شينجياڭ حالىقتىق شارۋاشىلىقتى دامىتۋ جانە ۇلعايتۋ جاعىنداعى قىزمەت قولدانباسىن جاريالادى 

شينجياڭ گازەتىنىڭ ءتىلشىسى شاڭ رۇڭجىڭ 4 – ايدىڭ 8 – كۇنى ۇرىمجىدەن حابارلايدى. جۋىردا، شينجياڭ ۇيعۇر اۆتونوميالى رايوندىق دامۋ - رەفورما كوميتەتى قاتىستى تاراۋلارمەن بىرگە جۋىرداعى جىلداردان بەرى ورتالىق پەن شينجياڭ اشىق جاريالاعان حالىقتىق كاسىپورىندارعا قولداۋ كورسەتۋ ساياساتتارىن رەتتەپ، «شينجياڭ ۇيعۇر اۆتونوميالى رايونىنىڭ حالىقتىق شارۋاشىلىقتى دامىتۋ جانە ۇلعايتۋ جاعىنداعى قىزمەت قولدانباسى (3.0)» دەگەن كىتاپشانى قۇراستىرىپ، حالىقتىق كاسىپورىنداردىڭ ساياساتتى دەر كەزىندە تۇسىنۋىنە جانە ساياساتتان پايدالانۋىنا كومەكتەستى.

وسىنىڭ الدىندا، شينجياڭ 2024 – جىلى، 2025 – جىلى جەكە – جەكە قولدانبانىڭ ءبىرىنشى نۇسقاسى مەن ەكىنشى نۇسقاسىن جاريالاعان، وسى جولى جاريالانعانى ءۇشىنشى نۇسقاسى بولىپ، الدىڭعى ەكى نۇسقا نەگىزىندە ەڭ جاڭا قاتىستى ساياساتتاردى جيناقتاعان، كاسىپورىندار قولدانبانىڭ ەلەكتروندىق نۇسقاسىن ينتەرنەت ارقىلى تاۋىپ وقي الادى. ءۇشىنشى نۇسقاداعى قولدانبادا زاڭ – ءتۇزىم، ۇكىمەت ىستەرىندەگى قىزمەت وتەۋ، ءادىل شارت، ماڭىزدى فاكتورلارمەن قامتاماسىزداندىرۋ، فينانستىق قولداۋ كورسەتۋ، كاسىپ سالاسىنا قاتىستى ساياساتتار، ۇقىق – مۇددەسىن قورعاۋ، كاسىپورىنداردى جەتىلدىرۋ قاتارلى جاقتارداعى ساياساتتىق قۇجاتتار قامتىلعان.

جۋىرداعى جىلداردان بەرى، شينجياڭ حالىقتىق شارۋاشىلىقتىڭ جوعارى ساپالى دامۋىن كۇش سالا ىلگەرىلەتىپ، ناقتى قولداۋ كورسەتۋ شارالارىن شىعاردى. كەلەسى قادامدا، شينجياڭ ۇيعۇر اۆتونوميالى رايوندىق دامۋ - رەفورما كوميتەتى قاتىستى تاراۋلارمەن بىرگە ساياساتتى يكەمدى جاڭالاۋ مەن قولدانبانى كەمەلدەندىرۋدى ۇزدىكسىز ويداعىداي ىستەپ، مازمۇننىڭ جارامدىلىعىنا، دالدىگىنە كەپىلدىك ەتىپ، شينجياڭدا حالىقتىق شارۋاشىلىقتىڭ جوعارى ساپالى دامۋىنا ساياساتتىق تىرەك ازىرلەيدى.

كەلۋ قاينارى: حالىق تورابى