شينجياڭدا 2026 – جىلى وتباسىلىق ەلەكتر جابدىقتارىنىڭ جاڭاسىن ساتىپ العاندارعا قوسىمشا قاراجات بەرۋ جالپى بەتتىك باستالدى 

ءتىلشىنىڭ شينجياڭ ۇيعۇر اۆتونوميالى رايوندىق ساۋدا مەڭگەرمەسىنەن ۇعىسۋىنا قاراعاندا، جۋىردا، اۆتونوميالى رايوندىق ساۋدا مەڭگەرمەسى، دامۋ – رەفورما كوميتەتى، قازىنا مەڭگەرمەسى، تۇرعىن ءۇي جانە قالا – اۋىل قۇرىلىسى مەڭگەرمەسى بىرگە «اۆتونوميالى رايوندا 2026 – جىلى وتباسىلىق ەلەكتر جابدىقتارىنىڭ جاڭاسىن ساتىپ الۋشىلارعا قوسىمشا قاراجات بەرۋ قيمىلىن ورىستەتۋ قىزمەتىنە قاتىستى ۇقتىرۋدى» باسىپ تاراتتى، اۆتونوميالى رايون بويىنشا وتباسىلىق ەلەكتر جابدىقتارىنىڭ جاڭاسىن ساتىپ الۋشىلارعا قوسىمشا قاراجات بەرۋ قيمىلىن جالپى بەتتىك ورىستەتىپ، حالىققا ءتيىمدى ساياساتتى شىنايى تياناقتاندىرىپ، ىشكى سۇرانىمدى كەڭەيتۋگە، تۇتىنۋدى ىلگەرىلەتۋگە دەم بەرەدى.

قوسىمشا قاراجات بەرۋ اۋماعى التى ءتۇرلى نەگىزگى وتباسىلىق ەلەكتر جابدىعىن قامتيدى، ىس سورعىش، گاز وشاق، سۋ تازارتقىش، ەلەكترلى قازان، ميكرو تولقىندى پەش، بۋمەن پىسىرۋ پەشى، وتباسىندا قولدانىلاتىن ”كومىردى ەلەكترگە اۋىستىرعان“ ەلەكترلى جىلىتۋ جابدىعى قامتىلادى، ءار ۇلت جۇرتشىلىعىنىڭ وتباسىلىق ەلەكتر جابدىقتارىن جاڭالاۋ تالابىن تولىق قاناعاتتاندىرادى.

بۇل رەتكى قوسىمشا قاراجات بەرۋ قيمىلى اۆتونوميالى رايوندىق تۇتىنۋ بۇيىمدارىنىڭ كونەسىن جاڭاسىنا اۋىستىرۋ جاعىندا قىزمەت وتەۋ تەكشەسى (يۇنشانفۇ APP) ارقىلى ءبىرتۇتاس ورىستەتىلەدى. تۇتىنۋشىلار وسى تەكشە ارقىلى قوسىمشا قاراجاتقا يە بولۋ تولىمدىلىق بەلەتىن الىپ، قيمىلعا قاتىناسقان تيجارات نەگىزگى تۇلعالارىنان قوسىمشا قاراجات بەرىلەتىن بۇيىمداردى ساتىپ العاندا، تولەۋ باسقىشىندا ولشەم بويىنشا تيىمدىلىكتەن تىكەلەي يگىلىكتەنەدى، قوسىمشا قاراجاتقا ارنايى ءوتىنىش بەرۋدىڭ قاجەتى جوق، جۇرتشىلىقتىڭ تابىس سەزىمىن شىنايى جوعارىلاتادى.

تۇتىنۋشىلار قوسىمشا قاراجات بەرىلەتىن كولەمدەگى بۇيىمداردى ساتىپ العاندا، ساتىلىم باعاسىن تىكەلەي ارزانداتۋ ءادىسى قولدانىلىپ، بارلىق ارناۋلى تيىمدىلىكتەردى شىعارىپ تاستاعاننان كەيىن ەڭ سوڭعى ساتىلىم باعاسى بويىنشا %15 تىك مولشەردە قوسىمشا قاراجات بەرىلەدى، ءاربىر ادامعا ءاربىر ءتۇرلى بۇيىمنان ءبىر داناسىنا قوسىمشا قاراجات بەرىلەدى. مۇندا، وتباسىلىق ”كومىردى ەلەكترگە اۋىستىرعان“ ەلەكترلى جىلىتۋ جابدىقتارىنىڭ ءبىر داناسىنا ەڭ جوعارى بولعاندا 1500 يۋان قوسىمشا قاراجات بەرىلەدى، قالعان بەس ءتۇرلى وتباسىلىق ەلەكتر جابدىقتارىنىڭ ءبىر داناسىنا ەڭ جوعارى بولعاندا 1000 يۋان قوسىمشا قاراجات بەرىلەدى، قوسىمشا قاراجات بەرۋ تەبىنىن قامتاماسىزداندىرۋمەن بىرگە، قازىنالىق قاراجاتتان ۇنەمدى پايدالانۋدى ىسكە اسىرادى.

بۇل رەتكى قيمىل بارىسىندا قوسىمشا قاراجاتتىڭ جالپى سوماسى بەلگىلەنگەن كولەمدە بولادى، كىم الدىمەن ساتىپ السا سوعان بەرۋ ءتۇزىمى قولدانىلىپ، قاراجات سوماسى پايدالانىلىپ بولعان سوڭ قيمىل توقتاتىلادى. (حەي حۇڭۋەي)

كەلۋ قاينارى: حالىق تورابى