6 – ايدا بۇكىل شينجياڭنىڭ تەمپەراتۋراسى بۇرىنعى جىلدارداعىدان جوعارى بولادى

5 - ايدىڭ 30 – كۇنى، شينجياڭ ۇيعۇر اۆتونوميالى رايوندىق كليمات ورتالىعىنان ۇعىسۋىمىزشا، 6 - ايدا بۇكىل شينجياڭنىڭ ورتاشا اۋا تەمپەراتۋراسى بۇرىنعى جىلدارداعىدان ءسال جوعارى بولادى، باسىم كوپ ساندى وڭىرلەردە جاۋىن – شاشىن بۇرىنعى جىلدارداعىدان از بولادى، 4 رەت كۇشتى جاۋىن – شاشىن بولادى، تەمپەراتۋرا تومەندەيدى جانە كوپ رەت جوعارى تەمپەراتۋرالى اۋا رايى بارىسى شينجياڭعا ىقپال جاسايدى. اۋا تەمپەراتۋراسى جاعىندا، مەجەمەن 6 - ايدا التاي ايماعى، تارباعاتاي ايماعى، بۇراتالا موڭعۇل اۆتونوميالى وبلىسى، ىلە اڭعارى، قارامايلى قالاسى، شىحىزى قالاسى، سانجى حۇيزۋ اۆتونوميالى وبلىسى، ءۇرىمجى قالاسى، تۇرپان قالاسى، قۇمىل قالاسى، اقسۋ ايماعى، قاشقار ايماعىنىڭ شىعىس بولەگى، حوتان ايماعى جانە بايىنعولىن موڭعۇل اۆتونوميالى وبلىسىنىڭ اۋا تەمپەراتۋراسى 1.1 دە 1.6 سەلتسي گرادۋس جوعارى بولادى، قىزىلسۋ قىرعىز اۆتونوميالى وبلىسى، قاشقار ايماعىنىڭ باتىس بولەگىندە 0.5 تە 0.9 سەلتسي گرادۋس جوعارى بولادى.

جاۋىن - شاشىن جاعىندا، مەجەمەن 6 - ايدا اقسۋ ايماعىنىڭ باتىس بولىگى مەن سولتۇستىك بولىگىندە، قىزىلسۋ وبلىسىندا، قاشقار ايماعىنىڭ وڭتۇستىك بولىگىندە، حوتان ايماعىنىڭ باتىس بولىگىندە جانە بايىنعولىن وبلىسىنىڭ سولتۇستىك بولىگىندەگى تاۋلى وڭىرلەردە جاۋىن – شاشىن بۇرىنعى جىلدارداعىدان 2 دە 5 پايىز كوپ بولادى، بۇكىل شينجياڭنىڭ باسقا وڭىرلەرىندە 2 دە 5 پايىز از بولادى نەمەسە نەگىزىنەن جاۋىن – شاشىن بولمايدى. مۇنىڭ ىشىندە بۇراتالا وبلىسىنىڭ باتىس بولەگى، ىلە اڭعارى، ءۇرىمجى قالاسىنىڭ وڭتۇستىك بولەگىندەگى تاۋلى وڭىرلەر، اقسۋ ايماعىنىڭ باتىس بولەگى مەن سولتۇستىك بولەگى، بايىنعولين وبلىسىنىڭ سولتۇستىك بولەگى، قىزىلسۋ وبلىسى جانە قاشقار ايماعىنىڭ وڭتۇستىك بولەگىندە 20 - 100 ميلليمەترگە دەيىن جاۋىن - شاشىن بولادى، ءۇرىمجى قالاسىنىڭ وڭتۇستىك تاۋلى رايوندارى مەن بايىنعولىن وبلىسىنىڭ سولتۇستىك تاۋلى رايوندارىندا 80 ميلليمەتردەن ارتىق جاۋىن - شاشىن بولادى، تۇرپان قالاسى، بايىنعول وبلىسىنىڭ وڭتۇستىك بولەگى قاتارلى جەرلەردە 5 ميلليمەتردەن تومەن بولادى نەمەسە نەگىزىنەن جاۋىن – شاشىن بولمايدى.

6 – ايدا شينجياڭعا ىقپال جاسايتىن كۇشتى جاۋىن - شاشىن، تەمپەراتۋرا تومەندەۋ بارىسى نەگىزىنەن 4 رەت بولادى، ايدىڭ باس شەننىڭ الدىڭعى مەزگىلى، باس شەننىڭ سوڭعى مەزگىلى، ورتا شەنىنىڭ ورتا مەزگىلى جانە اياق شەنىنىڭ الدىڭعى مەزگىلىندە بولادى، كۇشەمەلىلىگى ورتاشا ءالسىز بولادى. جوعارى تەمپەراتۋرالى اۋا رايى بارىسى جاعىندا، بۇكىل شينجياڭنىڭ باسىم كوپ ساندى جازىق رايوندارىندا 2 رەت جوعارى تەمپەراتۋرا بارىسى بولىپ، جەكە - جەكە ايدىڭ باس شەنىنىڭ ورتا جانە سوڭعى مەزگىلىندە بولادى؛ وڭتۇستىك شينجياڭدا، شىعىس شينجياڭنىڭ جازىق رايوندارىندا ءبىر رەت تەمپەراتۋرا جوعارىلايدى، ورتا شەنىنىڭ ورتا مەزگىلىندە بولادى.

شينجياڭ ۇيعۇر اۆتونوميالى رايوندىق كليمات ورتالىعى مىنانى ەسكەرتتى: 6 ـ ايدا ىلە اڭعارى، بۇراتالا وبلىسى، اقسۋ ايماعى، قىزىلسۋ وبلىسى، قاشقار ايماعى، حوتان ايماعى جانە بايىنعولىن وبلىسىنىڭ سولتۇستىگى قاتارلى جەرلەردە قىسقا ۋاقىت كۇشتى جاۋىن ـ شاشىن، ناجاعايلى بوران، بۇرشاق سياقتى كۇشتى كونۆەكسيالىق اۋا رايى تۋىلادى، ءىشىنارا جەرلەردە كۇشتى جاۋىن ـ شاشىننان تۋىلعان تاسقىن جانە گەولوگيالىق اپاتتاردان ءتۇيىندى تۇردە ساقتانىپ، ساياحات قاتىناس جەلىلەرىنىڭ جانە ءتۇيىندى اعارلاردىڭ حاۋىپسىزدىگىن قورعاۋدى كۇشەيتۋ كەرەك.

سونىمەن بىرگە، بۇكىل شينجياڭنىڭ باسىم كوپ جەرىندە تەمپەراتۋرا جوعارى بولىپ، جاۋىن - شاشىن از بولىپ، استىق، ماقتا جانە ەرەكشە جەمىس ورمانىنىڭ جوعارى تەمپەراتۋرا، ىستىق اپاتى وڭاي تۋىلادى، ورمان، جايىلىم ءورت حاۋپىنىڭ دارەجەسى جوعارى بولادى، تاۋلى وڭىرلەردىڭ ءىشىنارا جەرلەرىندە قار ەرۋ سيپاتتى تاسقىن وڭاي تۋىلادى، بۇعان توتەپ بەرۋ دايىندىعىن الدىن الا جاقسى ىستەۋ كەرەك. بۇدان سىرت، وڭتۇستىك شينجياڭداعى ايماق، وبلىس، تۇرپان قالاسى مەن قۇمىل قالاسىندا بوران سوعادى، قۇمدى بوران سوعادى، ەڭ جاڭا الدىن الا مالىمەت پەن ساقتاندىرۋ ينفورماتسياسىنا قاداعالاي نازار اۋدارىپ، اۋىل شارۋاشىلىق قيمىلدارىنا، جاڭا ەنەرگيا جابدىقتارىنا جانە قاتىناس، ءجۇرىس ـ تۇرىسقا ءتيىمسىز ىقپال جاساۋدان بەلسەنە ساقتانۋ كەرەك.

كەلۋ قاينارى: حالىق تورابى