شينجياڭ تۇرعىن ءۇي جانە قالا - اۋىل قۇرىلىسى تاراۋى: قۇرىلىس نىساندارىنىڭ ساندى مالىمەت حاۋىپسىزدىگى بارىنشا قامتاماسىز ەتىلدى

4 - ايدىڭ 22 – كۇنى، شينجياڭ ۇيعۇر اۆتونوميالى رايوندىق حالىق ۇكىمەتىنىڭ اقپارات كەڭسەسى ”اكىمشىلىك قىزمەت ۇقىعىن رەتتەۋدى ىلگەرىلەتىپ، ’جوعارى ونىمدىلىكپەن ءبىر ءىس تىندىرۋ‘ ساپاسىن جوعارىلاتىپ، كولەمىن كەڭەيتۋ“ جونىندە اقپار جاريالاۋ ءماجىلىسىن وتكىزدى.

اقپار جاريالاۋ ماجىلىسىندە بۇقارا كوڭىل ءبولىپ وتىرعان قۇرىلىس نىساندارىنىڭ ساندى مالىمەتتەرىنىڭ حاۋىپسىزدىگى مەن دالدىگى ماسەلەسىنە قاراتا، شينجياڭ ۇيعۇر اۆتونوميالى رايوندىق تۇرعىن ءۇي جانە قالا - اۋىل قۇرىلىسى مەڭگەرمەسىنىڭ 2 ـ دارەجەلى شارلاۋشىسى جاڭ حۇڭتاۋ بىلاي دەپ تانىستىردى: شينجياڭ ۇيعۇر اۆتونوميالى رايوندىق تۇرعىن ءۇي جانە قالا - اۋىل قۇرىلىسى مەڭگەرمەسى شينجياڭ ۇيعۇر اۆتونوميالى رايونىنىڭ ءبىرتۇتاس اكىمشىلىك قىزمەت كورسەتۋدى ءبىر تۇلعالاندىرۋ تەكشەسىنە سۇيەنىپ، بارلىق قۇرىلىس نىساندارىنىڭ ساندى مالىمەتتەرىنىڭ بىردەن – ءبىر قاينارى جانە ءبىرتۇتاس ولشەمى بولىپ، ساندى مالىمەتتىڭ شىن، ولشەمىنىڭ بىردەي بولۋىنا تۋ باستان كەپىلدىك ەتتى. ساندى مالىمەتتە بىلىقپالىق تۋىلمايدى. ساندى مالىمەت حاۋىپسىزدىگى جاعىندا كوپ ءتۇرلى كەپىلدىك ەتىلدى. ءاربىر ساندى مالىمەتتى پايدالانۋدان بۇرىن، قاي جەردە ىستەتۋ، نەگە ىستەۋ كەرەكتىگىن ايقىنداپ، ساندى مالىمەتتەردى بەتالدى پايدالانۋدان ساقتانادى. قىزمەتكەرلەردىڭ ۇقىق شەگى دە قاتاڭ شەكتەمەگە ۇشىرايدى، قاتىسسىز ادامداردىڭ ساندى مالىمەتتەردى كورۋىنە جول بەرىلمەيدى. شينجياڭ ۇيعۇر اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسى تاعى قاتىستى تاراۋلارمەن بىرلەسىپ، ساندى مالىمەتتەن پايدالانۋ جانە حاۋىپسىزدىكتى قورعاۋ جاعدايىن مەرزىم سايىن تەكسەرىپ، ءتۇرلى شارالاردىڭ ناقتاپ تياناقتانۋىنا شىنايى كەپىلدىك ەتەدى.

كەلۋ قاينارى: حالىق تورابى