى قاراستى رايونداعى التىن دۇكەنىنىڭ تارازىدان جەپ، كەم شىقتى دەگەن جۇرت پىكىرى قوعامنىڭ نازارىن اۋداردى. توراپتا اشكەرەلەۋ ماسەلەسىنە قاراتا، قوعام حاۋىپسىزدىگى تاراۋلارى زاڭ بويىنشا دەلو تۇرعىزىپ بارلاۋ جۇرگىزدى. قازىر اقسۋ ايماقتىق بازاردى باقىلاۋ ـ باسقارۋ مەكەمەسى ولشەم بىرلىگىن تەكسەرىپ بەكىتۋ، تەكسەرىپ دالەل الۋ قاتارلى قىزمەتتەردى ورىستەتۋگە سەلبەستى. قاتىستى تيجارات سۋبيەكتىلەرى زاڭ، زاڭدىق ەرەجەلەرگە قاتاڭ بويسۇنىپ، ادال، ەرەجەگە ۇيلەسىمدى تيجارات جۇرگىزۋى كەرەك.

اقسۋ ايماقتىق بازاردى باقىلاۋ ـ باسقارۋ مەكەمەسى بىلاي دەدى: كاسىپ ءتارتىبىن ارناعا ءتۇسىرۋ ءۇشىن، بۇگىننەن باستاپ بۇكىل ايماقتا التىن ساتىپ الۋ كاسىبىن ارناۋلى جونگە سالىپ، تارازىدان جەۋ، سالماعىن جالعان بەلگىلەۋ قاتارلى زاڭعا قايشى ارەكەتتەردى قاتاڭ تەكسەرەدى، قاتىستى تيجارات تۇلعالارى ءوزىن - ءوزى جاپپاي تەكسەرىپ، ءوزىن - ءوزى تۇزەتىپ، تاباندا اتقارىپ، تاباندا تۇزەتۋ كەرەك. زاڭعا قايشىلىق جاساعان، قايتا - قايتا تەكسەرىلگەن، تۇزەتىلمەگەن تيجارات تۇلعالارىن زاڭ بويىنشا قاتاڭ تەكسەرىپ ءبىر جاقتى ەتەدى ءارى اشىق جاريالايدى.

كەلۋ قاينارى: حالىق تورابى