بيىل 4 – ايدا شەتەلگە قاشقان قىزمەتتىك قىلمىس كۇماندىسى ليۋ لياڭ جۇڭگوعا قايتارىلدى 

جۇڭگو اقپارات اگەنتتىگىنىڭ 5 – ايدىڭ 18 – كۇنى بەيجيڭنەن بەرگەن حابارى. ەلىمىزدىڭ ۇكىمەت ورىندارىنىڭ 5 - ايدىڭ 18 – كۇنى حابارلاۋىنشا، جۋىردا ورتالىق كوميتەتتىڭ شىرىكتەسۋگە قارسى تۇرۋدى سايكەستىرۋ گرۋپپاسىنىڭ حالىقارالىق قاشقىنداردى قۋعىنداۋ جانە زاڭسىز قاراجاتتى قايتارىپ الۋ كەڭسەسىنىڭ ءبىرتۇتاس سايكەستىرۋى مەن قوعام حاۋىپسىزدىگى مينيسترلىگى قاتارلى تاراۋلاردىڭ كومەگىندە، سىچۋان ولكەلىك باقىلاۋ ورگاندارى، قوعام حاۋىپسىزدىگى ورگاندارى قاتىستى مەملەكەتتىڭ زاڭ اتقارۋ ورگاندارىمەن تىعىز سەلبەسۋ ارقىلى، شەتەلگە قاشقان قىزمەتتىك قىلمىس كۇماندىسى ليۋ لياڭدى شەتەلدە قولعا ءتۇسىرىپ، ەلىمىزگە قايتارىپ اكەلگەن.

ليۋ لياڭ، ەر، 1979 – جىلى 1 – ايدا تۋعان، چۋانتوۋ جاڭا ەنەرگيا سەرىكتىگىنىڭ باس ديرەكتورى، زاڭعا قايشى اۋىر قىزمەتتىك قىلمىس كۇمانىنا شاتىلىپ، 2026 – جىلى 4 – ايدا شەتەلگە قاشقان، سول ايدا سىچۋان ولكەسى زىياڭ قالاسىنداعى باقىلاۋ ورگاندارى وعان قاتىستى دەلو تۇرعىزىپ تەكسەرۋ جۇرگىزگەن. دەلو ءبىتىرۋ ورگاندارى زاڭ اتقارۋ جاعىنداعى حالىقارالىق سەلبەستىكتى بەلسەندى ورىستەتىپ، جۋىردا ونى قولعا تۇسىرگەن.

ورتالىق قاشقىنداردى قۋعىنداۋ كەڭسەسىنىڭ جاۋاپتىسى بىلاي دەدى: ليۋ لياڭنىڭ قولعا ءتۇسىرىلۋى — ورتالىق كوميتەتتىڭ 20 – كەزەكتى ءتارتىپ تەكسەرۋ كوميتەتىنىڭ بەسىنشى جالپى ءماجىلىسىنىڭ رۋحىن تياناقتاندىرۋ، ”الەمدىك تور جايۋ – 2026“ ارەكەتىن ورىستەتۋدەگى ماڭىزدى جەتىستىك.

بۇل جاۋاپتى ادام: شىرىكتەسۋگە قارسى تۇرۋ سالاسىنداعى زاڭ اتقارۋ جانە ءادىليا جاعىنداعى سەلبەستىكتى ىشكەرىلەي ورىستەتىپ، قاشقىنداردى قۋعىنداۋ جانە زاڭسىز قاراجاتتى قايتارىپ الۋ جاعىنداعى قۋاتتى شابۋىلدى ساقتاپ، ءتۇيىندى ادامداردى قۋعىنداۋ پارمەنىن ارتتىرىپ، الەمگە تور جايىپ، ولارعا بارار جەر، باسار تاۋ قالدىرماي، كۇدەرىن ۇزدىرەمىز، - دەدى.

كەلۋ قاينارى: حالىق تورابى