جۇڭگونىڭ جاسىل ءمۇيىس ارالدارىندا تۇراتىن ەلشىحاناسى: جۇقپالى اۋرۋ تارالعان كەمەدە جۇڭگو ازاماتتارى جوق 

جۇڭگو اقپارات تورابىنىڭ 5 - ايدىڭ 6 - كۇنى بەرگەن حابارى. جۇڭگونىڭ جاسىل ءمۇيىس ارالدارىندا تۇراتىن ەلشىحاناسىنىڭ تورابىنىڭ حابارىنا نەگىزدەلگەندە، 5 - ايدىڭ 4 - كۇنى دۇنيە جۇزىلىك دەنساۋلىق ساقتاۋ ۇيىمى مەن جاسىل ءمۇيىس ارالدارى دەنساۋلىق ساقتاۋ مينيسترلىگى حابارلاما جاريالاپ، پرايا پورتىنىڭ سىرتىنا توقتاعان ”حونديۋس“ كەمەسىندە (MV Hondius) حانتا ۆيرۋسى (Hantavirus) جۇقپالى اۋرۋى تارالعاندىعىن مالىمدەگەن. 5 – ايدىڭ 4 - كۇنىنە دەيىن 7 ناۋقاس تىركەلگەن، مۇندا حانتا ۆيرۋسىمەن جۇعىمدالعانى تاجىريبەحانادا انىقتالعان 2 ناۋقاس جانە وسى ناۋقاسقا شالدىقتى دەپ كۇماندى بولعان 5 ناۋقاس قامتىلعان، مۇنىڭ ىشىندە 3 ادام قازا بولعان، ءبىر ادامنىڭ اۋرۋ جاعدايى اۋىر، قالعان 3 ادامنىڭ اۋرۋ بەلگىلەرى جەڭىل. تەكسەرۋ ارقىلى كەمەدە جۇڭگو ازاماتتارى جوق ەكەندىگى انىقتالدى. جاسىل ءمۇيىس ارالدارى دەنساۋلىق ساقتاۋ مينيسترلىگى دۇنيە جۇزىلىك دەنساۋلىق ساقتاۋ ۇيىمىمەن جانە قاتىستى ەلدەرمەن بىرگە جۇقپالى اۋرۋعا توتەپ بەرۋدە.

جۇڭگونىڭ جاسىل ءمۇيىس ارالدارىندا تۇراتىن ەلشىحاناسى جاسىل ءمۇيىس ارالدارىنداعى جۇڭگو ازاماتتارىنا جاسىل ءمۇيىس ارالدارى دەنساۋلىق ساقتاۋ مينيسترلىگى مەن جۇڭگونىڭ جاسىل ءمۇيىس ارالدارىندا تۇراتىن ەلشىحاناسىنىڭ رەسمي ينفورماتسيالارىنا ءجىتى نازار اۋدارۋدى، شىندىققا جاناسپايتىن حابارلارعا سەنبەۋدى جانە تاراتپاۋدى ەسكەرتەدى. ءوزىنىڭ جانە ماڭىنداعى ورتانىڭ تازالىعىنا نازار اۋدارىپ، كەمىرگىشتەر تۇقىمداستىعىنداعى جانۋارلارمەن جاناسۋدان ساقتانۋ كەرەك.

جاسىل ءمۇيىس ارالدارىنىڭ شۇعىل قۇتقارۋ تەلەفونى: 130

كەلۋ قاينارى: حالىق تورابى