ەلىمىزدىڭ ەلشىلىگى تالەيىن سىناۋ ويىنان ارىلىپ، تەزىرەك ەلگە قايتۋدى نەمەسە جوتكەلۋدى، شەگىنىپ شىعۋدى قايتالاي ەسكەرتتى 

ورتالىق تەلەۆيزيا تورابىنىڭ حابارى: 3 – ايدىڭ 23 – كۇنى، جۇڭگونىڭ يزرايلدا تۇراتىن ەلشىلىگى ۇقتىرۋ جاريالاپ، يزرايلداعى جۇڭگو ازاماتتارىنا تەزىرەك جوتكەلۋدى، شەگىنىپ شىعۋدى ءارى حاۋىپ – قاتەردەن ساقتانۋدى اناعۇرلىم كۇشەيتۋدى قايتالاي ەسكەرتكەن.

قازىر ورتا شىعىستا حاۋىپسىزدىك جاعدايى ۇزدىكسىز ناشارلاپ، يزرايلدىڭ باسقارىلمالى بومبى مەن ۇشقىشسىز ۇشاقتىڭ شابۋىلىنا ۇشىراۋ كولەمى، جيىلىگى جانە كۇشەمەلىلىگى ونان ارى ارتۋدا، جارالانۋ مەن ءولىم – ءجىتىم جانە مال – مۇلىكتىڭ زيانعا ۇشىراۋى جاعدايى ۇزدىكسىز كوبەيۋدە، بومبىدان ساقتانۋ قۇرىلعىلارىنا كىرە الماي قالعاندىقتان حاۋىپكە ۇشىراۋ جاعدايى ءجيى تۋىلۋدا. جۇڭگونىڭ يزرايلدا تۇراتىن ەلشىلىگى يزرايلداعى جۇڭگو ازاماتتارىنا تالەيىن سىناۋ ويىنان ارىلىپ، تەزىرەك ەلگە قايتۋدى نەمەسە حاۋىپسىز رايونعا جوتكەلۋدى، شەگىنۋدى، ءسوزسىز، اۋەجاي، كەمەجاي، ەلەكتر ستانسياسى، قورىتۋ زاۆودى قاتارلى ماڭىزدى نەگىزدىك قۇرىلعىلار مەن اسكەري سەزىمتال قۇرىلىمداردان الىس ءجۇرۋدى، سونىمەن بىرگە، يزرايل جاقتىڭ ارتقى شەپ قولباسشىلىق مەكەمەسىنىڭ حاۋىپسىزدىك تۋرالى بۇيرىقتارىنا قاتاڭ بويسۇنۋدى، تۇراعى مەن قىزمەت ورنىنىڭ ماڭىندا بومبىدان ساقتاناتىن كەمەلدى قۇرىلعى بولۋىنا كەپىلدىك ەتۋدى، اۋە شابۋىلىنان ساقتانۋ دابىلىن ەستىگەن ساتتە، ءسوزسىز، دەرەۋ بومبىدان ساقتانۋ قۇرىلعىسىنا كىرىپ، حاۋىپ – قاتەردەن ساقتانۋدى شىنايى ويداعىداي ىستەۋدى، استە، قىراعىلىقتى بوساڭسىتىپ، بەيعامدىق ىستەمەۋدى، ءومىرىن ويىنشىققا اينالدىرماۋدى قايتالاي ەسكەرتتى. ەگەر شۇعىل جاعدايعا ۇشىراساڭىز، دەر كەزىندە ساقشىعا مالىمدەڭىز نەمەسە جۇڭگونىڭ يزرايلداعى ەلشىلىگىمەن حابارلاسىڭىز.

كەلۋ قاينارى: حالىق تورابى