وڭتۇستىك شايقاس رايونىنىڭ اقپارات مالىمدەمەشىسى جاي شىچىن گوللانديانىڭ اسكەري كەمەسىنىڭ ۇقىققا قول سۇققان ارەكەتى جونىندە ءسوز جاريالادى 

وڭتۇستىك شايقاس رايونىنىڭ اقپارات مالىمدەمەشىسى، تەڭىز ارمياسىنىڭ داشياۋى جاي شىچىن مىنانى ءبىلدىردى: 5 – ايدىڭ 27 – كۇنى، گوللانديا تەڭىز ارمياسىنىڭ ”درۋيد“ اتتى قورعاۋشى كەمەسى جۇڭگونىڭ شيشا توپ ارالىنا زاڭسىز باسا كوكتەي كىرىپ، كەمەدەگى تىك ۇشاق ارقىلى ەلىمىزدىڭ تەرريتوريالىق كەڭىستىگىنە كوپ رەت سۇعاناقتىق جاساعان. جۇڭگو حالىق ازاتتىق ارمياسى وڭتۇستىك شايقاس رايونى تەڭىز بەن اۋەدەگى اسكەري كۇشتەردى ۇيىمداستىرىپ، زاڭ – تۇزىمگە ساي داۋىستاپ ەسكەرتۋ بەرۋ، ەسكەرتۋ سيپاتىندا ەلەكتروندىق جولمەن كەدەرگىلىك جاساۋ قاتارلى قاجەتتى شارالاردى قولدانىپ، ونى سىرتقا قاراي قۋالاعان. گوللانديا جاقتىڭ ارەكەتى جۇڭگونىڭ تەرريتوريالىق يەلىك ۇقىعى مەن تەڭىز بەن اۋەدەگى حاۋىپسىزدىگىنە اۋىر دارەجەدە سۇعاناقتىق جاساعاندىق، حالىقارالىق زاڭ مەن حالىقارالىق قارىم – قاتىناستىڭ نەگىزگى ولشەمىنە اۋىر دارەجەدە قايشىلىق جاساعاندىق، نانحاي تەڭىزىنىڭ بەيبىتشىلىگى مەن ورنىقتىلىعىن اۋىر دارەجەدە بۇلدىرگەندىك، قاتە تۇسىنىك پەن قاتە تۇجىرىمدى وڭاي تۋدىرادى. ءبىز بۇعان باتىل قارسى تۇرامىز، گوللانديا جاققا ۇقىققا قول سۇعىپ، سۇعاناقتىق جاساۋ ارەكەتىن دەرەۋ توقتاتۋدى قاتاڭ ەسكەرتەمىز. شايقاس رايونىنداعى قوسىندار ءسات سايىن وسكەلەڭ قىراعىلىقتى ساقتاپ، مەملەكەتتىڭ يەلىك ۇقىعىنىڭ حاۋىپسىزدىگى مەن ءوڭىردىڭ بەيبىتشىلىگىن، ورنىقتىلىعىن باتىل قورعايدى.

كەلۋ قاينارى: حالىق تورابى