بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2026.05.12 16:12 كەلۋ قاينارى : حالىق تورابى
كەدەن باس باسقارماسى بۇگىن (5 – ايدىڭ 11 - كۇنى) اقپارات جاريالاۋ ءماجىلىسىن اشىپ، جاڭادان وزگەرتىلگەن «يمپورت – ەكسپورت ەتىلگەن بەزەنۋ بۇيىمدارىن تەكسەرۋ، كارانتيندەۋ جانە باقىلاۋ - باسقارۋ ءادىسى» جونىندە ساياساتتىق تۇسىنىك بەردى، جاڭا «ءادىس» 12 - ايدىڭ 1 - كۇنىنەن باستاپ اتقارىلادى. جاڭادان وزگەرتىلگەن «ادىسكە» ساي، كەدەن باس باسقارماسى مەملەكەتتىك ءدارى - دارمەكتى باقىلاۋ - باسقارۋ مەڭگەرمەسىمەن كەڭەسۋ ارقىلى شاڭحاي قالاسىندا يمپورت ەتىلگەن بەزەنۋ بۇيىمدارىنىڭ ەلەكتروندىق بەلگىسىن تۇيىندە سىناق رەتىندە اتقارۋدى ۇيعاردى، بۇگىننەن باستاپ رەسمي اتقارىلدى.
كەزەكتە، جۇڭگو بەزەنۋ بۇيىمدارىن تۇتىنۋدا دۇنيە جۇزىندەگى ەڭ ءىرى بازارعا اينالدى، يمپورت - ەكسپورت كولەمى ورنىقتى كەڭەيىپ، ساۋدا فورماسى اناعۇرلىم الۋان ءتۇرلى بولدى. 2025 - جىلى، مەملەكەت بويىنشا يمپورت – ەكسپورت ەتىلگەن بەزەنۋ بۇيىمدارىنىڭ جالپى قۇنى 171 ميلليارد 610 ميلليون يۋان بولىپ، ءبىر جىل بۇرىنعى سول مەزگىلدەگىدەن %2.74 ارتقان؛ مۇنىڭ ىشىندە يمپورت مولشەرى 115 ميلليارد 690 ميلليون يۋان، ەكسپورت مولشەرى 55 ميلليارد 920 ميلليون يۋان بولعان.
بۇل جولى «ادىسكە» وزگەرىس ەنگىزۋدە ”ەسىكتى اشىق ۇستاپ“ ۇسىنىس قابىلداۋعا تاباندى بولىپ، قوعامدىق جۇرتشىلىق، قاتىستى كاسىپورىندار، كاسىپتىك قوعامدار جانە مەملەكەتتىك ءدارى – دارمەكتى باقىلاۋ - باسقارۋ مەڭگەرمەسى قاتارلى تاراۋلاردان كەڭ كولەمدە پىكىر الىندى؛ حالىقارالىق ەرەجەلەرگە بويسۇنىپ، دۇنيە جۇزىلىك ساۋدا ۇيىمىنا (WTO) حابارلاندىرۋ جولدادى ءارى ساياساتتىق جاقتا 6 ايدان استام ۋاقىتتىق وتپەلى كەزەڭدى بەلگىلەپ، شەكارانىڭ ءىشى – سىرتىنداعى كاسىپورىنداردىڭ جاڭا ساياساتقا ۇيلەسۋىنە جەتكىلىكتى ۋاقىت قالدىرىلدى.
(باس ستانسيا ورتالىق تەلەۆيزيا ءتىلشىسى كۇڭ ليڭۋىن، ساۋ شياۋجىڭ)
كەلۋ قاينارى: حالىق تورابى
