بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2026.02.24 16:42 كەلۋ قاينارى : حالىق تورابى
جۋىردا، حۋنان ولكەسى داۋشيان اۋدانىنىڭ ورمان شارۋاشىلىعى تاراۋى حابارلاندىرۋ جاريالادى. 2 – ايدىڭ 9 – كۇنى، ازامات جاسىنا تولماعان 2 بالا اعاش ءدىڭىنىڭ قۋىسىنا تورسىلداق لاقتىرىپ، وسىنىڭ سالدارىنان 1200 جاستاعى بايىرعى كامفورا اعاشىنا وت تۇتانعان.
بۇل اعاشتىڭ بىيكتىگى 20 مەتردەي، كەۋدە تۇسىنىڭ جۋاندىعى 3.2 مەتر ەكەن. بايىرعى اعاشتىڭ دىڭى مەن جۋان بۇتاقتارىنىڭ وزەگى كەۋەكتەنىپ بوس قالعان، ىشكى بولىمىندە ماي قۇرامى ءبىرشاما جوعارى، وت تۇتانعان ورىن كومەسكى ءارى بىتىراڭقى بولعاندىقتان، ءورت جالىنى وشىرىلگەننەن كەيىن دە قايتالاي تۇتانىپ، 7 ساعاتتا ارەڭ تولىق وشىرىلگەن.
مامانداردىڭ ساراپتاپ تۇراقتاندىرۋىنشا، ءورت بارىسىندا اعاش دىڭىنىڭ ىشكى جاعىنداعى شىرىگەن بولىگى كۇيگەنىمەن، اعاشتىڭ قابىعى مەن تالشىقتى قابىق تىكانى تولىق ساقتالعان، اعاش بۇكىلدەي كوكتەمەي قالاتىنداي زيانعا ۇشىراماعان.
كەلەسى قادامدا، جەرگىلىكتى ورمان شارۋاشىلىعى تاراۋلارى قۇتقارۋ جانە قۋاتتاندىرۋ قىزمەتىن ىلگەرىلەتەدى، قاتىستى ادامداردى جاۋاپكەرشىلىككە تارتىپ، تەكسەرۋ جۇرگىزەدى.
بالالاردىڭ تورسىلداقتى قاتە پايدالانۋى سالدارىنان اۋىر زارداپ جانە جوعارى سومادا تولەم تولەۋ ىقتيمالدىعى تۋىنداۋى مۇمكىن، وسى ارادا مىناداي ەكى ءتۇرلى مىسال كورسەتىلدى، اتا – انالار بىلە جۇرىڭىزدەر.
ءبىرىنشى دەلو:
2025 – جىلى 1 – ايدىڭ 27 – كۇنى، 8 جاستاعى ۇل بالا باسقا بىرەۋدىڭ ەسىگىنىڭ الدىندا تورسىلداق اتقان، وسىنىڭ سالدارىنان ءورت كەتىپ، سول ءۇيدىڭ مال – مۇلكى ورتەنگەن، ەڭ سوڭىندا سوت مەكەمەسى ۇل بالانىڭ اتا – اناسىن سول ءۇيدىڭ ءتۇرلى شىعىمدارى رەتىندە جيىنى 330 مىڭ يۋاننان استام تولەم تولەۋگە ۇكىم ەتكەن.
ەكىنشى دەلو:
2024 – جىلى 2 – ايدىڭ 12 – كۇنى، گۋاڭدۇڭ ولكەسى مەيجوۋ اۋدانىندا ازامات جاسىنا تولماعان 3 بالا ورماندا ءوز بىلگەنىنشە تورسىلداق اتىپ، ابايسىزدا ورمانعا ءورت كەتۋگە سەبەپكەر بولعان. قاتىستى تاراۋلار قىلمىس وتكىزۋشىلەردىڭ قامقورشىلارىنا ەڭ جوعارى جازانى بەرگەن، قامقورشىلاردى ورماندى قايتا جاسىلداندىرۋ قاراجاتىن تولەۋگە، اكىمشىلىك جاقتان اقشالاي ايىپ تولەۋگە بۇيىرعان، بۇل قاراجاتتار جيىنى 300 مىڭ يۋانعا جۋىقتاعان.
كەلۋ قاينارى: حالىق تورابى
