شينجياڭدا اۋا رايى جىلىنا باستايدى

ءتىلشىنىڭ شينجياڭ اۋا رايى ستانسياسىنان ۇعىسۋىنشا، وسى اپتادا (3 – ايدىڭ 16 – كۇنىنەن 22 – كۇنىنە دەيىن) بۇكىل شينجياڭدا اۋا رايى جىلىنا باستايدى. مۇندا وڭتۇستىك شينجياڭنىڭ باتىس بولەگىندە ءبىر رەت جاۋىن – شاشىن بولادى، سولتۇستىك شينجياڭدا قيىس شىعىستان ءبىر رەت وڭىرلىك جەل سوعادى.

3 – ايدىڭ 17 – كۇنى كۇندىزدەن 21 - كۇنىنە دەيىن وڭتۇستىك شينجياڭنىڭ باتىس بولەگى، كۇنلۇن تاۋىنىڭ سولتۇستىك بەتكەيى قاتارلى جەرلەردىڭ ءىشىنارا وڭىرلەرىندە جاڭبىر نەمەسە جاڭبىرا ارالاس قار جاۋىپ سوڭىنان قارعا اينالادى. مۇنىڭ ىشىندە قاشقار ايماعى، قىزىلسۋ قىرعىز اۆتونوميالى وبلىسى، حوتان ايماعى قاتارلى جەرلەردىڭ تاۋلى وڭىرلەرىنىڭ ءىشىنارا جەرلەرىندە ورتاشادان باستاپ قالىڭ قار جاۋادى، قىزىلسۋ وبلىسىنىڭ تاۋلى وڭىرلەرىنىڭ ءىشىنارا جەرلەرىندە قالىڭ قار جاۋادى. وسى رەتكى جاۋىن - شاشىن بارىسىنىڭ جالعاسۋ ۋاقىتى ۇزاق، تاۋلى وڭىرلەردىڭ جالپى جاۋىن - شاشىن مولشەرى مول بولىپ، جەرگىلىكتى ورىننىڭ قاتىناس، ءجۇرىس - تۇرىسى مەن مال شارۋاشىلىق وندىرىسىنە ءتيىمسىز ىقپال جاساۋى مۇمكىن.

ءۇرىمجى قالاسىندا وسى اپتادا ءارقايسى رايونداردا نەگىزىنەن كۇن اشىق بولادى، جەل كۇشى زور بولمايدى، اۋا رايى بىرتىندەپ جىلىنا باستايدى، قالا رايونىنىڭ ەڭ تومەنگى اۋا تەمپەراتۋراسى نولدەن تومەن 5 تە 2 سەلتسي گرادۋس اينالاسىندا بولادى، كۇندىك ەڭ جوعارى اۋا تەمپەراتۋراسى بىرتىندەپ 4 تە 13 سەلتسي گرادۋسقا ورلەيدى.

كەلۋ قاينارى: حالىق تورابى