سىرتقى ىستەر مينيسترلىگى: حالىقارالىق قوعام جاپونيانىڭ جاڭاشا ميليتاريستىك اۋسارلىعىن باتىل تەجەۋى كەرەك

شينحۋا اگەنتتىگىنىڭ 2 – ايدىڭ 25 – كۇنى بەرگەن حابارى. سىرتقى ىستەر مينيسترلىگىنىڭ مالىمدەمەشىسى ماۋ نيڭ 2 – ايدىڭ 25 - كۇنى كەزەكتى تىلشىلەر جينالىسىندا جاپونيا ەركىن دەموكراتتار پارتياسىنىڭ قارۋ - جاراقتى ەكسپورت ەتۋ شەكتەمىن بوساتۋىنا قاتىستى ەڭ جاڭا بەتالىسى جونىندە سۇراۋعا جاۋاپ بەرگەندە بىلاي دەدى: ءبىز قاتىستى حابارلارعا نازار اۋداردىق، بۇعان قاتتى كوڭىل بولەمىز.

”شاپقىنشىلىق تاريحى بولعاندىقتان، جاپونيانىڭ اسكەري حاۋىپسىزدىك بەتالىسى ازياداعى كورشى ەلدەر مەن حالىقارالىق قوعامنىڭ نازارىن اۋدارىپ كەلەدى“. ماۋ نيڭ بىلاي دەدى: تاياۋ جىلداردان بەرى جاپونيا حاۋىپسىزدىكتى قورعاۋ ساياساتىن زور دارەجەدە رەتتەدى، جاپونيا جاقتىڭ ءمانساپتىلارى ”يادرولى ەل بولۋدى“ اشىق دارىپتەپ، ”يادروسىز بولۋ ءۇش پرينسيبىنە“ وزگەرىس ەنگىزۋگە، قارۋ - جاراق ەكسپورت ەتۋ شەكتەمەسىن كۇشىنەن قالدىرۋعا ۇرىندى، بۇل جاپونيانىڭ وڭ قانات كۇشتەرىنىڭ سوعىستان كەيىنگى حالىقارالىق ءتارتىپ پەن ىشكى زاڭنىڭ تەجەمىن بۇزىپ، ”قايتالاي اسكەريلەندىرۋگە“ ۇمتىلۋ قارا نيەتىن تاعى ءبىر رەت اشكەرەلەدى، حالىقارالىق قوعام بۇدان بارىنشا قىراعى بولۋى كەرەك، دۇنيە جۇزىلىك ەكىنشى سوعىستىڭ جەڭىس جەتىستىكتەرى مەن سوعىستان كەيىنگى حالىقارالىق ءتارتىپتى قول ۇستاسا قورعاپ، جاپونيانىڭ جاڭاشا ميليتاريستىك اۋسارلىعىن باتىل تەجەۋى كەرەك.

كەلۋ قاينارى: حالىق تورابى