شينجياڭدا تۇڭعىش رەت باتىس ەۆروپاعا توتە قاتىنايتىن ەكى جۇك تاسىمالى اۋە جەلىسى اشىلدى 

تيانشان تورابى – شينجياڭ گازەتىنىڭ ءتىلشىسى حەي حۇڭۋەي حابارلايدى. 4 -ايدىڭ 9 – كۇنى ءۇرىمجى تيانشان حالىقارالىق اۋەجايى تۇڭعىش رەت بەلگيا استاناسى برۋسسەلگە توتە قاتىنايتىن قۇرلىق ارالىق جۇك تاسىمالى اۋە جەلىسىن اشتى. ىلە – شالا، انگليانىڭ شىعىس ميدلاند وڭىرىنە توتە قاتىنايتىن جۇك تاسىمالى اۋە جەلىسى دە رەسمي اشىلدى، بۇل ەكى جۇك تاسىمالى جەلىسىنىڭ اشىلۋى شينجياڭنان ەۆروپانىڭ وزەكتى رايونىنا تىكەلەي قاتىنايتىن اۆياتسيالىق جۇك تاسىمالى جەلىسىنىڭ بولماۋى سىندى بوستىقتى تولتىردى.

اۋە جەلىسى ىسكە قوسىلعان كۇنى، شەكارا اتتاعان ەلەكتروندىق ساۋدا بۇيىمدارىن، اۆتوموبيل زاپشاستارىن تاسىمالدايتىن بۇكىلدەي جۇك تاسىمالداۋعا ارنالعان ۇشاق جەرگە قونعان ساتتە، ءۇرىمجى تيانشان اۋەجايى كەدەن مەكەمەسىنىڭ قىزمەتكەرلەرى ۇشاق توقتاتۋ الاڭىندا كۇتىپ تۇرعان. ”اۋە ىستەرىنە ارنالعان تىكەلەي وتكىزۋ“ فورماسى بويىنشا، كەدەن مەكەمەسىنىڭ قىزمەتكەرلەرى اۋە ىستەرىنە ارنالعان رايوندا باقىلاۋ - باسقارۋ مىندەتىن تىكەلەي ورىنداپ بولىپ، جۇكتەردى بەكەتتەگى جۇك تاسىمالداۋ باسقىشىنا كىدىرىسسىز تاپسىردى، تۇتاس بارىستا باقىلاۋ – باسقارۋ قويماسىنا كىرگىزۋ، جۇكتى قايتالاي ءتۇسىرۋ، قايتالاي جوتكەپ تاسىمالداۋ قاجەتسىز، ۇشاق جەرگە قونعاننان تارتىپ، اتتانعانعا دەيىن تەك 7 مينۋت ۋاقىت كەتكەن.

كەلۋ قاينارى: حالىق تورابى