سىرتقى ىستەر مينيسترلىگى ورتا شىعىستاعى جۇڭگو ازاماتتارىنا اۋە جەلىسى قالپىنا كەلتىرىلگەن ارالىقتان پايدالانىپ، تەزىرەك شەگىنىپ شىعۋدى ەسكەرتتى 

سىرتقى ىستەر مينيسترلىگىنىڭ مالىمدەمەشىسى ماۋ نيڭ 3 - ايدىڭ 6 - كۇنى كەزەكتى تىلشىلەردى قابىلداۋ ماجىلىسىندە مىنانى ءبىلدىردى: جۇڭگو جاق جۇڭگولىق جولاۋشىلاردىڭ ورتا شىعىستاعى ەلدەردە بوگەلىپ قالۋى ىسىنە ەرەكشە ءمان بەرۋدە. سىرتقى ىستەر مينيسترلىگى دەرەۋ شۇعىل جاعدايعا توتەپ بەرۋ مەحانيزمىن ىسكە قوسىپ، شەتەلدەگى قاتىستى ەلشىلىكتەر مەن كونسۋلحانالاردىڭ شەتەلدەرمەن بولعان قىزمەتتەردى كۇشەيتۋىنە ءارى بوگەلىپ قالعان باۋىرلاستارعا كۇش سالا كومەكتەسۋىنە جەتەكشىلىك ەتكەن؛ حالىقتىق اۆياتسيا مەڭگەرمەسى قاتارلى ەل ىشىندەگى باسقارۋشى تاراۋلارمەن شۇعىل كەڭەسىپ، اۆياتسيا سەرىكتەستىكتەرىنىڭ حاۋىپسىزدىككە كەپىلدىك ەتۋ شارتىندا كەزەكشى ۇشاقتاردى تەز ارادا قالپىنا كەلتىرۋىن ىلگەرىلەتكەن. ءارقايسى جاقتاردىڭ ورتاق قۇلشىنۋىنىڭ ارقاسىندا، قاتىستى قىزمەتتەردە بەلسەندى ىلگەرىلەۋشىلىككە قول جەتكىزىلدى.

”ءبىز قايتالاي قاتاڭ ەسكەرتەمىز: قازىر ورتا شىعىستاعى جاعداي ءالى دە كۇردەلى دە قيىن – قىستاۋ كەزەڭدە تۇر، تۇراقسىزدىق ءبىرشاما زور. جۇڭگو ازاماتتارىنىڭ اسكەري قاقتىعىستىڭ ىقپالىنا ۇشىراعان ەلدەر مەن رايوندارعا بارۋدان ساق بولعانى ءجون، سول جەردەگىلەردىڭ قاتىستى اقپاراتتارعا ءجىتى نازار اۋدارىپ، اۋە جەلىلەرى قالپىنا كەلتىرىلگەن ارالىقتان پايدالانىپ، تەزىرەك شەگىنىپ شىققانى ءجون. قاجەت بولعان جاعدايدا، دەر كەزىندە جۇڭگونىڭ سول جەردەگى ەلشىلىگى مەن كونسۋلحاناسىنا حابارلاسىڭىزدار نەمەسە 12308 كونسۋلدىق قورعاۋ نومىرىنە تەلەفون جالعاپ، كومەك سۇراۋلارىڭىزعا بولادى“، - دەدى ماۋ نيڭ.

كەلۋ قاينارى: حالىق تورابى