وسى اپتادا بۇكىل شينجياڭنىڭ باسىم كوپ جەرىنىڭ تەمپەراتۋراسى ۇزدىكسىز جوعارىلايدى، ءورت حاۋپىنەن جانە قار ەرۋ سيپاتتى تاسقىن اپاتىنان ساقتانۋ كەرەك

4 ـ ايدان بەرى، شينجياڭنىڭ باسىم كوپ ساندى رايوندارىنىڭ تەمپەراتۋراسى بىرتىندەپ جوعارىلادى. شينجياڭ اۋا رايى ستانسياسى جاريالاعان ەڭ جاڭا مالىمەتتە كورسەتىلۋىنشە، وسى اپتادا (4 – ايدىڭ 6 – كۇنىنەن 12 – كۇنىنە دەيىن) بۇكىل شينجياڭدا كورنەكتى سۋىق اعىس ىقپالى بولمايدى، باسىم كوپ ساندى رايونداردىڭ تەمپەراتۋراسى ءبىرشاما جوعارى بولادى. وسى ارالىقتا ەكى رەت جاۋىن – شاشىن بولادى، ءىشىنارا وڭىرلەردە بوران سوعادى، جەل وتىندەگى مەزەتتىك جەل كۇشى 11 بال اينالاسىندا بولادى.

جاۋىن – شاشىن مەجەمەن 4 – ايدىڭ 10 – كۇنىنەن 11 – كۇنىنە دەيىن بولادى. سول كەزدە سولتۇستىك شينجياڭنىڭ باسىم كوپ بولەگى مەن وڭتۇستىك شينجياڭنىڭ باتىس بولەگىندەگى تاۋلى وڭىرلەر، كۇنلۇن تاۋىنىڭ سولتۇستىك بەتكەيى، بايىنعولىن موڭعۇل اۆتونوميالى وبلىسىنىڭ سولتۇستىك بولەگىندەگى تاۋلى وڭىرلەر، قۇمىل قالاسىنىڭ سولتۇستىك بولەگىندەگى تاۋلى وڭىرلەر قاتارلى جەرلەردىڭ ءىشىنارا وڭىرلەرىندە سەبەزگى جاڭبىر جاۋادى نەمەسە جاڭبىر ارالاس قار جاۋادى (ورتاشا، بيىك تاۋلى وڭىرلەردە قار جاۋادى)، سولتۇستىك شينجياڭنىڭ باتىس بولەگى، سانجى حۇيزۋ اۆتونوميالى وبلىسىنىڭ تاۋلى ءوڭىرى قاتارلى جەرلەردىڭ ءىشىنارا وڭىرلەرىندە ورتاشادان باستاپ قالىڭ جاڭبىر نەمەسە قار جاۋادى. جوعارىدا ايتىلعان ءىشىنارا وڭىرلەر مەن شىعىس شينجياڭدا باتىس سولتۇستىكتەن 5 بال اينالاسىندا بوران سوعادى، جەل وتىندە 9 دا 10 بال بوران سوعادى، مەزەتتىك جەل كۇشى 11 بال اينالاسىندا بولادى.

ءۇرىمجى قالاسىندا 4 – ايدىڭ 7 – كۇنى (سەيسەنبى) تۇستەن كەيىننەن تۇنگە دەيىن باسىم كوپ ساندى وڭىرلەردە كۇن بۇلتتى بولادى، دابانچىڭ رايونىندا قيىس باتىستان 7 دە 8 بال بوران سوعادى، 4 – ايدىڭ 10 - كۇنى (جۇما) تۇستەن كەيىننەن تۇنگە دەيىن، باسىم كوپ ساندى وڭىرلەردە كۇن بۇلتتى بولادى، سەبەزگى جاڭبىر جاۋادى، نانشان تاۋ بەلدەۋىندە قار جاۋادى، وعان باتىس سولتۇستىكتەن 4 تە 5 بال مەزەتتىك بوران قوسانجارلايدى، دابانچىڭ رايونىندا كۇن بۇلتتى بولادى، قيىس باتىستان 7 دە 8 بال مەزەتتىك بوران قوسانجارلايدى. 4 – ايدىڭ 12 - كۇنى (جەكسەنبى) تۇندە باسىم كوپ ساندى وڭىرلەردە كۇن بۇلتتى بولىپ، جاڭبىر جاۋادى، وڭتۇستىك قالا ماڭى مەن نانشان تاۋلى وڭىرىندە جاڭبىر ارالاس قار نەمەسە قار جاۋادى، ءىشىنارا جەرلەردە ورتاشا دارەجەگە جەتەدى، باتىس سولتۇستىكتەن 4 تە 5 بال بوران سوعادى، دابانچىڭ رايونىندا كۇن بۇلتتى بولادى، قيىس باتىستان 8 دە 9 بال مەزەتتىك بوران سوعادى، ءارقايسى رايونداردىڭ تەمپەراتۋراسى تومەندەيدى. وسى اپتانىڭ قالعان ۋاقىتتارىندا كۇن نەگىزىنەن اشىق نەمەسە بۇلتتى بولادى، جەل كۇشى زور بولمايدى. مەجەمەن قالا رايونىندا وسى اپتاداعى تومەن تەمپەراتۋرا 7 دە 12 جوعارى تەمپەراتۋرا اينالاسىندا بولادى، جوعارى تەمپەراتۋرا 17 دە 26 سەلتسي گرادۋس اينالاسىندا بولادى.

شينجياڭ اۋا رايى ستانسياسى مىنانى ەسكەرتەدى: وسى اپتادا اۋا تەمپەراتۋراسى ءۇرتىس جوعارىلاپ، بۇكىل شينجياڭداعى ءورت حاۋپىنىڭ اۋا رايى دارەجەسى ءبىرشاما جوعارى بولادى، ىلە اڭعارى، التاي ايماعى، تيانشان تاۋلى رايونى، قۇمىل قالاسىنىڭ سولتۇستىگىندەگى تاۋلى وڭىرلەردىڭ ءىشىنارا جەرلەرىندە قار ەرۋ سيپاتتى تاسقىن جانە كوشكىن ءتۇسۋ اۋا رايى حاۋىپ ـ قاتەرى ءبىرشاما جوعارى بولادى، قاتىستى تاراۋلار مەن جۇرتشىلىقتىڭ الدىن الا ويداعىداي ساقتانۋىن ۇسىنىس ەتەمىز.

كەلۋ قاينارى: حالىق تورابى