جۇڭگونىڭ اراب بىرىككەن امىرلىگىندەگى ەلشىحاناسى، كونسۋلحاناسى جۇڭگو ازاماتتارىنا حاۋىپسىزدىك ساقتىعىن كۇشەيتۋدى ەسكەرتتى 

شينحۋا اگەنتتىگىنىڭ 5 – ايدىڭ 5 - كۇنى ابۋدابيدەن بەرگەن حابارى. اراب بىرىككەن امىرلىگى 5 – ايدىڭ 4 - كۇنى تاعى دا اۋە شابۋىلىنا ۇشىرادى. جۇڭگونىڭ اراب بىرىككەن امىرلىگىندەگى باس ەلشىحاناسى مەن جۇڭگونىڭ دۋبايداعى باس كونسۋلحاناسى سول كۇنى كەشتە اراب بىرىككەن امىرلىگىندەگى جۇڭگو ازاماتتارىنا حاۋىپسىزدىك ساقتىعىن كۇشەيتۋدى ەسكەرتتى.

جۇڭگونىڭ اراب بىرىككەن امىرلىگىندە تۇراتىن ەلشىحاناسى مەن كونسۋلحاناسى اراب بىرىككەن امىرلىگىندەگى جۇڭگو ازاماتتارىنا جەرگىلىكتى ورىننىڭ حاۋىپسىزدىك جاعدايى مەن اراب بىرىككەن امىرلىگى ۇكىمەتى تاراۋلارى جاريالاعان قاتىستى حابارلاندىرۋلار مەن سيگنالدارعا قاداعالاي نازار اۋدارىپ، اسكەري بازالاردان جانە سوققىعا ۇشىراۋى مۇمكىن بولعان سەزىمتال قۇرىلعىلاردان اۋلاق بولۋدى، سونداي ـ اق جەرگىلىكتى ورىننىڭ زاڭ ـ ەرەجەلەرى مەن ۇكىمەتتىڭ قاتىستى تالاپتارىنا قاتاڭ بويسۇنۋدى، شابۋىل وقيعاسى تۋىلعان ناق مايداندى نەمەسە اۋەجاي، پورت، اسكەري قۇرىلعى سياقتى سەزىمتال وڭىرلەردى كەسكىنگە نەمەسە سۋرەتكە ٴتۇسىرىپ جاريالاماۋدى ەسكەرتتى. ەگەر شۇعىل جاعدايعا تاپ بولساڭىزدار، دەرەۋ ساقشىعا مالىمدەڭىزدەر ءارى جۇڭگونىڭ اراب بىرىككەن امىرلىگىندە تۇراتىن ەلشىحاناسىمەن، كونسۋلحاناسىمەن بايلانىس جاساڭىزدار.

كەلۋ قاينارى: حالىق تورابى