جاساندى زەردەمەن ايگىلى ادامدارعا جاسىرىن تۇردە ەلىكتەۋ ارقىلى تىكەلەي تاراتىلىمدا زات ساتقان ءبىر توراپتاس اكىمشىلىك جازا  بويىنشا  قاماۋعا الىندى

قوعام حاۋىپسىزدىگى مينيسترلىگى ينتەرنەت حاۋىپسىزدىگى مەڭگەرمەسىنىڭ ۋيشين تەكشەسىنىڭ حابارلاۋىنشا، جۋىردا سانشي ولكەسى داتۇڭ قالاسىنداعى ينتەرنەت ساقشىلارى ينتەرنەتتە شارلاپ تەكسەرۋ جۇرگىزۋ بارىسىندا، قاراستى اۋماقتاعى شيڭ x ەسىمدى ءبىر توراپتاستىڭ جۇڭگو گومينداڭ پارتياسىنىڭ ءتوراعاسى جىڭ ليۋىننىڭ وبرازىن زاڭسىز تۇردە پايدالانىپ، AI ارقىلى جاسالعان ادام وبرازىن قولدانىپ، تىكەلەي تاراتىلىمدا زات ساتقاندىعىن، توراپتاستاردىڭ كۇمانىن قوزعاپ، قالىپتى ينتەرنەت ءتارتىبىن اۋىر دارەجەدە بۇلدىرگەندىگىن بايقاعان.

تەكسەرۋ ارقىلى انىقتاۋعا قاراعاندا، شيڭ x تىكەلەي تاراتىلىم ارقىلى زات ساتۋمەن شۇعىلدانادى، جىڭ ليۋىننىڭ ۇلى قۇرلىقتا ساپاردا بولعان كەزدەگى ىقپالىنىڭ جوعارى بولۋىنان پايدالانىپ، ايگىلى ادامداردىڭ ىقپالى ارقىلى كورىلىمدى ارتتىرۋ ويىنا كەلەدى. وسىدان كەيىن، ۇقىق بەرىلمەگەن جاعدايدا، ءمالىم ءبىر AI قۇرالىن پايدالانىپ، AI ارقىلى ادام وبرازىن جانە زات ساتۋ جارناماسىن جاساپ، مەديا تەكشەسىندە تىكەلەي تاراتىلىم ارقىلى زات ساتقان، بۇل قوعامداعىلاردىڭ نازارىن اۋدارىپ، ناشار ىقپال تۋدىرعان.

شيڭ x ۇقىق بەرىلمەگەن جاعدايدا باسقالاردىڭ پورترەتىن رۇقساتسىز پايدالانىپ، AI ارقىلى جاسالعان ادام وبرازىن قولدانىپ، تىكەلەي تاراتىلىم ارقىلى زات ساتقان، باسقالاردىڭ سالاۋاتىن ۇرلاپ پايدالانۋ، باسقالاردىڭ اتىن جامىلۋ ارقىلى الدامشىلىق ىستەۋ سىندى زاڭعا قايشى ارەكەتتى وتكىزگەن، «جۇڭحۋا حالىق رەسپۋبليكاسىنىڭ اماندىق باسقارۋعا قايشىلىق جاساعانداردى جازالاۋ زاڭىنداعى» بەلگىلەمەلەرگە قايشى كەلگەن، جەرگىلىكتى قوعام حاۋىپسىزدىگى مەكەمەسى زاڭ بويىنشا وعان اكىمشىلىك جازا بويىنشا قاماۋعا الۋ شاراسىن قولدانعان.

كەلۋ قاينارى: حالىق تورابى