سىزگە ”96110“ نومىرىنەن تەلەفون كەلگەن بە ەدى؟ حالىق قۇرىلتايى ۋاكىلى ەسكەرتەدى: ءسوزسىز، قابىلداڭىز 

جۋىرداعى جىلداردان بەرى، تەلەكوم مەن ينتەرنەتتەن پايدالانىپ الدامكوستىك ىستەۋ قىلمىسىنىڭ ءتاسىلى ۇزدىكسىز جاڭالانىپ، حالىق جۇرتشىلىعى بۇدان قاتتى جيرەنۋدە. بيىلعى مەملەكەتتىك ەكى ماجىلىستەگى ۇكىمەت قىزمەتىنەن باياندامادا تەلەكوم مەن ينتەرنەتتەن پايدالانىپ الدامكوستىك ىستەۋ قىلمىسىنان ساقتانۋ مەن وعان سوققى بەرۋ تەبىنىن كۇشەيتۋ، اناعۇرلىم جوعارى ورەدەگى تىنىش جۇڭگونى كوركەيتۋ ايقىن ورتاعا قويىلعان.

مەملەكەتتىك حالىق قۇرىلتاي ۋاكىلى، سانشي ولكەسى تاييۋان قالالىق قوعام حاۋىپسىزدىگى مەكەمەسى اماندىق قورعاۋ بولىمشەسىنىڭ 4 - دارەجەلى جوعارى دارەجەلى ساقشىسى ياڭ رۇڭ 96110 دابىل قاعۋ تەلەفونىن، ءسوزسىز، قابىلداۋدى ەسكەرتەدى.

كوپشىلىكتىڭ ”مەملەكەتتىك الدامكوستىككە قارسى تۇرۋ ورتالىعىنىڭ“ App كليەنتىن ورناتقانى ءجون، بۇل بەينە تەلەفونعا ”ورتتەن ساقتانۋ قورعانىن“ ورناتقانمەن تەڭ. مۇنان سىرت، 96110 دابىل قاعۋ جانە ءناسيحات ايتۋ لەنياسى بار، ەگەر وسى نومىردەن تەلەفون كەلسە، ءسوزسىز، قابىلداڭىز، ويتكەنى، بۇل ءسىزدىڭ نەمەسە ءسىزدىڭ وتباسىڭىزداعىلاردىڭ تەلەكوم مەن ينتەرنەتتەن پايدالانعان الدامكوستىككە ءدوپ كەلگەنىن كورسەتەدى.

”AI ارقىلى بەت - الپەتىن وزگەرتۋ“، ”بارىنشا ۇقساتىپ جاساۋ“ قاتارلى الدامكوستىك تاسىلدەرىنەن ساق بولىڭىز

AI تەحنولوگياسىنىڭ جالپىلاسۋىنا بايلانىستى، الدامكوستەر AI ارقىلى بەت - الپەت وزگەرتۋ مەن داۋىسقا ەلىكتەۋ قاتارلى ”بارىنشا ۇقساتىپ جاساۋ“ تەحنولوگياسىن پايدالانىپ، تۋىس – تۋعان جانە دوس - جارانداردىڭ، باسشىلاردىڭ اتىن جامىلىپ، كەسكىندە سويلەسۋ ارقىلى ءدال تاۋىپ الدامكوستىك ىستەپ، بۇرىنعى ”كوزبەن كورگەن شىن“ دەگەن تۇسىنىكتى وزگەرتتى، ولاردىڭ بۇل ارەكەتى وتە وڭاي الجاستىرادى.

كەلۋ قاينارى: حالىق تورابى