جۇڭگو ەلشىلىگى نەپالدا تۇراتىن جۇڭگو ازاماتتارىنا قاتىناس حاۋىپسىزدىگىنە كوڭىل ءبولۋدى ەسكەرتتى 

ورتالىق تەلەۆيزيا تورابىنىڭ حابارى: جۇڭگونىڭ نەپالدا تۇراتىن باس ەلشىلىگى حاۋىپسىزدىككە ساياتىن ەسكەرتۋ جاريالادى: 2026 – جىلى 2 – ايدىڭ 23 – كۇنى تاڭ ءسارى ساعات ءبىر اينالاسىندا، نەپالدىڭ ورتا بولىگىندەگى داديڭ رايونىندا ءبىر اۆتوبۋس اۋدارىلىپ، وزەنگە قۇلاعان، شىرعالاڭدا قازىرگە دەيىن 19 ادام قازا بولعان، 25 ادام جارالانعان. جۇڭگونىڭ نەپالدا تۇراتىن باس ەلشىلىگى بۇل حاباردى ەستىگەن سوڭ، دەرەۋ كونسۋلدىق قورعاۋ جاعىنداعى شۇعىل جاعدايعا توتەپ بەرۋ مەحانيزمىن ىسكە قوسىپ، جەرگىلىكتى ساقشى جاقتان دەرەۋ جاعدايدى سۇراستىرعان ءارى قىزمەت ورىستەتكەن. نەپال ساقشى جاعىنىڭ حابارلاندىرۋىنا قاراعاندا، وقيعادا جۇڭگو ازاماتىنان بىرەۋى قازا بولعان، بىرەۋى جارالانعان.

جۇڭگونىڭ نەپالدا تۇراتىن باس ەلشىلىگى نەپالدا تۇراتىن جۇڭگو ازاماتتارىنا قاتىناس حاۋىپسىزدىگى تانىمىن كۇشەيتىپ، جول جاعدايى جاقسى رايونداردى تاڭداپ ساياحاتتاۋدى، حاۋىپسىز جانە سەنىمدى قاتىناس قۇرالدارىن پايدالانۋدى، شاعىن جولاۋشىلار ۇشاعى مەن الەۋمەتتىك قاتىناس قۇرالدارىنا وتىرۋدان اباي بولۋدى ەسكەرتكەن. ەگەر الەۋمەتتىك قاتىناس قۇرالدارىن تاڭداعان جاعدايدا، ءسوزسىز، شىنايى اتى – ءجونىن تىزىمگە الدىرۋ، ساياحات قۇجاتتارىن ويداعىداي ساقتاۋ، جولعا شىعۋدان بۇرىن، كۇشكە يە جەكەلىك پاسپورت، ۆيزا كوشىرمەسى جانە ساپار جوسپارى، بىرگە ساياحاتتاۋشىلاردىڭ ينفورماتسياسى قاتارلىلاردى تۋىس – تۋعان، دوس - جاراندارىنا ايتۋ كەرەك. رەسمي ارنا ارقىلى تولىمدىلىعى جاقسى ساياحات سەرىكتەستىكتەرىن تاڭداپ، ساياحاتقا قاجەتتى قامسىزداندىرۋدى ساتىپ العان ءجون.

ەگەر قاتىناس شىرعالاڭىنا ۇشىراساڭىز، سابىرلى بولىپ، ءوزىڭىزدىڭ حاۋىپسىزدىگىڭىزگە كەپىلدىك ەتە الاتىن جاعدايدا، دەر كەزىندە جەرگىلىكتى ساقشى مەكەمەسىنە، شۇعىل قۇتقارۋ ورنىنا تەلەفون سوعۋىڭىزعا بولادى، شۇعىل جاعدايدا جۇڭگونىڭ نەپالدا تۇراتىن باس ەلشىلىگىنىڭ كونسۋلدىق قورعاۋ تەلەفونىنا تەلەفون سوعىپ كومەك سۇراۋىڭىزعا بولادى.

كەلۋ قاينارى: حالىق تورابى