”جۇڭگو – قازاقستان مادەنيەت اۋىس – كۇيىس جىلى“ بەيجيڭدە باستالدى

گۋاڭميڭ گازەتىنىڭ ءتىلشىسى حان يەتيڭ، ەرىكتى ءتىلشىسى چىن يىڭيىڭ 3 – ايدىڭ 31 – كۇنى بەيجيڭنەن حابارلايدى. ”جۇڭگو – قازاقستان مادەنيەت اۋىس – كۇيىس جىلىنىڭ“ باستالۋ سالتى 3 - ايدىڭ 31 – كۇنى كەشتە بەيجيڭدەگى ورتالىق وپەرا تەاترحاناسىندا وتكىزىلدى.

باستالۋ سالتىندا جۇڭگو – قازاقستان ەكى ەل ونەرپازدارى بىرگە ونەر كورسەتتى، ويىن نومىرلەرى ۇلتتىق سلوپتاعى جانە كەڭ تارالعان اندەر مەن بيلەر، مۋزيكا اسپاپتارىمەن كۇي ورىنداۋ، سانگەرلىك قاتارلى كوپتەگەن كوركەمونەر فورمالارىن قامتىدى. ەكى ەل ونەرپازدارى ءوزارا ءبىر – ءبىرىنىڭ ەلىنىڭ اندەرىن شىرقاپ، كلاسسيكالىق مۋزيكالاردى بىرگە ورىنداپ، جۇڭگو – قازاقستان ەكى ەلدىڭ ءداستۇرلى جانە وسىزامانعى مادەنيەت – كوركەمونەر جەتىستىكتەرىن تولىق كورسەتىپ، جۇڭگو – قازاقستان مادەنيەت اۋىس – كۇيىسىنىڭ تابىستارىن جاندى ايگىلەدى.

ۇعىسۋعا قاراعاندا، 2026 – جىلعى ”جۇڭگو – قازاقستان مادەنيەت اۋىس – كۇيىس جىلى“ قيمىلىن جۇڭگو مادەنيەت جانە ساياحات مينيسترلىگى مەن قازاقستان مادەنيەت جانە اقپارات مينيسترلىگى بىرگە ۇيىمداستىرعان، جىل سوڭىنا دەيىن ارناۋلى كونسەرتتەر، تاقىرىپتىق كورگىزبەلەر، ارحەولوگيالىق جۇمىستاردى بىرلەسە ورىستەتۋ، كوركەمونەرلىك زەرتتەۋ - تالقىلاۋ قاتارلى قيمىلدار دا وتكىزىلەدى.

«گۋاڭميڭ گازەتى» (2026 – جىلى 4 – ايدىڭ 1 – كۇنى، 9 – بەت)

كەلۋ قاينارى: حالىق تورابى