ساۋدا مينيسترلىگى: انگليا جاقتىڭ رەسەيگە قاتىستى دەگەن سىلتاۋمەن جۇڭگونىڭ كاسىپورىندارىنا جازالاۋ شارالارىن اتقارۋىنا باتىل قارسى تۇرامىز 

شينحۋا اگەنتتىگىنىڭ ءتىلشىسى شيە شيياۋ 3 – ايدىڭ 2 – كۇنى بەيجيڭنەن حابارلايدى. انگليا سىرتقى ىستەر مينيسترلىگى جۋىردا جاريالاعان رەسەيگە قاتىستى جاڭا كەزەكتى جازالاۋ تىزىمدىگىندە كوپتەگەن جۇڭگو كاسىپورىندارى قامتىلعانىنا باعىتتاي وتىرىپ، ساۋدا مينيسترلىگىنىڭ مالىمدەمەشىسى 3 - ايدىڭ 2 – كۇنى بىلاي دەدى: انگليا جاق رەسەيگە قاتىستى دەگەندى جەلەۋ ەتىپ، جۇڭگو كاسىپورىندارىن جازالاۋ تىزىمدىگىنە ەنگىزۋ شارالارىن كوپ رەت قولداندى. انگليا جاقتىڭ ارەكەتى حالىقارالىق زاڭعا نەگىزدەلمەگەن، بىرلەسكەن مەملەكەتتەر ۇيىمىنىڭ رۇقساتىن الماعان سىڭار جاقتى جازالاۋ، جۇڭگو جاق بۇعان قاتاڭ نارازىلىق بىلدىرەدى ءارى باتىل قارسى تۇرادى.

مالىمدەمەشى بىلاي دەدى: ۋكراينا داعدارىسى ماسەلەسىندە، جۇڭگو جاق ەجەلدەن بەرى زاڭ – ەرەجە بويىنشا حالىقتىق جانە اسكەري ماقساتتا بىردەي قولدانىلاتىن زاتتاردى ەكسپورت ەتۋدى قاتاڭ باسقارىپ كەلەدى، جۇڭگو مەن رەسەي كاسىپورىندارىنىڭ قالىپتى قارىم – قاتىناسى مەن سەلبەستىگى كەدەرگىگە جانە ىقپالعا ۇشىراماۋى كەرەك. جۇڭگو جاق انگليا جاقتى جۇڭگو – انگليا قارىم – قاتىناسىنىڭ تاماشا دامۋ بەتالىسىن قورعاۋ تۇرعىسىنان، قاتە ارەكەتىن دەرەۋ تۇزەتىپ، جۇڭگونىڭ قاتىستى ناقتى تۇلعالارىنا باعىتتالعان جازالاۋ شارالارىن كۇشىنەن قالدىرۋعا قۋزايدى. جۇڭگو جاق قاجەتتى شارالاردى قولدانىپ، جۇڭگو كاسىپورىندارىنىڭ ۇيلەسىمدى دە زاڭدى ۇقىق – مۇددەسىن باتىل قورعايدى.

كەلۋ قاينارى: حالىق تورابى