ەڭ جوعارى بولعاندا 200 مىڭ يۋان سيلىق بەرىلەدى! شينجياڭ ەمدەۋ قامسىزداندىرۋىنداعى زاڭعا، بەلگىلەمەگە قايشى دەرەكتەردى اشىق جينادى

بۇگىننەن باستاپ، شينجياڭ ۇيعۇر اۆتونوميالى رايونى ەمدەۋ قامسىزداندىرۋى سالاسىنداعى قوردى زاڭعا، بەلگىلەمەگە قايشى پايدالانۋ ماسەلەسىنە قاتىستى دەرەكتەردى قوعامنان اشىق جينايدى. تەكسەرۋ ارقىلى شىن بولعان، شىن اتى - جونىمەن اشكەرەلەگەندەرگە تەكسەرىپ انىقتالعان سومانىڭ % 5 ى بويىنشا سيلىق بەرىلدى، ەڭ جوعارى بولعاندا 200 مىڭ يۋان سيلىق بەرىلەدى.

3 – ايدىڭ 16 – كۇنى، ءتىلشىنىڭ شينجياڭ ۇيعۇر اۆتونوميالى رايوندىق ەمدەۋ قامتاماسىزداندىرۋ مەكەمەسىنەن ۇعىسۋىنشا، دەرەكتەردى جيناۋ 2026 ـ جىلى 12 ـ ايدىڭ 31 ـ كۇنىنە دەيىن جالعاسادى.

وسى رەتكى دەرەكتەردى جيناۋدا نازاردى ءتۇيىندى ەمدەۋ، ءدارى ـ دارمەك قۇرىلىمدارى، قامسىزداندىرۋعا قاتىناسۋشىلار، كاسىپتىك الدامكوستەر، سونداي ـ اق قاتىستى ورىنداردىڭ قىزمەتكەرلەرى قاتارلى 5 ءتۇرلى نەگىزگى تۇلعاعا اۋدارىپ، زاڭعا، بەلگىلەمەگە قايشى مىناداي ارەكەتتەر ءتۇيىندى تۇردە قابىلدانادى: ءتۇيىندى ەمدەۋ قۇرىلىمدارىنىڭ بەلگىلەمەگە قايشى اقى الۋ، بازارعا قايتا تۇسكەن ءدارى ـ دارمەكتەردى ساۋدالاۋ، اتىن جامىلىپ نەمەسە جالعاننان ەمدەلۋ، ءدارى ـ دارمەگىن ساتىپ الۋ، تالوندى جالعاننان كەسىپ، قوردى الداپ اقشا الۋ قاتارلى ارەكەتتەر؛ تۇراقتى ورىندا بولشەك ساتاتىن ءدارى دۇكەندەرىنىڭ كارتىچكانى وتىرىك ىستەتۋ، ەمدەۋ قامسىزداندىرۋىنان كوتەرمەيتىن ءدارىنى كوتەرەتىن دارىمەن اۋىستىرىپ الۋ، بازارعا قايتا تۇسكەن ءدارى - دارمەكتى ساۋدالاۋعا سەلبەسۋ قاتارلى ارەكەتتەرى؛ كاسىپتىك الدامكوستەردىڭ ءدارى – دارمەك الىپساتارلىعىمەن شۇعىلدانۋى، كارتىچكا ىسەتۋمەن شۇعىلدانۋى، كاسىپتىك ءدارى اشۋشىلاردىڭ بازارعا قايتا تۇسكەن ءدارى - دارمەكتى ساۋدالاۋى، بالنيتساعا وتىرىك جاتۋ مەن كارتىچكانى وتىرىك ىستەتۋ قاتارلى ارەكەتتەرگە قاتىناسۋى؛ قامسىزداندىرۋعا قاتىناسۋشىلاردىڭ ەمدەۋ قامسىزداندىرۋ كۋالىگىن وتكەرمەلەۋى، ماتەريالداردى جالعاننان جاساپ ەمدەۋ قامسىزداندىرۋ الدامشىلىعىن ىستەۋى، ءدارى - دارمەك ساتىپ پايدا تابۋى، قايتالاي مامىلەدەن يگىلىكتەنۋى قاتارلى ارەكەتتەرى: ورىنداردىڭ ۇكىمەت قىزمەتكەرلەرى مەن ەمدەۋ قىزمەتكەرلەرىنىڭ قىزمەت ۇقىعىنان بەتالدى پايدالانۋى، بەتكە قاراپ قارالىق ىستەۋى، تولىمدىلىعىن بەلگىلەمەگە قايشى ءبىتىرۋ، پارا الۋ، الدامشىلىقپەن قامسىزداندىرۋعا سەلبەسۋ قاتارلى ارەكەتتەرى.

اشكەرەلەۋشى دەرەكپەن قامداعاندا، ماسەلەنىڭ تۋىلۋ ۋاقىتىن، ناقتى مازمۇنىن جانە قاتىستى دالەل - سىپاتتاردى بەرىپ، تەكسەرىپ ءبىر جاقتى ەتۋگە قولايلىلىق جاساۋى كەرەك. سونىمەن بىرگە، شىن اتى - جونىمەن اشكەرەلەۋگە دەم بەرىلەدى، ەمدەۋ قامسىزداندىرۋ تاراۋلارى اشكەرەلەۋشىنىڭ ينفورماتسياسىنىڭ قۇپيالىعىن قاتاڭ ساقتايدى؛ اشكەرەلەۋشىلەرگە سوققى بەرىپ، ءوش الۋ، جات نيەتپەن اشكەرەلەپ، جالا جاۋۋ، زيانكەستىك ىستەۋ قاتارلى ارەكەتتەردىڭ جاۋاپكەرشىلىگىن زاڭ بويىنشا قاتاڭ قۋزاستىرادى.

«شينجياڭ ۇيعۇر اۆتونوميالى رايونىنىڭ ەمدەۋ قامتاماسىزداندىرۋ قورىنان زاڭعا، بەلگىلەمەگە قايشى پايدالانۋدى اشكەرەلەۋ، سيلاۋ ادىسىنە» ساي، ەمدەۋ قامسىزداندىرۋ قورىنان بەلگىلەمەگە قايشى پايدالانۋ دەرەكتەرى تەكسەرىلىپ انىقتالعان سومانىڭ %5ى بويىنشا سيلانادى، جەكە سوماسى ەڭ جوعارى بولعاندا 200 مىڭ يۋان بولادى، بۇقارانى زاڭ بويىنشا باقىلاۋعا، بۇقارانىڭ ”اۋرۋ كورسەتەتىن اقشاسىن“، ”جان ساقتايتىن اقشاسىن“ بىرگە قورعاۋعا جەتەكتەدى.

بۇقارانىڭ ءتۇرلى ارنالار ارقىلى اشكەرەلەۋىنە بولادى. تەلەفون ارقىلى اشكەرەلەۋ: اۆتونوميالى رايوندىق ەمدەۋ قامتاماسىزداندىرۋ مەكەمەسى 8830766 – 0991، ءۇرىمجى قالالىق ەمدەۋ قامتاماسىزداندىرۋ مەكەمەسى 4802271 – 0991، ءارقايسى ايماق، وبلىس، قالالاردىڭ ەمدەۋ قامتاماسىزداندىرۋ تاراۋلارى دا ارناۋلى لەنيانى جاريالادى. حات ساندىقپەن اشكەرەلەۋ: 2751775686@qq.com؛ ارىز – ارمان ادرەسى: شينجياڭ ۇيعۇر اۆتونوميالى رايونى ءۇرىمجى قالاسى حىپيڭ وڭتۇستىك جولى 137 - ءنومىر شينجياڭ ۇيعۇر اۆتونوميالى رايوندىق ەمدەۋ قامتاماسىزداندىرۋ مەكەمەسى.

كەلۋ قاينارى: حالىق تورابى