ازاماتتاردىڭ باس بوستاندىعىنا قول سۇعۋعا بەرىلەتىن مەملەكەت تولەمىنىڭ ەڭ جاڭا ولشەمى جاريالاندى

ەڭ جوعارى حالىق پروكۋراتۋراسى ازاماتتاردىڭ باس بوستاندىعىنا قول سۇعۋدىڭ ەڭ جاڭا تولەم ولشەمىن جاريالادى

ەڭ جوعارى حالىق پروكۋراتۋراسى بىرنەشە كۇننىڭ الدىندا ۇقتىرۋ شىعارىپ، ءار دارەجەلى پروكۋراتۋرا ورىندارىنان وزدەرىنىڭ تولەم بەرۋگە بورىشتى ورگان رەتىندە، باس بوستاندىعىنا قول سۇققان مەملەكەت تولەم بەرۋ دەلوسىن ءبىر جاقتى ەتكەندە، كۇندىك جاڭا تولەم ولشەمى 495.94 يۋان بويىنشا اتقارۋدى تالاپ ەتتى.

ەڭ جوعارى حالىق پروكۋراتۋراسى 2025 – جىلى 5 – ايدىڭ سوڭىنان باستاپ قاتىستى ۇقتىرۋ شىعارىپ، ءار دارەجەلى پروكۋراتۋرالاردان مەملەكەت تولەم بەرۋ ۇيعارىمىن جاساعان كەزدە، ازاماتتاردىڭ باس بوستاندىعىنا قول سۇعۋ تولەم سوماسى كۇنىنە 475.52 يۋان بويىنشا ەسەپتەۋدى تالاپ ەتتى.

ەڭ جوعارى حالىق پروكۋراتۋراسى ارىز - شاعىم پروكۋراتۋرا مەڭگەرمەسىنىڭ قاتىستى جاۋاپتىسىنىڭ تانىستىرۋىنا قاراعاندا، مەملەكەتتىك ساناق مەكەمەسى 2026 – جىلى 5 – ايدىڭ 15 – كۇنى جاريالاعان 2025 - جىلى بۇكىل ەل بويىنشا قالا - قالاشىقتارداعى جەكەشە ەمەس ورىنداردا كاسىپتەنگەندەردىڭ جىلدىق ورتاشا ەڭبەكاقىسى 129 مىڭ 441 يۋان بولعان. ادام كۇشى بايلىعى جانە قوعامدىق قامتاماسىزداندىرۋ مينيسترلىگى بەرگەن كۇندىك ورتاشا ەڭبەكاقىنى ەسەپتەۋ فورمۋلاسى بويىنشا، كۇندىك ورتاشا ەڭبەكاقى 495.94 يۋان بولادى. «جۇڭحۋا حالىق رەسپۋبليكاسىنىڭ مەملەكەت تولەمى زاڭىنىڭ» 33 - تارماعى مەن «ەڭ جوعارى حالىق سوت مەكەمەسىنىڭ، ەڭ جوعارى حالىق پروكۋراتۋراسىنىڭ قىلمىستىق ىستەر تولەم دەلولارىن ءبىر جاقتى ەتۋدە زاڭ قولدانۋعا قاتىستى ءبىرقانشا ماسەلە جونىندەگى تۇسىندىرمەسىنىڭ» 21-تارماعىنىڭ 2-تارماقشاسىنداعى بەلگىلەمەگە نەگىزدەلگەندە، ءار دارەجەلى پروكۋراتۋرالار 2026-جىلى 5 – ايدىڭ 18 - كۇنىنەن باستاپ مەملەكەت تولەم بەرۋ ۇيعارىمىن جاساعاندا، ازاماتتاردىڭ باس بوستاندىعىنا قول سۇعۋ تولەم سوماسىن بەرگەندە، كۇنىنە 495.94 يۋان بويىنشا ەسەپتەلەدى.

كەلۋ قاينارى: حالىق تورابى