شينجياڭ 23 ءتۇرلى شارانى ورتاعا قويىپ، قالانى جاڭالاۋدى، ساپاسىن جوعارىلاتۋدى، ونىمدىلىكتى ارتتىرۋدى كۇش سالا ىلگەرىلەتتى 

شينجياڭ گازەتىنىڭ 5 - ايدىڭ 23 - كۇنى ۇرىمجىدەن بەرگەن حابارى. انار بۇلت / شينجياڭ گازەتىنىڭ ءتىلشىسى ۋاڭ يايۇن حابارلايدى: جۋىردا، شينجياڭ ۇيعۇر اۆتونوميالى رايوندىق تۇرعىن ءۇي جانە قالا - اۋىل قۇرىلىسى مەڭگەرمەسى، اۆتونوميالى رايوندىق دامۋ - رەفورما كوميتەتى قاتارلى 7 تاراۋ بىرلەسىپ ”اۆتونوميالى رايوننىڭ قالانى جاڭالاۋ ارەكەتىن ورىستەتۋگە قولداۋ كورسەتۋ جونىندەگى ءبىرقانشا ءتۇيىندى شارالارىن» باسىپ تاراتىپ، جوسپارلاۋ، جەر، قارجى، بەكىتۋ، قىزمەت وتەۋ، مەحانيزم، قامتاماسىزداندىرۋ قاتارلى قالانى جاڭالاۋ قىزمەتىنىڭ تۇتاس تىزبەگىن قامتىعان 23 ءتۇرلى ناقتى شارانى بەلگىلەپ، ساياساتتىق شارالاردى دالمە – ءدال قولدانۋ ارقىلى ماسەلەنى شەشىم ەتىپ، قالانى جاڭالاۋدى، ساپاسىن جوعارىلاتۋدى، ونىمدىلىكتى ارتتىرۋدى كۇش سالا ىلگەرىلەتتى.

اۆتونوميالى رايوندىق تۇرعىن ءۇي جانە قالا - اۋىل قۇرىلىسى مەڭگەرمەسى قالانى جاڭالاۋ ارەكەتى ارناۋلى گرۋپپاسىنىڭ جاۋاپتىسى لي يان بىلاي دەپ تانىستىردى: بۇل ”ساياسات تىزىمدىگى“ قالانى جاڭالاۋدىڭ بۇكىل بارىستىق اينالىمىن تىعىز ارقاۋ ەتىپ، قالا جاعدايىن تەكسەرۋ مەن قالانى جاڭالاۋدى ءبىر تۇتاس ىلگەرىلەتۋ، جوسپارلاۋ جانە جەر فاكتورلارىمەن قامتاماسىزداندىرۋدى كۇشەيتۋ، قارجىلاندىرۋ ارناسىن كەڭەيتۋ، نىسان بارىسىن كەمەلدەندىرۋ، بۇرىننان قالعان ماسەلەلەردى ءتۇيىندى ءبىرجاقتى ەتۋ جانە قالانى جاڭالاۋ بارىسىندا تۇراقتى مۇلىكتى تىزىمدەۋدى ساپالىلاندىرۋ، ۇزاق مەرزىمدىك ءونىمدى مەحانيزم قالىپتاستىرۋدى ىلگەرىلەتۋ، ۇيىمدىق جاقتان ىلگەرىلەتۋ تەبىنىن كۇشەيتۋ قاتارلى 7 ولشەم ارقىلى قالانىڭ ماندىك فورماداعى دامۋىنا جالپى بەتتىك دەم بەرەدى.

كەلۋ قاينارى: حالىق تورابى