تەمپەراتۋرا تومەندەپ، قارلى بوران سوعادى! شينجياڭدا كۇشتى سۋىق اعىس جۇرەدى

كوپشىلىك نازار اۋدارىڭىزدار، جۋىردا كۇشتى سۋىق اعىس جۇرەدى، تەمپەراتۋرا تومەندەپ، قارلى بوران سوعادى، قۇمدى بوران سوعادى، سولتۇستىك شينجياڭنىڭ باسىم كوپ جەرىندە تەمپەراتۋرا كۇرت تومەندەيدى، كەي جەرلەردە قاقاعان اياز بولادى، سولتۇستىك شينجياڭداعى ويپاتتاردىڭ شىعىس بولەگىندە قيىس شىعىستان 5 بال اينالاسىندا جەل سوعادى، الداعى بىرنەشە كۇندەگى شينجياڭنىڭ اۋا رايى كۇردەلى بولىپ، سولتۇستىك شينجياڭدا جالعاستى قار جاۋادى، تەمپەراتۋرا تومەندەيدى، وڭتۇستىك شينجياڭدا اۋا رايى نەگىزىنەن اشىق نەمەسە بۇلتتى بولادى، ءبىراق شاڭ - توزاڭنان ساقتانۋ كەرەك.

2 - ايدىڭ 26 - كۇنى تۇننەن 27 - كۇنى كۇندىزگە دەيىن، سولتۇستىك شينجياڭنىڭ باتىس بولەگى، تارباعاتاي ايماعى، قارامايلى قالاسى، شىحىزى قالاسى، ءۇرىمجى قالاسى، سانجى وبلىسى، قۇمىل قالاسى جانە التاي ايماعىنىڭ شىعىس بولەگىندەگى تاۋلى وڭىرلەر، وڭتۇستىك شينجياڭنىڭ باتىس بولەگىندەگى تاۋلى وڭىرلەر، اقسۋ ايماعىنىڭ سولتۇستىك تاۋلى وڭىرلەرى، بايىنعولىن وبلىسىنىڭ سولتۇستىك بولەگى، تۇرپان قالاسى قاتارلى جەرلەردىڭ ءىشىنارا وڭىرلەرىندە قىرباق قار جاۋادى (تۇرپان قالاسى، قۇمىل قالاسىنىڭ وڭتۇستىك بولەگىندە جاڭبىر ارالاس قار جاۋىپ، سوڭى قارعا اينالادى)، مۇنىڭ ىشىندە ىلە اڭعارى مەن بۇراتالا وبلىسى، تارباعاتاي ايماعى، بايىنعولىن وبلىسىنىڭ سولتۇستىك تاۋلى رايونى، قۇمىل قالاسىنىڭ سولتۇستىك تاۋلى رايونى قاتارلى جەرلەردىڭ ءىشىنارا وڭىرلەرىندە ورتاشادان باستاپ قالىڭ قار جاۋادى، ىلە اڭعارىنىڭ ءىشىنارا وڭىرلەرىندە قالىڭ قار نەمەسە ەرەكشە قالىڭ قار جاۋادى، جوعارىدا ايتىلعان ءىشىنارا وڭىرلەردە باتىس سولتۇستىكتەن 5 بال اينالاسىندا جەل سوعادى، جەل وتىندە 9 دا 10 بال بوران سوعادى؛ سولتۇستىك شينجياڭ وڭىرىندە قارلى بوران سوعادى؛ وڭتۇستىك شينجياڭ ويپاتىندا شاڭ - توزاڭ بولادى.

2 – ايدىڭ 27 – كۇنى تۇننەن 28 - كۇنى كۇندىزگە دەيىن، سولتۇستىك شينجياڭنىڭ باتىس بولەگى، شىحىزى قالاسى جانە تارباعاتاي ايماعى، التاي ايماعىنىڭ سولتۇستىك بولەگى مەن شىعىس بولەگى، قارامايلى قالاسى، ءۇرىمجى قالاسى، سانجى وبلىسى، وڭتۇستىك شينجياڭنىڭ باتىس بولەگىندەگى تاۋلى رايون، اقسۋ ايماعىنىڭ سولتۇستىك بولەگىندەگى تاۋلى رايون، بايىنعولىن وبلىسىنىڭ تاۋلى رايونى، تۇرپان قالاسىنىڭ سولتۇستىك تاۋلى رايونى، قۇمىل قالاسى قاتارلى جەرلەردىڭ ءىشىنارا وڭىرلەرىندە قىرباق قار جاۋادى (تۇرپان قالاسىنىڭ سولتۇستىك تاۋلى رايونىندا، قۇمىل قالاسىنىڭ وڭتۇستىك بولەگىندە جاڭبىر ارالاس قار جاۋىپ، سوڭى قارعا اينالادى)، مۇنىڭ ىشىندە ىلە اڭعارىنىڭ كوپ بولەگى مەن بۇراتالا وبلىسىنىڭ شىعىس بولەگىندەگى تاۋلى وڭىرلەر، تارباعاتاي ايماعىنىڭ وڭتۇستىك بولەگىندەگى تاۋلى وڭىرلەر، بايىنعولىن وبلىسىنىڭ سولتۇستىك بولەگىندەگى تاۋلى رايوندار، قۇمىل قالاسىنىڭ سولتۇستىك بولەگىندەگى تاۋلى رايوندار قاتارلى جەرلەردىڭ ءىشىنارا وڭىرلەرىندە ورتاشادان باستاپ قالىڭ قار جاۋادى، ىلە اڭعارىنداعى تاۋلى وڭىرلەردىڭ ءىشىنارا جەرلەرىندە قالىڭ قار جاۋادى؛ جوعارىدا ايتىلعان ءىشىنارا وڭىرلەردە باتىس سولتۇستىكتەن 5 بال اينالاسىندا جەل سوعادى، جەل وتىندە 9 دا 10 بال بوران سوعادى، سولتۇستىك شينجياڭنىڭ كەي وڭىرلەرىندە قارلى بوران سوعادى.

كەلۋ قاينارى: حالىق تورابى