شينجياڭداعى بۇل ورىنعا تيان - انمىن الاڭىنداعى مەملەكەت تۋى تارتۋ ەتىلدى 

4 - ايدىڭ 24 - كۇنى مەملەكەتتىك ەلەكتر تورى شينجياڭ ەلەكتر قۋاتى شەكتى سەرىكتەستىگى شينجياڭ بايىنعولىن موڭعۇل اۆتونوميالى وبلىسى تيەمىنگۋان سۋ ەلەكتر ستانسياسىندا ”جاڭا داۋىردە تۋ كوتەرۋ · شينجياڭنىڭ بولاشاعى ءتىپتى دە جارقىن“ اتتى نەگىزگى تاقىرىپتىق قيمىل وتكىزىپ، ءمانى ەرەكشە بەس جۇلدىزدى تۋدى سالتاناتپەن قابىلدادى. قيمىل الاڭىندا بۇل قىمباتتى مەملەكەت تۋىن ەلەكتر قۋاتى سالاسىنداعى جاس، ورتا جاس، قارت ءۇش ۇرپاق قىزمەتكەرلەر كۇش جالعاپ قورعاپ، سوڭىندا مەملەكەت تۋىن قورعاۋ اترەتىنە سالتاناتپەن تاپسىردى.

بۇل مەملەكەت تۋى 2025 - جىلى 8 - ايدىڭ 18 - كۇنى تيان - انمىن الاڭىندا كوتەرىلگەن، سونداي – اق، تيان - انمىن الاڭىندا شىعارىلعان تۋدىڭ مەملەكەتتىك ەلەكتر تورى شينجياڭ ەلەكتر قۋاتى سەرىكتەستىگىنە تۇڭعىش رەت بەرىلۋى سانالادى.

تيەمىنگۋان سۋ ەلەكتر ستانسياسى 1966 - جىلى 8 - ايدىڭ 18 - كۇنى ىسكە قوسىلىپ، وڭتۇستىك شينجياڭدا 60 جىل تەرەڭ تامىر تارتىپ، جەرگىلىكتى ورىندى كوركەيتۋ مەن جوعارى ساپالى دامىتۋعا ورنىقتى دا سەنىمدى تازا ەنەرگيانى ۇزدىكسىز جەتكىزىپ كەلەدى.

بۇل جولى ەرەكشە ەسكەرتكىش مانگە يە مەملەكەت تۋىن تارتۋ ەتۋ، مەملەكەتتىك ەلەكتر تورى شينجياڭ ەلەكتر قۋاتى سەرىكتەستىگىنىڭ قىزمەتتىك مىندەتىنە ادال بولىپ، جەرگىلىكتى ورىننىڭ ەكونوميكاسى مەن قوعامىنىڭ دامۋىنا كۇش سالا قىزمەت وتەگەنى ءۇشىن بەرىلگەن ماراپات بولىپ قانا قويماي، ەلەكتر سالاسىنداعى بارلىق قىزمەتكەرلەردى اۋەلگى ماقساتتى ۇمىتپاي، تىڭعىلىقتى ىستەپ، جاۋاپكەرشىلىك ارقالاپ، قۇلشىنا ىستەۋ جىگەرىمەن تيانشاننىڭ وڭتۇستىگى مەن سولتۇستىگىنىڭ گۇلدەنۋى مەن دامۋىنا جول اشۋعا شابىتتاندىردى.

تىلشىلەر: جانبولات ماناربەك، ارمان رازاق

كەلۋ قاينارى: حالىق تورابى