شينجياڭدا 2026 – جىلدىڭ الدىڭعى جارىمىنداعى ورتا، باستاۋىش مەكتەپكە وقىتۋشى بولۋ تولىمدىلىق ەمتيحانى (بەتپە – بەت ەمتيحان) 5 – ايدىڭ 16 – كۇنىنەن 17 – كۇنىنە دەيىن الىنادى 

تيانشان تورابى – شينجياڭ گازەتىنىڭ ءتىلشىسى شىن زۋشياۋ حابارلايدى. ءتىلشىنىڭ 5 – ايدىڭ 7 – كۇنى شينجياڭ وقۋ – اعارتۋ مەڭگەرمەسى ەمتيحان مەكەمەسىنەن ۇعىسۋىنشا، شينجياڭدا 2026 – جىلدىڭ الدىڭعى جارىمىنداعى ورتا، باستاۋىش مەكتەپكە وقىتۋشى بولۋ تولىمدىلىق ەمتيحانى (بەتپە – بەت ەمتيحان) 5 – ايدىڭ 16 – كۇنىنەن 17 – كۇنىنە دەيىن الىنادى ەكەن.

بەتپە – بەت ەمتيحانعا قاتىناسۋ كۋالىگىن باسىپ شىعارۋ يقۋاتى 2026 – جىلى 5 – ايدىڭ 11 – كۇنى ساعات 10:00 دا اشىلادى، ەمتيحان بەرۋشىلەر ورتا، باستاۋىش مەكتەپكە وقىتۋشى بولۋ تولىمدىلىق ەمتيحانى تورابىنا (https://ntce.neea.edu.cn/) كىرىپ، ۋاعىندا كوشىرىپ باسىپ شىعارۋى قاجەت، ەمتيحانعا قاتىناسۋ كۋالىگىندەگى ەمتيحان بەرۋشىلەر بىلۋگە ءتيىستى ىستەر، ەمتيحان تۇيىندەرىنىڭ ەسكەرتپەسى، ەمتيحان ۋاقىتى، ەمتيحان ورنىنىڭ مەكەن – جايى، ەمتيحان الاڭىنا قاتىستى ينفورماتسيالار قاتارلى مازمۇنداردى مۇقيات وقىپ، ءتۇرلى بەلگىلەمەلەرگە قاتاڭ بويسۇنۋى كەرەك.

ەمتيحان بەرۋشىلەر ”ەمتيحانعا قاتىناسۋ كۋالىگى“ مەن كۇشكە يە ازاماتتىق كۋالىك ارقىلى ەمتيحانعا قاتىناسۋى كەرەك، ”ەكى كۋالىكتىڭ“ بىرەۋى كەم بولسا بولمايدى. ەگەر ەمتيحان بەرۋشىنىڭ ”ەمتيحانعا قاتىناسۋ كۋالىگىندەگى“ ”اتى – ءجونى“ جانە ”ازاماتتىق كۋالىك ءنومىرى“ ازاماتتىق كۋالىكتەگى ينفورماتسيامەن بىردەي بولماسا، ەمتيحانعا قاتىناسا المايدى. ەمتيحان بەرۋشىلەر «ەمتيحانعا قاتىناسۋ كۋالىگىندە» بەلگىلەنگەن ۋاقىت بويىنشا ەمتيحان الىناتىن كلاسقا جەتىپ بولۋى كەرەك، ەمتيحان الىناتىن كلاسقا كىرۋ ۋاقىتى اياقتالعاننان كەيىن ەمتيحان بەرۋشىلەر 15 مينۋت كەشىگەتىن بولسا، بەتپە – بەت ەمتيحانعا قاتىناسا المايدى.

كەلۋ قاينارى: حالىق تورابى