ەڭ تومەنگى بەلەت باعاسى 300 يۋان! شينجياڭ كوپتەگەن اۋە لەنياسىن جاڭادان اشادى

شينجياڭنىڭ ساياحاتىنىڭ كۇن سايىن دامۋىنا بايلانىستى، كوپتەگەن اۆياتسيا سەرىكتەستىكتەرى شينجياڭدا جاڭادان اۋە لەنياسىن اشتى، سىزدەردى تيانشان تاۋىنان ۇشىپ ءوتىپ، وڭتۇستىك، سولتۇستىك شينجياڭنىڭ كوركەم كورىنىسىن تاماشالاۋعا جەتەكتەيدى.

5 - ايدىڭ 13 - كۇنى گۇيلين اۆياتسياسى شونجىدان جينانعا دەيىنگى اۋە لەنياسىن اشتى (ءار اپتانىڭ دۇيسەنبى، سارسەنبى، جۇما، جەكسەنبى كۇندەرى قاتىنايدى)، 5 - ايدىڭ 16 - كۇنى شونجىدان تاييۋانعا دەيىنگى اۋە لەنياسىن اشادى (ءار اپتانىڭ سەيسەنبى، بەيسەنبى، سەنبى كۇندەرى قاتىنايدى)، 5 - ايدىڭ 27 - كۇنى گۇيليننەن تاييۋانعا، كورلاعا باراتىن اۋە لەنياسىن جاڭادان اشادى (ءار اپتانىڭ دۇيسەنبى، سارسەنبى، جۇما، جەكسەنبى كۇندەرى قاتىنايدى).

5 ـ ايدىڭ 15 ـ كۇنى جيشياڭ اۆياتسياسى نانجيڭنەن ۇرىمجىگە دەيىنگى اۋە لەنياسىن (ءار كۇنى ءبىر كەزەك قاتىنايدى) اشادى.

5 - ايدىڭ 17 - كۇنى وڭتۇستىك اۆياتسيا سەرىكتەستىگى ۋحاننان ۇرىمجىگە، ۇرىمجىدەن كۇشارعا دەيىنگى اۋە لەنياسىن جاڭادان اشادى (ءار اپتانىڭ سارسەنبى، جەكسەنبى كۇندەرى قاتىنايدى). بۇل تۇڭعىش رەتكى ۋحاننان كۇشارعا توتە ۇشاتىن اۋە لەنياسى، وسىدان بۇرىن شي ـ ان، لانجوۋ قاتارلى جەرلەر ارقىلى ۋحانعا، كۇشارعا بارىپ ـ كەلەتىن ساپار جوباسىمەن سالىستىرعاندا، جاڭا اۋە لەنياسى ۇرىمجىدە قىسقا ۋاقىت توقتاپ عانا ۇشادى، جولاۋشىلاردىڭ ورتا جولدا اينالىپ كۇتۋ ۋاقىتىن ازايتىپ، ءجۇرىس – تۇرىسقا ءتىپتى دە قولايلى بولادى.

5 ـ ايدىڭ 20 ـ كۇنى تيانجين اۆياتسياسى ۇرىمجىدەن چارقىلىققا، چارقىلىقتان چىڭدۋعا ۇشاتىن اۋە لەنياسىن (ءار اپتانىڭ دۇيسەنبى، سارسەنبى، جۇما، جەكسەنبى كۇندەرى قاتىنايدى) اشىپ، چارقىلىقتان چىڭدۋعا توتە ۇشاتىن اۋە لەنياسى بولماۋ بوستىعىن تولتىرادى. بۇدان سىرت، رۇيلي اۆياتسياسى 5 – ايدىڭ 20 - كۇنى كۇنميڭنەن تۇرپانعا توتە ۇشاتىن ساياحات ۇشاعىن (ءار اپتانىڭ دۇيسەنبى، سارسەنبى، جۇما كۇندەرى) قاتىناتادى، اۋە لەنياسىندا جالپى شامامەن 3.5 ساعاتتا توتە جەتۋگە بولادى، ساپار ۋاقىتىن بارىنشا ۇنەمدەپ، ساپاردى ءتىپتى دە جەڭىل، ءتىپتى دە جايلى ەتەدى.

ءتىلشىنىڭ ءارقايسى ساپار بەلەتىن ساتىپ الاتىن APP دەن كورۋىنشە، جوعارىداعى ايتىلعان ءبىر ءبولىم اۋە جەلىلەرىنىڭ العاش اشىلعانداعى بەلەت باعاسى ءبىرشاما ءتيىمدى باعادا بولعان، مىسالى، شونجىدان جينانعا دەيىنگى ەڭ تومەنگى بەلەت باعاسى 300 يۋان، ۇرىمجىدەن چارقىلىققا، چىڭدۋعا دەيىنگى اۋە جەلىسى 400 يۋان، شونجىدان تاييۋانعا دەيىنگى 550 يۋان ەكەنىن بايقادى. ەرەكشە ەسكەرتۋ: كەزەكشى ۇشاق كەزەگىندە، ۋاقىتىندا ۋاقىتتىق رەتتەۋ جاعدايى بولادى، ناقتى كەزەكشى ۇشاق ينفورماتسياسى ەڭ سوڭىندا رەسمي جاقتىڭ بەلەت ساتىپ الۋ ارناسى ارقىلى سۇراستىرۋدى ولشەم ەتەدى.

كەلۋ قاينارى: حالىق تورابى