ءورت وشىرۋگە ەرلىكپەن ات سالىسقان شينجياڭدىق 10 ستۋدەنت توپتىق ماراپاتتالدى 

4 – ايدىڭ 10 – كۇنى شينجياڭ قاتىناس كاسىپتىك – تەحنيكالىق داشۋەسىندە ادىلەت ءۇشىن ايانباعانداردىڭ ىزگى ىستەرىن ماراپاتتاۋ ءماجىلىسى اشىلىپ، جۋىردا ءۇرىمجى اۋدانى جۇييوۋگى ساياجايىنىڭ ارتىنداعى تاۋدا ءورت كەتكەن كەزدە اتويلاي العا شىعىپ، كۇش بىرىكتىرە وتىرىپ ءورت ءوشىرىپ، ءورتتىڭ شارپيتىن كولەمىن ءساتتى تەجەپ، ماڭىنداعى ورماندى ءوڭىر مەن جۇرتشىلىقتىڭ مال - مۇلكىنىڭ حاۋىپسىزدىگىن قورعاعان 10 ستۋدەنت ماراپاتتالدى جانە بۇكىل مەكتەپتەگى وقىتۋشى – وقۋشىلارعا ۇندەۋ جاريالاپ، كوپشىلىكتى ولاردان ۇيرەنۋگە شاقىردى.

وسى مەكتەپتىڭ وقۋشىلارىنىڭ اتويلاي العا شىعىپ، تاۋعا كەتكەن ءورتتى ەرلىكپەن وشىرگەنى جونىندەگى حابار جاريالانعاننان كەيىن، قوعامداعى ءار سالاداعىلاردىڭ جاپپاي ماداقتاۋىنا يە بولدى. انار بۇلت / شينجياڭ گازەتى الي الەۋمەتتىك يگىلىك كۇندەلىكتى وڭ ەنەرگيا نىسانىمەن بىرگە، وسى تاڭداۋلى ستۋدەنتتەر كوللەكتيۆىنە ”كۇندەلىكتى وڭ ەنەرگيا ەرەكشە سيلىعىن“جانە 5000 يۋان اقشالاي سيلىقتى تاراتىپ، ادىلەت ءۇشىن ايانباعان، باسىنا قاتەر تونگەندە دە تايسالماعان باعالى قاسيەتتەرى ءۇشىن ولاردى ماراپاتتادى.

كەلۋ قاينارى: حالىق تورابى