2025 - جىلى بۇكىل ەلىمىز بويىنشا تۇتىنۋشىلاردىڭ شاعىم ايتۋى مەن اشكەرەلەۋى جيىنى 26 ميلليوننان استام رەت قابىلدانىپ، 4 ميلليارد يۋاننان استام ەكونوميكالىق زياننىڭ الدى الىنعان 

شينحۋا اگەنتتىگىنىڭ ءتىلشىسى داي شياۋحى 3 - ايدىڭ 15 - كۇنى بەيجيڭنەن حابارلايدى. ءتىلشىنىڭ 3 - ايدىڭ 15 - كۇنى بازاردى باقىلاۋ – باسقارۋ باس مەڭگەرمەسىنەن ۇعىسۋىنشا، 2025 - جىلى بۇكىل ەلىمىزدە 12315 تەكشەسى، تەلەفون قاتارلى ارنالار ارقىلى تۇتىنۋشىلاردىڭ شاعىم ايتۋى، اشكەرەلەۋى، كەڭەس سۇراۋى جيىنى 43 ميلليون 866 مىڭ رەت قابىلدانعان، مۇنىڭ ىشىندە شاعىم ايتۋ مەن اشكەرەلەۋ سانى 26 ميلليون 460 مىڭ رەت بولىپ، ءبىر جىل بۇرىنعى ۇقساس مەزگىلدەگىمەن سالىستىرعاندا %9.8 ارتقان. جىل بويى تۇتىنۋشىلار ءۇشىن 4 ميلليارد 350 ميلليون يۋان ەكونوميكالىق زياننىڭ ورنىن تولتىرىپ، تۇتىنۋشىلاردىڭ ۇقىق – مۇددەسىن قورعاۋ ونىمدىلىگى ۇزدىكسىز جوعارىلاعان.

تۇتىنۋشىلاردىڭ شاعىم ايتۋ جالپى مولشەرى تۇڭعىش رەت 20 ميلليوننان اسىپ، 20 ميلليون 366 مىڭعا جەتىپ، وتكەن جىلدىڭ ۇقساس مەزگىلىندەگىمەن سالىستىرعاندا %9.3 ارتقان. زاتتى ساتقاننان كەيىنگى قىزمەت وتەۋ، ساپا، ازىق – تۇلىك حاۋىپسىزدىگى، كەلىسىمشارتقا قاتىستى ماسەلەلەر الدىڭعى ورىندى ۇستاعان؛ زاتتى ساتقاننان كەيىنگى قىزمەت وتەۋگە قاتىستى شاعىم ايتۋ ءۇش جىل بويى ءبىرىنشى ورىندا تۇرعان؛ كەلىسىمشارت ماسەلەسىنە قاتىستى شاعىم ايتۋ وتكەن جىلدىڭ ۇقساس مەزگىلىندەگىمەن سالىستىرعاندا %40.3 ارتىپ، اقشانى قايتارىپ الۋ قيىن بولۋ، وزبىرلىق مازمۇنىنداعى تارماقتار، كەلىسىمشارتتىڭ ويداعىداي ورىندالماۋى قاتارلى ماسەلەلەر كورنەكتى بولعان.

كەلۋ قاينارى: حالىق تورابى